கடந்த 2010 ஆம் ஆண்டு, 'லீடர்' என்கிற தெலுங்கு படத்தின் மூலம் திரையுலகிற்கு அறிமுகமானவர் நடிகை ரிச்சா கங்கோபாத்யாய, பின் தமிழில் நடிகர் தனுஷ் நடித்த 'மயக்கம் என்ன' படத்தின் மூலம் அறிமுகமானார்.
இந்த படத்திற்காக இவருக்கு சிறந்த அறிமுக நடிகைக்கான எடிசன் விருது, விஜய் அவார்ட்ஸ், உள்ளிட்ட பல விருதுகள் கிடைத்தன.
இந்த படத்தை தொடர்ந்து சிம்பு நடித்த 'ஒஸ்தி' படத்தில் நடித்தார். பின் ஒரு சில காரணங்களால் இவர் தமிழ் படங்களில் நடிக்கவில்லை. நடிக்க வந்த வாய்ப்புகளையும் ஏற்கவில்லை.
ஆனால் தெலுங்கு திரைப்படங்களில் மட்டுமே அதிக கவனம் செலுத்தி வந்தார். அந்த வகையில் வருடத்திற்கு ஒன்று அல்லது இரண்டு படங்களில் நடித்த இவர் நீண்ட இடைவேளைக்கு பின் 'போலீஸ் டைகர்' என்கிற படத்தில் நடித்திருந்தார்.
பின்னர் திரையுலகில் இருந்தே விலகிய ரிச்சா கங்கோபாத்யாய, தன்னுடைய காதலர் ஜோ ஜோ லங்கேலா, என்கிற வெளிநாட்டைச் சேர்ந்த தொழில் அதிபர் ஒருவரை காதலித்து 2019 ஆம் ஆண்டு திருமணம் செய்துகொண்டார்.
இவருக்கு திருமணம் ஆகி, இரண்டு வருடங்கள் ஆகும் நிலையில் தற்போது இவர் கர்ப்பமாக உள்ள தகவலை புகைப்படம் வெளியிட்டு தெரிவித்துள்ளார். ஜூன் மாதம் குழந்தைக்கு தாயாகி விடுவாராம் ரிச்சா... இந்த புகைப்படத்திற்கு ரசிகர்கள் தங்களுடைய வாழ்த்துக்களை தெரிவித்து வருகிறார்கள்.
சேனலை கிளிக் செய்து பின்தொடரவும்