காட்டு ராணி இவளோ..! மாளவிகா மோகனன் பிறந்தநாளில் புதிய போஸ்டரை வெளியிட்ட 'தங்கலான்' படக்குழு!
First Published | Aug 4, 2023, 5:47 PM ISTநடிகை மாளவிகா மோகனனின் பிறந்த நாளை முன்னிட்டு 'தங்கலான்' படக்குழு அவருடைய புதிய போஸ்டர் ஒன்றை வெளியிட்டுள்ளது.
☰
இயக்குனர் பா.ரஞ்சித் இயக்கத்தில், நடிகர் விக்ரம் நடித்து முடித்துள்ள திரைப்படம் 'தங்கலான்'. இந்த படத்தின் படப்பிடிப்பு 118 நாட்களுக்கு பின்னர் நிறைவடைந்ததை தொடர்ந்து, தற்போது இந்தப் படத்தின் போஸ்ட் புரோடக்ஷன் பணிகள் பரபரப்பாக நடந்து வருகிறது.
கே ஜி எஃப் பட பாணியில், தங்கம் எடுக்கும் தொழிலாளர்கள் வாழ்க்கையை இந்த படத்தின் மூலம் படமாக்கி உள்ளார் இயக்குனர் பா.ரஞ்சித். இந்த படத்தில், விக்ரமுக்கு ஜோடியாக பார்வதி நடித்துள்ள நிலையில்.. மாளவிகா மோகனன் காட்டுவாசி பெண்ணாக நடித்துள்ளார். பசுபதி உள்ளிட்ட பலர் முக்கிய கதாபாத்திரத்தில் நடித்துள்ளனர்.
பணம் நெருக்கடி... முன்னணி நடிகரிடமிருந்து 25 கோடி கடன் வாங்கினாரா சமந்தா?
Tap to resize
Thangalaan
இந்த படத்தை தயாரிப்பாளர் ஞானவேல் ராஜா பிரம்மாண்ட பொருட்செலவில் தயாரித்துள்ளார். ஜிவி பிரகாஷ் இந்த படத்திற்கு இசையமைத்துள்ளார். பல்வேறு சவால்களுக்கு மத்தியில் தற்போது தங்கலான் படத்தின் படப்பிடிப்பு நிறைவடைந்து, அடுத்தடுத்த பணிகள் துரிதமாக நடந்து வருகிறது. இந்நிலையில் நடிகை மாளவிகா மோகனனின் பிறந்த நாளை முன்னிட்டு 'தங்கலான்' படக்குழு அவரின் தோற்றத்தை வெளிப்படுத்தும் விதமாக, புதிய போஸ்டர் ஒன்றை வெளியிட அது வைரலாக பார்க்கப்பட்டு வருகிறது.
இந்த போஸ்டரில் காட்டு ராணி போல் நடிகை மாளவிகா மோகனன் கழுத்தில் நிறைய மணிகள், தலையில் கிரீடம், கையில் ஈட்டி ஒன்றை வைத்துக்கொண்டு, வித்தியாசமாக தோற்றத்தில் காட்சியளிக்கிறார். அவருக்கு பின்னால் மக்கள் பலர் தீப்பந்தத்தோடு இருப்பது தெரிகிறது. மேலும் இந்த போஸ்டரே படத்தின் மீதான எதிர்பார்ப்பை அதிகரிக்கச் செய்துள்ளது குறிப்பிடத்தக்கது.
Latest Videos
சேனலை கிளிக் செய்து பின்தொடரவும்click me!