அழகில் தூள் கிளப்பும் நடிகை லாவண்யா திரிபாதி!
First Published Jan 25, 2023, 1:27 PM ISTபிரம்மன் மற்றும் மாயவன் ஆகிய தமிழ் படங்களில் நடித்துள்ள லாவண்யா திரிபாதிக்கு இன்னும் சினிமாவில் வாய்ப்பு கிடைக்கவில்லை என்று சொல்லப்படுகிறது.
பிரம்மன் மற்றும் மாயவன் ஆகிய தமிழ் படங்களில் நடித்துள்ள லாவண்யா திரிபாதிக்கு இன்னும் சினிமாவில் வாய்ப்பு கிடைக்கவில்லை என்று சொல்லப்படுகிறது.
கடந்த 1990 ஆம் ஆண்டு உத்தரப்பிரதேச மாநிலம் ஃபைசாபாத் பகுதியில் பிறந்த லாவண்யா திரிபாதி உத்தரகாண்ட் பகுதியில் உள்ள டேராடூன் பகுதியில் வளர்ந்துள்ளார். அவரது தந்தை வழக்கறிஞர். தாயார் ஓய்வு பெற்ற ஆசிரியை. அவருக்கு ஒரு சகோதரனும், ஒரு சகோதரியும் இருக்கின்றனர்.
டேராடூனில் பள்ளிப் படிப்பை முடித்த லாவண்யா திரிபாதி மும்பையில் உள்ள ஒரு கல்லூரியில் பொருளாதாரம் பிரிவில் பட்டம் பயின்றுள்ளார். கடந்த 2007 ஆம் ஆண்டு திரைக்கு வந்த showbiz என்ற ஹிந்தி படத்தில் நடிக்க விரும்பினார். ஆனால், அவரது தந்தையோ படிப்பை முதலில் படிக்க சொல்லி அறிவுறுத்தியுள்ளார்.
எனினும், லாவண்யா திரிபாதி மாடலிங் மீது ஆர்வம் கொண்டு விளம்பரங்களில் நடிக்கத் தொடங்கினார். குறிப்பாக தொலைக்காட்சி நிகழ்ச்சிகளில் நடித்தார். இதையடுத்து கடந்த 2006 ஆம் ஆண்டு மிஸ் உத்தரகாண்ட் டைட்டில் பெற்றார். கிளாசிக்கல் டான்ஸரும் கூட. பரதநாட்டியம் சிறப்பாக ஆடக் கூடியவர்.
தொலைக்காட்சி மூலமாக அறிமுகமான லாவண்யா திரிபாதி, Andala Rakshasi என்ற தெலுங்கு படத்தின் மூலமாக தெலுங்கு சினிமாவில் நடிகையாக அறிமுகமானார். இந்தப் படத்தைத் தொடர்ந்து Doosukeltha என்ற படத்தில் நடித்தார்.
கடந்த 2014 ஆம் ஆண்டு பிரம்மன் என்ற படத்தின் மூலம் தமிழ் சினிமாவில் ஹீரோயினாக அறிமுகமானார். மனம் என்ற தெலுங்கு படத்தில் சிறப்பு தோற்றத்தில் நடித்திருந்தார்.
இந்தப் படத்தைத் தொடர்ந்து நானி நடிப்பில் வந்த Bhale Bhale Magadivoy என்ற படத்தில் நடித்துள்ளார். இதையடுத்து ஏராளமான தெலுங்கு படங்களில் நடித்துள்ளார்.
தமிழில் மாயவன் என்ற படத்திலும் நடித்துள்ளார். கடந்த ஆண்டு இவரது நடிப்பில் உருவான ஹெப்பி பெர்த்டே என்ற படம் வெளியானது என்பது குறிப்பிடத்தக்கது.