Thalaivar 169 : பீஸ்ட்டால் நெல்சனுக்கு வந்த சோதனை... கைமாறும் ‘தலைவர் 169’ படம்! - அட்லீக்கு அடித்த ஜாக்பாட்?

Thalaivar 169 : ஏற்கனவே தர்பார், அண்ணாத்த என அடுத்தடுத்து தோல்வியை சந்தித்ததால், ஹிட் கொடுக்க வேண்டிய கட்டாயத்தில் உள்ளார் ரஜினி. 

நடிகர் விஜய்யை வைத்து நெல்சன் இயக்கிய பீஸ்ட் திரைப்படம் மிகுந்த எதிர்பார்ப்புக்கு மத்தியில் கடந்த ஏப்ரல் 13-ந் தேதி திரையரங்குகளில் வெளியானது. ஏராளமான லாஜிக் மீறல்கள் மற்றும் சுவாரஸ்யம் இல்லாத கதைக்களம் காரணமாக இப்படம் கலவையான விமர்சனங்களை பெற்று வருகிறது. இப்படத்தின் வசூலும் நாளுக்கு நாள் குறைந்த வண்ணம் உள்ளது.

பீஸ்ட் படம் ரிலீசாகும் முன்னரே நெல்சன் இயக்க உள்ள அடுத்த படம் குறித்த அறிவிப்பு வெளியானது. அதன்படி அவர் ரஜினியின் தலைவர் 169 படத்தை இயக்க உள்ளதாக அறிவிப்பு வெளியானது. சன் பிக்சர்ஸ் நிறுவனம் தயாரிக்க உள்ள இப்படத்திற்கு அனிருத் இசையமைக்க உள்ளதாகவும் அதிகாரப்பூர்வமாக அறிவித்து இருந்தனர்.

தற்போது பீஸ்ட் படம் சறுக்கலை சந்தித்ததன் காரணமாக நடிகர் ரஜினிகாந்த் கடும் குழப்பத்தில் உள்ளாராம். தயாரிப்பு தரப்போ தலைவர் 169 படத்தின் இயக்குனரை மாற்ற வேண்டுமா? இல்லை நெல்சனே இயக்கட்டுமா? என்கிற முடிவை நீங்களே எடுத்துக் கொள்ளுங்கள் என ரஜினியிடம் கூறிவிட்டதாக கோலிவுட் வட்டாரங்கள் தெரிவிக்கின்றன.

ஏற்கனவே தர்பார், அண்ணாத்த என அடுத்தடுத்து தோல்வியை சந்தித்ததால், ஹிட் கொடுக்க வேண்டிய கட்டாயத்தில் உள்ளார் ரஜினி. அதனால் அவர் தலைவர் 169 படத்தை நெல்சனை இயக்க வைத்து ரிஸ்க் எடுக்க விரும்பவில்லை என்றும், அவருக்கு பதில் அட்லீயிடம் அந்த பொறுப்பை ஒப்படைக்க உள்ளதாகவும் தகவல் பரவி வருகிறது. 

இதையும் படியுங்கள்... Shruti Haasan : சைஸ் கேட்ட நெட்டிசனுக்கு... ‘நீயே அளந்துக்கோ’னு போட்டோ அனுப்பி ஷாக் கொடுத்த சுருதிஹாசன்