விக்கி - நயனின் கல்யாண பத்திரிக்கை லீக்கானது - திருமணம் திருப்பதியில் இல்லையாம்... இந்த இடத்தில் தானாம்

Nayanthara marriage : நயன்தாரா - விக்னேஷ் சிவன் ஜோடியின் திருமண பத்திரிக்கை ஒன்று சமூக வலைதளங்களில் வெளியாகி வைரலாகி வருகிறது. 

நடிகை நயன்தாரா - இயக்குனர் விக்னேஷ் சிவன் இருவரும் கடந்த 7 ஆண்டுகளாக காதலித்து வருகின்றனர். இவர்களுக்கு திருமணம் எப்போது நடக்கும் என்பது தான் கோலிவுட்டில் கடந்த சில ஆண்டுகளாகவே ஹாட் டாப்பிக்காக இருந்து வருகிறது. இவர்களது திருமணம் பற்றி தொடர்ந்து செய்திகள் வெளிவந்த வண்ணம் இருக்கிறது.

அந்த வகையில் சமீபத்தில் கூட இவர்கள் இருவருக்கும் வருகிற ஜூன் 9-ந் தேதி திருமணம் நடைபெற இருப்பதாக செய்தி வெளியானது. திருப்பதியில் அவர்களது திருமணம் நடக்க இருப்பதாகவும் கூறப்பட்டது. அண்மையில் ஒரு விருது நிகழ்ச்சியில் கூட நடிகை கீர்த்தி சுரேஷ் இந்த தேதியை குறிப்பிட்டு, திருமணம் அன்று தானே என கேட்க, அதற்கு விக்கியும், நயனும் மறுப்பு தெரிவிக்காமல் வெட்கப்பட்டு சிரித்தனர். இதன்மூலமே அவர்களது திருமண தேதி கிட்டத்தட்ட உறுதியாகிவிட்டதாக கூறப்பட்டது.

இந்நிலையில், அதனை மேலும் உறுதிப்படுத்தும் விதமாக அவர்களது திருமண பத்திரிக்கை ஒன்று சமூக வலைதளங்களில் வெளியாகி வைரலாகி வருகிறது. அந்த பத்திரிக்கையில், அவர்களது திருமணம் வருகிற ஜூன் மாதம் 9-ந் தேதி நடைபெற இருப்பதாக குறிப்பிடப்பட்டு உள்ளது. மேலும் அவர்களது திருமணம் மகாபலிபுரத்தில் உள்ள தனியார் நட்சத்திர விடுதியில் நடைபெற உள்ளதாகவும் அதில் குறிப்பிட்டுள்ளனர்.

திருமணத்திற்கான ஏற்பாடுகள் முழுவீச்சில் நடைபெற்று வருகிறதாம். இந்த திருமண விழாவில் கோலிவுட், பாலிவுட், டோலிவுட் என பல்வேறு திரையுலகை சேர்ந்த முன்னணி நடிகர், நடிகைகள் மற்றும் இயக்குனர்கள கலந்துகொள்ள உள்ளதாக தகவல் வெளியாகி உள்ளது. விரைவில் இதற்கான அதிகாரப்பூர்வ அறிவிப்பை நயனும், விக்கியும் வெளியிடுவர் என எதிர்பார்க்கப்படுகிறது.

இதையும் படியுங்கள்... Simbu : மரணப் படுக்கையில் டி.ராஜேந்தர்... சிம்புவின் நடத்தை தான் காரணமா?