கிங்ஸ்டன் vs டிராகன்; பாக்ஸ் ஆபிஸில் பிரதீப்பை பந்தாடினாரா ஜிவி; வசூலில் யார் டாப்பு?

பிரதீப் ரங்கநாதனின் டிராகன் படத்துக்கு போட்டியாக ரிலீஸ் ஆகி உள்ள ஜிவி பிரகாஷின் கிங்ஸ்டன் படம் எந்த அளவுக்கு வசூலித்து உள்ளது என்பதை பார்க்கலாம்.

Kingston vs Dragon Box Office : தமிழ்நாடு பாக்ஸ் ஆபிஸில் டிராகன் திரைப்படம் சக்கைப்போடு போட்டு வந்த நிலையில், அதற்கு போட்டியாக வெளிவந்த கிங்ஸ்டன் படம் எவ்வளவு வசூலித்துள்ளது என்பதை பார்க்கலாம்.

அஸ்வத் மாரிமுத்து இயக்கத்தில் பிரதீப் ரங்கநாதன் நடித்த டிராகன் திரைப்படம் கடந்த மாதம் 21ந் தேதி திரைக்கு வந்தது. அப்படத்தை ஏஜிஎஸ் நிறுவனம் தயாரித்திருந்தது. ரிலீஸ் ஆன முதல் நாளில் இருந்தே ரசிகர்கள் மத்தியில் பேராதரவை பெற்று வரும் டிராகன் திரைப்படம் பாக்ஸ் ஆபிஸில் வசூல் வேட்டையாடி வருகிறது. அதன்படி ரிலீஸ் ஆன 7 நாட்களிலேயே ரூ.100 கோடி என்கிற இமாலய வசூல் சாதனையை நிகழ்த்திய டிராகன் திரைப்படம் தற்போது 125 கோடிக்கு மேல் வசூலித்து மாஸ் காட்டி வருகிறது.

Kingston

2 வாரங்கள் பாக்ஸ் ஆபிஸில் டாப் கியரில் சென்றுகொண்டிருந்த டிராகன் படத்திற்கு ஆப்பு வைக்க இந்த வாரம் ஜிவி பிரகாஷ் குமார் நடிப்பில் பிரம்மாண்டமாக உருவான கிங்ஸ்டன் திரைப்படம் ரிலீஸ் ஆனது. இப்படத்தை கமல் பிரகாஷ் என்கிற புதுமுக இயக்குனர் இயக்கி இருந்தார். இப்படத்தில் ஜிவி பிரகாஷுக்கு ஜோடியாக பேச்சிலர் பட நாயகி திவ்ய பாரதி நடித்திருந்தார். மேலும் இப்படத்தின் ஹீரோ ஜிவி பிரகாஷே இப்படத்தை மிகப்பெரிய பொருட்செலவில் தயாரித்திருந்தார். இது ஜிவி பிரகாஷின் 25வது படமாகும்.

இதையும் படியுங்கள்... Kingston Review : ஜிவி பிரகாஷின் கிங்ஸ்டன் கலக்கலா? சொதப்பலா? விமர்சனம் இதோ

Kingston Box Office

கிங்ஸ்டன் திரைப்படம் கடலில் நடக்கும் ஒரு ஃபேண்டஸி கதையம்சம் கொண்ட படமாகும். இப்படத்தில் 3 ஆயிரத்திற்கும் அதிகமான வி.எஃப்.எக்ஸ் காட்சிகள் இடம்பெற்று உள்ளன. இப்படம் விமர்சன ரீதியாக வரவேற்பை பெற்றாலும் வசூலில் பெரியளவில் சோபிக்கவில்லை. முதல் நாளில் ரூ.90 லட்சம் மட்டுமே வசூலித்திருந்த இப்படம் நேற்று விடுமுறை தினம் என்பதால் மேலும் பிக் அப் ஆகும் என எதிர்பார்க்கப்பட்டது. ஆனால் இரண்டாம் நாளிலும் இப்படம் ரூ.1 கோடி மட்டுமே வசூலித்திருப்பதாக கூறப்படுகிறது.

Dragon Box Office

கிங்ஸ்டன் படத்தைக் காட்டிலும் சனிக்கிழமை டிராகன் படமே பாக்ஸ் ஆபிஸில் ஆதிக்கம், செலுத்தி இருக்கிறது. இப்படம் நேற்று மட்டும் ரூ.3.65 கோடிக்கு மேல் வசூலித்து மாஸ் காட்டி உள்ளது. இது கிங்ஸ்டன் படத்தைவிட ரூ.2.65 கோடி அதிகமாகும். இதன்மூலம் பாக்ஸ் ஆபிஸில் டிராகனிடம் சிக்கி சின்னாபின்னமாகி இருக்கிறது கிங்ஸ்டன். இன்று ஞாயிற்றுக் கிழமை விடுமுறை தினம் என்பதால் கிங்ஸ்டன் படத்தின் வசூல் பிக் அப் ஆகும் என எதிர்பார்க்கப்படுகிறது. 

இதையும் படியுங்கள்... டிராகன் பட இயக்குனர் அஷ்வத் மாரிமுத்துவை தன்னுடைய இல்லத்திற்கு அழைத்து புகழ்ந்த ரஜினிகாந்த் !