என் மார்பில் அடிச்சுட்டு ஓடிட்டான்... கசப்பான அனுபவங்களை பகிர்ந்த நடிகை பார்வதி

தனது சிறுவயதில் ஏற்பட்ட மோசமான அனுபவம் குறித்து நடிகை பார்வதி திருவோத்து பேசியுள்ளார். அது வலி, குழப்பம் மற்றும் பயம் நிறைந்த தருணங்கள் என்று பார்வதி கூறி இருக்கிறார்.

Parvathy Thiruvothu interview

தமிழில் பூ, மரியான், தங்கலான் போன்ற படங்களில் நடித்து பிரபலமானவர் நடிகை பார்வதி திருவோத்து. 'அவுட் ஆஃப் சிலபஸ்' படத்தின் மூலம் திரையுலகில் நுழைந்த இவர், பின்னர் மலையாள சினிமாவில் தனக்கென ஒரு இடத்தைப் பிடித்தார். ஒவ்வொரு கதாபாத்திரத்திற்கும் பார்வதி கொடுக்கும் பரிமாணங்கள் மிகவும் பெரியவை. அவை பெரிதும் கவனிக்கப்பட்டன. நடிப்பு மட்டுமின்றி, சமூகப் பிரச்சினைகளிலும் தனது கருத்துக்களைத் தைரியமாக வெளிப்படுத்தத் தயங்காதவர். இதற்காக அவர் விமர்சனங்களுக்கும் உள்ளாகியுள்ளார். இவை ஒருபுறம் நடந்தாலும், பார்வதி தனது நிலைப்பாட்டில் எப்போதும் உறுதியாக நின்றார்.

பார்வதி பகிர்ந்த பகீர் சம்பவம்

தற்போது, தனது சிறுவயதில் ஏற்பட்ட மோசமான அனுபவங்களை பார்வதி திருவோத்து வெளிப்படையாகப் பேசியுள்ளார். அது வலி, குழப்பம் மற்றும் பயம் நிறைந்த தருணங்கள் என்று பார்வதி கூறி உள்ளார். "சிறுவயதில் ரயில் நிலையத்தில் அப்பா அம்மாவுடன் நின்றுகொண்டிருந்தேன். நான் அப்போது மிகவும் சிறியவள். திடீரென ஒருவர் வந்து என் மார்பில் அடித்துவிட்டு ஓடிவிட்டார். அது வெறும் தொடுதல் அல்ல. கடுமையான வலியை ஏற்படுத்தியது. அன்று என்ன நடந்தது என்று எனக்குப் புரியவில்லை. மிகவும் பயந்துவிட்டேன்" என்று பார்வதி கூறினார். யூடியூப் சேனலுக்கு அளித்த பேட்டியில் நடிகை இதனை கூறி உள்ளார்.

பார்வதிக்கு நடந்த கசப்பான அனுபவம்

"சாலையில் நடக்கும்போது ஆண்களின் கைகளைப் பார்த்து நடக்க வேண்டும் என்று அம்மா சொல்லிக் கொடுத்திருந்தார். எல்லா நேரங்களிலும் எச்சரிக்கையாக இருக்கச் சொன்னார். ஒரு தாய் தன் மகளுக்கு இப்படிக் கற்றுக் கொடுக்க வேண்டும் என்றால், அந்தச் சூழலை நினைத்துப் பாருங்கள்" என்றும் பார்வதி தெரிவித்துள்ளார்.

17 வயதில் சந்தித்த ஏமாற்றம்

17 வயதில் தனக்குத் தெரிந்த ஒருவரால் ஏற்பட்ட மோசமான அனுபவத்தையும் பார்வதி பகிர்ந்து கொண்டார். "பள்ளியில் படிக்கும்போது நமக்கு யார் மீதாவது ஈர்ப்பு ஏற்படலாம். எனக்கும் ஒரு நபர் மீது ஈர்ப்பு இருந்தது. அந்த நபர் நம்மை ஒரு தனிப்பட்ட இடத்தில் வைத்து தவறாகப் பயன்படுத்தும்போது, நீங்கள் அவர்களை நேசித்தால் அதற்கு அனுமதிக்க வேண்டும் என்று கூறி அதை இயல்பாக்குகிறார். என் வாழ்வில் நடந்த இந்த விஷயங்களை புரிந்துகொள்ள எனக்கு முப்பது வருடங்கள் தேவைப்பட்டது" என்று பார்வதி திருவோத்து கூறி உள்ளார்.