Mandaadi vs Sardar 2 Box Office : கார்த்தி நடித்த சர்தார் 2 படமும், சூரியின் மண்டாடி படமும் கடந்த வாரம் ரிலீஸ் ஆன நிலையில், அதன் பாக்ஸ் ஆபிஸ் வசூல் நிலவரத்தை பார்க்கலாம்.
கார்த்தி சினிமாவில் கிட்டத்தட்ட 20 ஆண்டுகள் ஹீரோவாக நடித்து வருகிறார். ஆனால் சூரி ஆரம்பத்தில் காமெடியனாக அறிமுகமாகி, பின்னர் விடுதலை படம் மூலம் ஹீரோவானார். அப்படத்திற்கு பின்னர் அவர் ஹீரோவாக நடித்த எல்லா படங்களுமே வெற்றியை ருசித்தன. இதனால் தமிழ் சினிமாவில் அசுர வளர்ச்சி கண்டார் சூரி. கார்த்தி நடித்த நான் மகான் அல்ல படத்தில் காமெடியனாக நடித்திருந்த சூரி, இன்று, அவருடைய படத்துக்கு போட்டியாக தன்னுடைய படத்தை ரிலீஸ் செய்து, அதில் வெற்றியும் கண்டிருக்கிறார்.
கார்த்தியின் சர்தார் 2 திரைப்படம் கடந்த செப்டம்பர் 10ந் தேதி ரிலீஸ் ஆனது. சர்தார் படத்தின் முதல் பாகம் பிளாக்பஸ்டர் ஹிட் அடித்ததோடு பாக்ஸ் ஆபிஸிலும் ரூ.100 கோடிக்கு மேல் வசூல் அள்ளியது. இதனால் சர்தார் 2 படத்தின் மீது எக்கச்சக்க எதிர்பார்ப்பு இருந்தது. அதுமட்டுமின்றி இதில் எஸ்.ஜே.சூர்யாவும் நடித்திருந்ததால், சர்தார் 2 கன்ஃபார்ம் ஹிட் என்றெல்லாம் பேச்சு அடிபட்டு வந்தது. ஆனால் படம் ரிலீஸ் ஆன பின்னர் நிலைமை அப்படியே தலைகீழாக மாறிவிட்டது. சர்தார் 2 கலவையான விமர்சனங்களை பெற்றது.
35
மண்டாடிக்கு பாசிடிவ் ரெஸ்பான்ஸ்
மறுபுறம் இப்படத்துக்கு போட்டியாக ரிலீஸ் ஆன மண்டாடி திரைப்படம் பாசிடிவ் விமர்சனங்களை பெற்றதோடு மட்டுமின்றி வசூலிலும் தூள் கிளப்பி வருகிறது. இப்படத்தை மதிமாறன் இயக்கி இருந்தார். இப்படத்தில் சூரி உடன் சத்யராஜ், மஹிமா நம்பியார் ஆகியோரும் முக்கிய கதாபாத்திரங்களில் நடித்திருந்தனர். ஜிவி பிரகாஷ் குமார் இசையமைத்த மண்டாடி திரைப்படத்தை எல்ரெட் குமார் தயாரித்திருந்தார். இப்படம் ரிலீஸ் ஆன நான்கே நாட்களில் ரூ.50 கோடி வசூலை அள்ளி சாதனை படைத்துள்ளது. இந்நிலையில், மண்டாடி படத்தின் ஐந்தாம் நாள் வசூல் நிலவரம் வெளியாகி உள்ளது.
நேற்று விநாயகர் சதுர்த்தி விடுமுறை என்பதால், மண்டாடி திரைப்படம் இந்தியாவில் மட்டும் ரூ.11.25 கோடி வசூலை வாரிக்குவித்துள்ளது. அதேபோல் ஓவர்சீஸில் ரூ.1.25 கோடி வசூலித்துள்ளது. இதன்மூலம் இப்படம் ஒட்டுமொத்தமாக உலகளவில் ரூ.62.38 கோடி வசூலித்திருக்கிறது. இதன்மூலம் சூரியின் கெரியரில் மிகப்பெரிய வசூல் அள்ளிய படமாக மண்டாடி மாறும் என எதிர்பார்க்கப்படுகிறது. இப்படத்தின் வெற்றியால் படக்குழுவினர் செம உற்சாகத்தில் உள்ளனர்.
55
சர்தார் 2 வசூல்
அதேபோல் மண்டாடிக்கு போட்டியாக ரிலீஸ் ஆன சர்தார் 2 திரைப்படம் வசூலில் தொடர்ந்து சரிவை சந்தித்து வருகிறது. அதன்படி இப்படம் விநாயகர் சதுர்த்தி அன்று இந்தியாவில் வெறும் ரூ.1.5 கோடி மட்டுமே வசூலித்திருந்தது. இந்தியாவில் ஒட்டுமொத்தமாக ரூ.15.35 கோடி வசூல் செய்துள்ள இப்படம் உலகளவில் ரூ.19.85 கோடி மட்டுமே வசூலித்திருக்கிறது. இதே நிலை நீடித்தால் இப்படம் தோல்வியை சந்திக்க நேரிடும். முன்னதாக இந்த ஆண்டு பொங்கல் பண்டிகைக்கு கார்த்தி நடித்த வா வாத்தியார் திரைப்படம் ரிலீஸ் ஆகி பிளாப் ஆனது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
