Biggboss: அதிர்ச்சி..! பிக்பாஸ் வீட்டை விட்டு சற்று முன் அதிரடியாக வெளியேற்றப்பட்ட போட்டியாளர் யார் தெரியுமா?

பிக் பாஸ் சீசன் 6 நிகழ்ச்சியில் இருந்து, இந்த வாரம் அதிரடியாக வெளியேற்றப்பட்ட போட்டியாளர் யார் என்கிற தகவல் தற்போது வெளியாகியுள்ளது.  

பிக்பாஸ் சீசன் 6 நிகழ்ச்சி, 50 நாட்களைக் கடந்து தற்போது மிகவும் விறுவிறுப்பாக சென்று கொண்டிருக்கிறது இதில் மொத்தம் 21 போட்டியாளர்கள் கலந்து கொண்ட நிலையில், இதுவரை 6 போட்டியாளர்கள் பிக்பாஸ் வீட்டில் இருந்து வெளியேறி உள்ளனர். மீதம் 15 போட்டியாளர்கள் பிக் பாஸ் வீட்டில் கடும் போட்டிகளுக்கு நடுவில் விளையாடி வருகின்றனர்.

இந்நிலையில் இந்த வாரம் நாமினேஷன் பட்டியலில் அசீம், தனலட்சுமி,  கதிரவன்,  ராம்,  அமுதவாணன்,  மணிகண்டன் மற்றும் ராபர்ட் ஆகிய ஏழு பேர் சிக்கிய நிலையில்... இதில் யார் வெளியேறுவார் என்று சமூக வலைத்தளங்களில் பல்வேறு தகவல்கள் பரவி வந்தது.

அந்த வகையில் இந்த வாரம், கதிரவன், அசீம், தனலட்சுமி ஆகியோர் ஓரளவுக்கு நிறைய வாக்குகளை பெற்று, அடுத்தடுத்த நிலையில் சேப் சோனில் உள்ளதாக கூறப்பட்டது. ராம், மணிகண்டன், ராபர்ட் மாஸ்டர், அமுதவாணன், ஆகியோர் சமமான நிலையில் வாக்குகளை பெற்றுள்ளதாகவும், சில வாக்குகள் மட்டுமே வித்தியாசம் உள்ளதால், இவர்கள் நால்வரில் யார் வெளியேறுவார் என்பது புரியாத புதிராக இருந்தது.

இந்நிலையில் தற்போது வெளியாகி உள்ள தகவலின் படி, இன்றைய எபிசோடில் சற்று முன்னர் பிரபல டான்ஸ் மாஸ்டர் ராபர்ட் பிக் பாஸ் வீட்டில் இருந்து வெளியேற்றப்பட்டுள்ளார். என பிக்பாஸ் வட்டாரத்திலிருந்து அதிகார பூர்வ தகவல்கள் வெளியாகி உள்ளன.

இதற்கு முக்கிய காரணம் ராபர்ட் மாஸ்டர், கடந்த சில தினங்களாகவே பிக்பாஸ் நிகழ்ச்சியில் விளையாடுவதில் கவனம் செலுத்தாமல், ரக்ஷிதாவை ஒருதலையாக காதலித்து அவரை கரெக்ட் செய்ய வேண்டும் என அவரையே சுற்றி சுற்றி வந்ததால் பிக்பாஸ் நிகழ்ச்சியில் இருந்து வெளியேற்றப்பட்டுள்ளார்.

அதே நேரம் ராபர்ட் மாஸ்டர் தன்னை சுற்றி சுற்றி வந்து தொந்தரவு செய்ததை வெளியில் சொல்லவும் முடியாமல், மனதிற்குள் வைத்துக் கொள்ளவும் முடியாமல் வேதனை பட்டு வந்த ரக்ஷிதாவுக்கு இனி ஓரளவு நிம்மதி என்றேன் கூறலாம்.