சரவணனின் ரகசியம்.. அஞ்சலியிடம் சொன்ன பொய்! பாண்டியன் ஸ்டோர்ஸ் 2 சீரியலில் உடையப்போகும் உண்மை? இன்றைய ஹைலைட்ஸ்!

Pandian Stores 2 Serial Today Episode HighLights : பாண்டியன் ஸ்டோர்ஸ் 2 சீரியலில் மனைவி பற்றி அஞ்சலி கேட்க தொடங்கிய உடன் சரவணன் உண்மையை மறைக்க தொடங்கியுள்ளார். இதற்கான காரணம் என்ன என்பது பற்றி பார்க்கலாம்.

பாண்டியன் ஸ்டோர்ஸ் 2 சீரியல் அப்டேட்

பாண்டியன் ஸ்டோர்ஸ் 2 சீரியல் இப்போது சூடுபிடிக்க தொடங்கியிருக்கிறது. ஒரு புறம் விவாகரத்து வழக்கு கோர்ட்டுக்கு வரும் நிலையில் மறுபுறம் சரவணன் மற்றும் அஞ்சலி இருவரும் தங்களது மொபைல் நம்பரை ஒருவருக்கொருவர் கொடுத்துக் கொண்டு பேச தொடங்கியிருக்கின்றனர். ஆனால், அஞ்சலி தனது கடந்த காலத்தை பற்றி பேசிய நிலையில் சரவணன் மட்டும் தனக்கு நடந்தவற்றை வெளிப்படையாக பேச மறுத்துள்ளார். உன்னுடைய மனைவி என்ன பண்றாங்க, பிரசவத்திற்கு போயிருக்காங்களா என்றெல்லாம் அஞ்சலி கேட்க, சரவணன் தனக்கு உண்மையில் என்ன நடந்தது என்பதை பற்றி எதுவும் சொல்லாமல், அவளுடைய அம்மா வீட்டிற்கு போயிருக்கா என்று பட்டும் படாதும்படி பேசினார்.

பாண்டியன் ஸ்டோர்ஸ் 2 இன்றைய எபிசோட்

அதோடு, அஞ்சலி உடனான போன் காலை உடனே கட் செய்துள்ளார். மேற்கொண்டு அவருக்கு பேச விருப்பமில்லை. தனக்கு வேறொரு போன் கால் வந்துக்கிட்டு இருக்கிறது என்று கூறி போனை கட் செய்துள்ளார். ஏன் சரவணன் அப்படி செய்தார் என்று பார்க்கையில், உண்மையில் அஞ்சலி உடனான காதலை அவர் வளர்த்துக் கொள்ள விரும்பவில்லை என்று தெரிகிறது. மேலும், தன்னுடைய விவாகரத்து வழக்கு கோர்ட்டில் நடைபெற்று வரும் நிலையில், இப்போது அதைப் பற்றி எதுவும் சொல்ல அவர் விரும்பவில்லை என்று தெரிகிறது. அஞ்சலியோ, தன்னைப் பற்றிய உண்மைகளை சொல்லிவிட்டார்.

Pandian Stores 2 Serial Latest Twist

அதாவது, இருவருக்குமே ஒருவருக்கொருவர் செட் ஆகவில்லை. மன ரீதியாகவும், உடல் ரீதியாகவும் துன்புறுத்தினார். இதனால், அவரிடமிருந்து பிரிந்து வந்துவிட்டேன் என்றார். சரவணன் கேட்டது போன்று அவருக்கு விவாகரத்து கிடைக்குமா? அல்லது பாக்கியத்தின் டிராமாவால் தங்கமயில் மீண்டும் பொய்களை அள்ளிவிடுவாரா என்பதை இனி வரும் எபிசோடுகளில் நாம் பார்த்து தெரிந்து கொள்ளலாம்.

Pandian Stores 2 Serial Today Episode

எப்போது பாண்டியன் வீட்டில் சரவணன் மற்றும் தங்கமயில் தொடர்பான பிரச்சனை பூகம்பமாக வெடிக்க தொடங்கியதோ அன்று முதல் சக்திவேல், முத்துவேல், பழனிவேல் ஆகியோரது காட்சிகளும் சரி, வடிவு, மாரி, காந்திமதி ஆகியோரது காட்சிகளும் சரி ரொம்பவே குறைந்துவிட்டது. பாண்டியன் வீட்டிற்கு விருந்திற்கு சென்ற போது அரசி மற்றும் குமரவேல் இருவருக்கும் இடையில் திருமணம் நடைபெற 100 சதவிகிதம் வாய்ப்புகள் இருக்கிறது என்று தெரிந்தது.

Saravanan Anjali Love Story Pandian Stores 2

ஆனால், எல்லாமே இயக்குநரின் கையில் தான் இருக்கிறது என்பதை அஞ்சலியின் வருகையை வைத்து கணிக்க முடிந்தது. இதுவே படமாக இருந்தால் அடுத்து என்ன நடக்கும் என்பதை கணிப்பதற்கு வாய்ப்புகள் இருக்கிறது. இது சீரியல் என்பதால், அடுத்து என்ன நடக்கும் என்பதை கணிப்பது என்பது சவாலாகத்தான் இருக்கிறது. பாண்டியன் ஸ்டோர்ஸ் 2 சீரியலில் அடுத்து என்ன நடக்கும் என்பதை பொறுத்திருந்து பார்க்கலாம்.