வித்தார்த் நடிப்பில் கடந்த 2017-ம் ஆண்டு வெளியான ‘ஒரு கிடாயின் கருணை மனு’ படத்தின் மூலம் தமிழ் திரையுலகில் இசையமைப்பாளராக அறிமுகமானவர் ரகுராம். சுரேஷ் சங்கையா என்பவர் இயக்கியிருந்த இப்படம் விமர்சன ரீதியாக பெரிய அளவில் பேசப்பட்டது. இப்படத்தின் வெற்றிக்கு ரகுராமின் பின்னணி இசை மற்றும் பாடல்களும் பெரும்பங்காற்றி இருந்தன.
இதையடுத்து இவருக்கு பெரிய அளவில் பட வாய்ப்புகள் கிடைக்காவிட்டாலும், ஏராளமான ஆல்பம் பாடல்களுக்கு ரகுராம் இசையமைத்து வந்தார். பள்ளி பருவத்தில் இருந்தே இவருக்கு அரியவகை நோய் பாதிப்பு இருந்து வந்தது. அதாவது மறைந்த விஞ்ஞானி ஸ்டீபன் ஹாக்கிங்கிற்கு பாதிப்பை ஏற்படுத்திய amyotrophic lateral sclerosis என்கிற அரியவகை நோய் பாதிப்பு தான் ரகுராமுக்கும் ஏற்பட்டு இருந்தது.
இதையும் படியுங்கள்.... எதுக்குங்க இந்த வேலை..விஷாலுடனான காதல் குறித்து உண்மையை உடைத்த அபிநயா
இதற்காக பல வருடங்களாக அவர் சிகிச்சை பெற்று வந்தார். குறிப்பாக அவரது மருத்துவ சிகிச்சை செலவு மட்டும் மாதத்திற்கு 10 லட்சம் ஆகுமாம். அவரது தாய் மாமா தான் ரகுராமின் மருத்துவ செலவுகளை எல்லாம் பார்த்து வந்துள்ளார். இவ்வாறு மாதத்திற்கு 10 லட்சம் வீதம் செலவழித்து சிகிச்சை பெற்று வந்த ரகுராமிற்கு நேற்று முன்தினம் திடீரென உடல்நலக்குறைவு ஏற்பட்டுள்ளது.
இதையடுத்து வடபழனியில் உள்ள தனியார் மருத்துவமனையில் அனுமதிக்கப்பட்ட ரகுராமிற்கு அங்கு தீவிர சிகிச்சை அளிக்கப்பட்டு வந்தது. இருப்பினும் அவர் சிகிச்சை பலனின்றி உயிரிழந்துள்ளார். ரகுராமின் இந்த திடீர் மறைவு திரையுலகினர் மத்தியில் பெரும் சோகத்தை ஏற்படுத்தி உள்ளது. அவரது மறைவுக்கு பலரும் இரங்கல் தெரிவித்து வருகின்றனர். இவர் இசையமைத்துள்ள சத்திய சோதனை என்கிற திரைப்படம் விரைவில் ரிலீசாக உள்ளது குறிப்பிடத்தக்கது.
இதையும் படியுங்கள்.... சூப்பர் ஸ்டாரை கௌரவிக்கும் கர்நாடக அரசு...ராஜ்யோத்சவா விருது அறிவிப்பு