லாக்டவுன் முதல் குற்றம் புரிந்தவன் வரை... இந்த வாரம் தியேட்டர் & ஓடிடியில் ஒரு டஜன் படங்கள் ரிலீஸ்

டிசம்பர் 5ந் தேதி தியேட்டர் மற்றும் ஓடிடியில் அனுபமா நடித்த லாக்டவுன் முதல் பசுபதியின் குற்றம் புரிந்தவன் வெப் தொடர் வரை என்னென்ன படங்கள் & வெப் தொடர்கள் ரிலீஸ் ஆகுது என்பதை பார்க்கலாம்.

தியேட்டர் ரிலீஸ் படங்கள்

தியேட்டரில் இந்த வாரம் அனுபமா பரமேஸ்வரன் நடித்துள்ள லாக்டவுன் திரைப்படம் ரிலீஸ் ஆக உள்ளது. இப்படம் டிசம்பர் 5-ந் தேதி திரைக்கு வர உள்ளது. இதனுடன் விமல் ஹீரோவாக நடித்துள்ள கலாட்டா ஃபேமிலி, பாலகிருஷ்ணா நடித்துள்ள அகாண்டா திரைப்படத்தின் இரண்டாம் பாகம், மொட்டை ராஜேந்திரன் நடித்த கொஞ்ச நாள் பொறு தலைவா மற்றும் கண்ணகி நகர், அங்கம்மாள், அசுர மனிதன் போன்ற சிறு பட்ஜெட் படங்களும் இந்த வாரம் ரிலீஸ் ஆக உள்ளன.

OTT Release Movies on December 5

தி கேர்ள்ஃபிரண்ட் (The Girlfriend)

ராஷ்மிகா மந்தனா நடித்த இந்த தெலுங்கு ரொமான்டிக் டிராமா, நவம்பர் 7 அன்று திரையரங்குகளில் வெளியாகி கலவையான விமர்சனங்களைப் பெற்றது. இப்போது OTT-யில் பார்க்கலாம். ராகுல் ரவீந்திரன் இயக்கியுள்ளார். இப்படம் டிசம்பர் 5 முதல் நெட்பிளிக்ஸில் ரிலீஸ் ஆகிறது.

டைஸ் ஐரே (DIES IRAE)

டைஸ் ஐரே, இது ராகுல் சதாசிவன் இயக்கிய மலையாள ஹாரர் த்ரில்லர் படம். இதில் மோகன்லால் மகன் பிரணவ் மோகன்லால் முக்கிய வேடத்தில் நடித்துள்ளார். அக்டோபர் 31, 2025-ல் திரையரங்குகளில் வெளியாகி பாக்ஸ் ஆபிஸில் வெற்றி பெற்றது. இப்படமும் டிசம்பர் 5 முதல் ஜியோ ஹாட்ஸ்டாரில் ஸ்ட்ரீம் ஆகிறது.

ஓடிடி வெளியீடுகள்

குற்றம் புரிந்தவன்: தி கில்டி ஒன் (Kuttram Purindhavan : The Guilty One)

ததகதா முகர்ஜி இயக்கிய பெங்காலி ஆக்‌ஷன் த்ரில்லர் படம் இது. விக்ரம் சாட்டர்ஜி, அங்கனா ராய், ஸ்ரீலேகா மித்ரா, அம்பரீஷ் பட்டாச்சார்யா ஆகியோர் முக்கிய வேடங்களில் நடித்துள்ளனர். பிப்ரவரி 9, 2024-ல் திரையரங்குகளில் வெளியான இப்படம், டிசம்பர் 5 முதல் ஜீ5ல் காண கிடைக்கும்.

கேசரியா@100 (Kesariya@100)

இது ராஷ்ட்ரிய ஸ்வயம்சேவக் சங்கின் (RSS) 100 ஆண்டு கால பயணத்தை காட்டும் ஒரு டாக்குமெண்டரி தொடர். 'மகாபாரதம்' (1988) கிருஷ்ணர், 'ராமாயணம்' (2001) ராமர் வேடங்களில் நடித்த நிதிஷ் பரத்வாஜ் இதை தொகுத்து வழங்குகிறார். இதுவும் இந்த வாரம் ஜீ 5 ஓடிடியில் ஸ்ட்ரீம் ஆகும்.

கர்வாலி பேட்வாலி (Gharwali Pedwali)

இது ஒரு இந்தி சூப்பர்நேச்சுரல் காமெடி டிராமா தொடர். இதில் பராஸ் அரோரா, பிரியம்வதா காந்த், பப்லு முகர்ஜி மற்றும் ரிச்சி சோனி போன்ற நடிகர்கள் நடித்துள்ளனர். இதன் தயாரிப்பு நிறுவனம் பெனின்சுலா பிக்சர்ஸ் ஆகும். இது டிசம்பர் 5 முதல் ஜீ5 ஓடிடியில் கிடைக்கும்.

ஓடிடி ரிலீஸ் படங்கள்

ஸ்டீஃபன் (Stephen)

மிதுன் பாலாஜி இந்த தமிழ் சைக்கலாஜிக்கல் மிஸ்டரி த்ரில்லர் படத்தை இயக்கியுள்ளார். இதில் கோமதி சங்கர், மைக்கேல் தங்கதுரை, ஸ்மிருதி வெங்கட் போன்றோர் முக்கிய வேடங்களில் நடித்துள்ளனர். இப்படம் டிசம்பர் 5 முதல் நெட்பிளிக்ஸில் ஸ்ட்ரீம் ஆக உள்ளது.

பரியா (Pariah)

இது ஒரு தமிழ் வெப் சீரிஸ் என்றாலும், இதை இந்தி, தெலுங்கு, கன்னடம் மற்றும் மலையாளத்திலும் பார்க்கலாம். பசுபதி, விதார்த், லிஜி ஆண்டனி போன்ற நடிகர்கள் இதில் நடித்துள்ளனர். இந்த கிரைம் டிராமா தொடரை அக்வா புல்ஸ் மற்றும் ஹேப்பி யூனிகார்ன் உருவாக்கியுள்ளன. இந்த வெப் தொடர் டிசம்பர் 5 முதல் சோனி லிவ் ஓடிடியில் கிடைக்கும்.