பிரபாஸ் நடிப்பில் பிரம்மாண்டமாக உருவாகி உள்ள திரைப்படம் ஆதிபுருஷ். இப்படத்தை ஓம் ராவத் இயக்கி உள்ளார். இராமாயணத்தை மையமாக வைத்து உருவாகி உள்ள இப்படத்தில் நடிகர் பிரபாஸ் ராமனாக நடித்துள்ளார். அவருக்கு ஜோடியாக சீதா கதபாத்திரத்தில் கீர்த்தி சனோன் நடித்து இருக்கிறார். மேலும் இராவணனாக பாலிவுட் நடிகர் சையிப் அலிகான் நடித்துள்ளார். இப்படம் தமிழ், தெலுங்கி, இந்தி, கன்னடம், மலையாளம் ஆகிய மொழிகளில் வருகிற ஜூன் மாதம் 16-ந் தேதி ரிலீஸ் ஆக உள்ளது.
ஆதிபுருஷ் திரைப்படம் ரூ.700 கோடி பட்ஜெட்டில் உருவாகி இருக்கிறது. இப்படத்தின் டீசர் கடந்தாண்டு வெளியாகி கடும் விமர்சனத்தை சந்தித்தது. அதன் வி.எப்.எக்ஸ் காட்சிகள் கடுமையாக ட்ரோல் செய்யப்பட்டன. இதனால் மீண்டும் படத்தை மெருகேற்றி தற்போது அதனை ரிலீசுக்கு தயார் செய்து உள்ளனர். ஆதிபுருஷ் படத்தின் ரிலீசுக்கு இன்னும் ஒரு மாதமே எஞ்சியுள்ள நிலையில், அப்படத்தின் அப்டேட்டுகளும் படிப்படியாக வெளியிடப்பட்டு வருகின்றன.
இதையும் படியுங்கள்... ஏன்டா இது ஒரிஜினல் போஸ்டர்னு சொல்ல மாட்டீங்களா... ‘லால் சலாம்’ ரஜினியை பங்கமாக கலாய்த்த ப்ளூ சட்டை மாறன்
அதன்படி ஆதிபுருஷ் படத்தின் டிரெய்லரை இன்று மாலை ரிலீஸ் செய்ய உள்ளதாக படக்குழு அறிவித்து இருந்தது. அதன்படி இதன் டிரெய்லரை உலகமெங்கும் 70 நாடுகளில் ரிலீஸ் செய்ய திட்டமிட்டிருந்ததோடு, இதனை ஒரே நேரத்தில் திரையரங்குகள் மற்றும் யூடியூப்பில் ரிலீஸ் செய்யவும் ஏற்பாடுகளை செய்து இருந்தது. 3டி தொழில்நுட்பத்தில் ஆதிபுருஷ் டிரெய்லரை ரிலீஸ் செய்யவும் படக்குழு திட்டமிட்டு இருந்தது. அவர்களின் பிரம்மாண்ட பிளான் எல்லாம் தற்போது வேஸ்ட் ஆகி உள்ளது.