இப்படி ரோஜா படம் ஏ.ஆர்.ரகுமானுக்கு ஒரு அடையாளமாகவே மாறியது. ஆனால் ரோஜா படத்திற்கு இசையமைக்க இயக்குனர் மணிரத்னத்தின் பர்ஸ்ட் சாய்ஸாக இருந்தது ரகுமான் இல்லை என்று சொன்னால் நம்ப முடிகிறதா. ஆனால் அதுதான் உண்மை. ரோஜா படத்திற்கு முன்னர் வரை இளையராஜா உடன் பயணித்து வந்த மணிரத்னம், ரோஜா படத்திற்கு இசையமைக்க மகேஷ் மகாதேவன் என்பவரை தான் முதன்முதலில் அணுகினாராம். ஆனால் அவர் அந்த சமயத்தில் பிசியாக இருந்ததால் அந்த வாய்ப்பு ரகுமானுக்கு சென்றுவிட்டது.