Jailer : தலைவர் 169 படத்தில் நடிகர் ரஜினிகாந்த் ஜெயிலராக நடிக்க உள்ளதாக கூறப்பட்டு வந்த நிலையில், அதனை உறுதிப்படுத்தும் வகையில் அப்படத்தின் தலைப்பை படக்குழு அதிகாரப்பூர்வமாக அறிவித்துள்ளது.
நெல்சன் இயக்கத்தில் வெளியான கோலமாவு கோகிலா, டாக்டர் ஆகிய படங்கள் பிளாக்பஸ்டர் வெற்றியை ருசித்தாலும், அவர் கடைசியாக இயக்கிய பீஸ்ட் படம் படு தோல்வியை சந்தித்தது. இதற்காக அவர் பல்வேறு ட்ரோல்களையும் சந்தித்தார். பீஸ்ட் படத்தை தொடர்ந்து ரஜினியின் தலைவர் 169 படத்தை இயக்க ஒப்பந்தமாகி இருந்தார் நெல்சன்.
இப்படத்தை சன்பிக்சர்ஸ் நிறுவனம் தயாரிக்கிறது. அனிருத் இசையமைக்கும் இப்படத்தில் பிரியங்கா மோகன், ரம்யா கிருஷ்ணன், கன்னட நடிகர் ஷிவ ராஜ்குமார் என மிகப்பெரிய நட்சத்திர பட்டாளமே நடிக்க உள்ளதாக கூறப்படுகிறது. பீஸ்ட் படத்தின் தோல்விக்கு திரைக்கதை தான் காரணமாக கூறப்பட்டது. இதனால் தலைவர் 169 படத்தின் திரைக்கதை கடந்த சில மாதங்களாக மெருகேற்றி வந்தார் நெல்சன்.
தலைவர் 169 படத்தில் நடிகர் ரஜினிகாந்த் ஜெயிலராக நடிக்க உள்ளதாக கூறப்பட்டு வந்தது. இந்நிலையில், அதனை உறுதிப்படுத்தும் வகையில் அப்படத்தின் தலைப்பை படக்குழு அதிகாரப்பூர்வமாக அறிவித்துள்ளது. அதன்படி தலைவர் 169 படத்துக்கு ஜெயிலர் என பெயரிடப்பட்டு உள்ளதாக அறிவித்துள்ளனர்.
ரத்தக் கறையுடன் கூடிய கத்தி தொங்குவது போல் இடம்பெற்றுள்ள போஸ்டருடன் அதன் தலைப்பும் வெளியிடப்பட்டு உள்ளது. இதன்மூலம் இப்படம் முழுக்க முழுக்க சிறையில் படமாக்கப்பட வாய்ப்புள்ளதாக தெரிகிறது. இதற்காக ஐதராபாத்தில் செட் அமைத்து வருகிற ஆகஸ்ட் மாதம் முதல் படப்பிடிப்பை நடத்த படக்குழு திட்டமிட்டுள்ளது.
இதையும் படியுங்கள்... கேஜிஎப் நடிகருடன் ரொமான்ஸ் செய்ய தயாராகும் பீஸ்ட் நடிகை... ஜாக்பாட் வாய்ப்பை தட்டித்தூக்கிய பூஜா ஹெக்டே