வெற்றிமாறனின் பேட்டைக்காளி முதல் அமலாவின் கணம் வரை... தீபாவளி ஸ்பெஷல் ஓடிடி வெளியீடுகள் இதோ

தீபாவளி பண்டிகை வருவதால், இந்த வாரம் ஏராளமான படங்கள் ஓடிடி-யில் ரிலீசாக உள்ளன. அதன்பட்டியலை தற்போது பார்க்கலாம்.

ஓடிடி தளங்கள் சினிமாவின் ஒரு அங்கமாக மாறிவிட்டது. கொரோனா ஊரடங்கு சமயத்தில் படங்களை நேரடியாக ஓடிடி-யில் வெளியிட திரையரங்க உரிமையாளர்கள் கடும் எதிர்ப்பு தெரிவித்தனர். இப்படி செய்தால் திரையரங்குகள் அழிந்துவிடும் என்றெல்லாம் கவலைப்பட்டனர். பின்னர் நாளடையில் ஓடிடிக்கென தனியாக படங்களும் தயாரிக்க ஆரம்பித்துவிட்டனர். அந்த அளவுக்கு ஓடிடி தளங்கள் அசுர வளர்ச்சி கண்டுள்ளன.

திரையரங்கில் வெளியாகும் படங்களுக்கும், ஓடிடி உரிமையை விற்பதன் மூலம் பெரும் தொகை கிடைத்து வருகிறது. இதனால் ஓடிடி தளங்கள் திரைத்துறையினருக்கு ஒரு வரப்பிரசாதமாகவே மாறி உள்ளது. அந்த வகையில் வாரந்தோறும் ஏதாவது படங்கள் ஓடிடி-யில் வெளிவந்த வண்ணம் இருக்கின்றன. அந்த வகையில் வரும் வாரம் தீபாவளி பண்டிகை வருவதால், ஏராளமான படங்கள் ஓடிடி-யில் ரிலீசாக உள்ளன. அதன்பட்டியலை தற்போது பார்க்கலாம்.

இதையும் படியுங்கள்... மகேஸ்வரியை டார்கெட் செய்த அசீம்... ஒரு ஆள் விடாமல் வச்சு செய்யும் விக்ரமன் - பிக்பாஸ் புரோமோ இதோ

அந்த வகையில் வருகிற அக்டோபர் 21-ந் தேதி வெற்றிமாறன் தயாரிப்பில் பிரம்மாண்டமாக தயாராகி உள்ள பேட்டைக்காளி என்கிற வெப் தொடர் நேரடியாக ஆஹா ஓடிடி தளத்தில் வெளியாக உள்ளது. ஜல்லிக்கட்டை மையமாக வைத்து இந்த வெப் தொடர் உருவாகி உள்ளது. இதுதவிர அமலா நடிப்பில் கடந்த மாதம் வெளியாகி வரவேற்பை பெற்ற கணம் திரைப்படமும் இந்த வாரம் சோனி லிவ் ஓடிடி தளத்தில் ரிலீசாக உள்ளது. இவை இரண்டு தான் தமிழ் வெளியீடுகள்.

மற்றமொழிகளைப் பொறுத்தவரை, இந்தியில் பிரம்மாஸ்திரா திரைப்படம் ஹாட்ஸ்டாரிலும், தி டிரிப்ளிங் S3 திரைப்படம் ஜீ5 தளத்தில் வெளியாக உள்ளது. அதேபோல் தெலுங்கில் பிம்பிசாரா படம் ஜீ5 தளத்திலும், கிருஷ்ணா விரிந்தா விஹாரி திரைப்படம் நெட்பிளிக்ஸிலும், கபட நாடக சூத்ரதாரி படம் ஆஹா தளத்திலும் ரிலீசாக உள்ளது. அதேபோல் மலையாளத்தில் மைக் படம் சிம்ப்ளி சவுத் ஓடிடி தளத்திலும், அம்மு அமேசான் பிரைமிலும் ரிலீசாக உள்ளன. 

இதையும் படியுங்கள்... குழந்தை பெத்துக்கனும்னு ஆசையா இருக்கு... ஆனா முடியாது - என்ன தமன்னா இப்படி சொல்லிட்டாங்க..!