Keerthy Suresh: ஒரு பாட்டுக்கு 1 கோடி சம்பளமா? காட்டுத்தீ போல் பரவிய தகவல்... 'தி பாரடைஸ்' படக்குழு விளக்கம்

Keerthy Suresh Salary : நடிகர் நானியின் 'தி பாரடைஸ்' படத்தில் கீர்த்தி சுரேஷ் ஒரு பாடலுக்கு நடனமாடுகிறார். இதற்காக அவர் வாங்கிய சம்பளம் குறித்து சோஷியல் மீடியாவில் ஒரு தகவல் பரவி வருகிறது.

Keerthy Suresh Salary

கீர்த்தி சுரேஷ் தென்னிந்தியாவில் பல முக்கிய படங்களில் நடித்து வருகிறார். விஜய் தேவரகொண்டாவுடன் 'ரவுடி ஜனார்த்தனா', அனில் ரவிபுடி இயக்கத்தில் ஒரு படம் என வரிசையாக வாய்ப்புகள் குவிந்துள்ளன. தற்போது ஹீரோயின்கள் ஐட்டம் சாங் செய்வது டிரெண்டாகி வருகிறது. சமீபத்தில் 'பெத்தி' படத்தில் ஸ்ருதி ஹாசனும், இதற்கு முன் 'புஷ்பா' படத்தில் சமந்தாவும் ஒரு பாடலுக்கு நடனமாடினர்.

ஒரு பாட்டுக்கு நடனமாடும் கீர்த்தி சுரேஷ்

கீர்த்தி சுரேஷ் ஐட்டம் சாங்கிற்கு ஓகே சொன்னது பலருக்கும் ஆச்சரியத்தை ஏற்படுத்தியுள்ளது. அவர் திரையில் கிளாமராக தோன்றினாலும், பெரும்பாலும் குடும்பப் பார்வையாளர்களைக் கவரும் படங்களிலேயே நடித்துள்ளார். இதனால், ஃபேமிலி ஆடியன்ஸ் மத்தியில் அவருக்கு நல்ல பெயர் உண்டு. அப்படிப்பட்ட சூழலில், அவர் இந்த முடிவை எடுத்தது எதிர்பாராதது.

பாரடைஸ் சர்ப்ரைஸ்

நேச்சுரல் ஸ்டார் நானி ஹீரோவாக நடிக்கும் 'தி பாரடைஸ்' படத்தை ஸ்ரீகாந்த் ஓடேலா இயக்குகிறார். இந்த படத்தில் ஒரு ஸ்பெஷல் பாடலுக்கு நடனமாட கீர்த்தி சுரேஷ் சம்மதித்துள்ளார். ஏற்கனவே இவர்கள் கூட்டணியில் 'தசரா' படம் வெளியானது. அந்த நட்பின் காரணமாகவே கீர்த்தி இதற்கு ஒப்புக்கொண்டதாகக் கூறப்படுகிறது. இந்த செய்தி வெளியானதும், அவரது சம்பளம் குறித்த யூகங்கள் பரவத் தொடங்கின.

ஒரு கோடி சம்பளமா?

ஏற்கனவே இந்தப் பாடலின் படப்பிடிப்பு முடிந்துவிட்டது. நான்கு நிமிடப் பாடலுக்கு கீர்த்தி சுரேஷ் ஒரு கோடி ரூபாய் சம்பளம் வாங்கியதாக வதந்திகள் பரவின. ஆனால், இந்த வதந்தியில் உண்மையில்லை என 'தி பாரடைஸ்' படக்குழுவினர் பதிலளித்துள்ளதாக தகவல் வெளியாகியுள்ளது. அவர்கள் கீர்த்தியின் சம்பளத்தை வெளியிடவில்லை என்றாலும், ஒரு கோடி ரூபாய் வாங்கவில்லை என்பதை மட்டும் தெளிவுபடுத்தியுள்ளனர்.

படக்குழு விளக்கம்

இருப்பினும், கீர்த்தி சுரேஷுக்கு நல்ல சம்பளம் கொடுக்கப்பட்டுள்ளதாகக் கூறப்படுகிறது. இந்தப் படத்திற்கு அனிருத் இசையமைக்கிறார். இந்த ஐட்டம் சாங், ஒரு நாட்டுப்புறப் பாடல் பாணியில் உருவாக்கப்பட்டுள்ளதாகவும் தகவல்கள் தெரிவிக்கின்றன. பாரடைஸ் திரைப்படம் வருகிற ஆகஸ்ட் 21ந் தேதி திரைக்கு வர உள்ளது. இது பான் இந்தியா படமாக ரிலீஸ் ஆக உள்ளது. நடிகை கீர்த்தி சுரேஷ் கைவசம் தமிழில், சத்யவான் சாவித்ரி திரைப்படம் உள்ளது. இப்படத்தில் மிஷ்கினும் முக்கிய கதாபாத்திரத்தில் நடிக்கிறார்.