Dorothy: டொராண்டோவில் தட்டித் தூக்கிய கார்த்திக் சுப்புராஜ் படம்! டோரதி-க்கு அசத்தல் வரவேற்பு!

Dorothy film premiere : இயக்குநர் கார்த்திக் சுப்புராஜின் புதிய படமான 'டோரதி', டொராண்டோ சர்வதேச திரைப்பட விழாவில் (TIFF) திரையிடப்பட்டது. கீர்த்தி சுரேஷ், சனந்த், ரிஷிகாந்த் ஆகியோர் நடித்துள்ள இந்தப் படத்திற்கு பிரம்மாண்ட வரவேற்பு கிடைத்தது.

Dorothy film premiere

இயக்குநர் கார்த்திக் சுப்புராஜின் அடுத்த தமிழ் படமான 'டோரதி' உலகப் புகழ்பெற்ற டொராண்டோ சர்வதேச திரைப்பட விழாவில் (TIFF) திரையிடப்பட்டது. கீர்த்தி சுரேஷ், சனந்த் மற்றும் ரிஷிகாந்த் ஆகியோர் முக்கிய வேடங்களில் நடித்துள்ள இந்தப் படம், அங்கு 'சென்டர்பீஸ்' பிரிவில் செப்டம்பர் 25 அன்று உலகளவில் வெளியாவதற்கு முன்பாகவே திரையிடப்பட்டு, ஒரு முக்கிய மைல்கல்லை எட்டியுள்ளது. படம் திரையிடப்பட்ட பிறகு, பார்வையாளர்கள் அனைவரும் எழுந்து நின்று கைதட்டி படக்குழுவினரைப் பாராட்டினர். படத்தின் தனித்துவமான கதைக்களத்தையும், நடிகர்களின் நடிப்பையும் அவர்கள் வெகுவாகப் பாராட்டினர்.

சர்வதேச திரைப்பட விழாவில் டோரதி

இந்த நிகழ்வின் புகைப்படங்கள் மற்றும் வீடியோக்களை சமூக வலைதளங்களில் பகிர்ந்த தயாரிப்பு நிறுவனமான சிக்‌யா என்டர்டெயின்மென்ட், இந்த நிகழ்வை "உண்மையிலேயே மறக்க முடியாதது" என்று குறிப்பிட்டுள்ளது. "டொராண்டோவில் ஒரு மிகச் சிறப்பான இரவு. டொராண்டோ சர்வதேச திரைப்பட விழாவில் 2026-ல் 'டோரதி' திரையிடப்பட்டது. இந்தத் தருணத்தை எங்கள் நடிகர்கள், குழுவினர் மற்றும் பார்வையாளர்களுடன் பகிர்ந்து கொண்டது உண்மையிலேயே மறக்க முடியாதது," என்று தயாரிப்பாளர்கள் எழுதியிருந்தனர்.

டோரதி எப்போ ரிலீஸ்?

மேலும், "TIFF பார்வையாளர்களிடமிருந்து இந்தப் படத்திற்கு Standing Ovation கிடைத்தது. 'டோரதி'-யின் உலகப் பயணத்திற்கு இது ஒரு அழகான தொடக்கம். இந்த அன்பிற்கும், உரையாடல்களுக்கும், இந்தப் படத்தை உயிர்ப்பித்த அனைவருக்கும் நன்றி. 'டோரதி' செப்டம்பர் 25, 2026 முதல் உலகெங்கும் திரையரங்குகளில்," என்றும் அவர்கள் பதிவிட்டுள்ளனர். படக்குழுவினர் டொராண்டோவின் ஸ்கோஷியாபேங்க் தியேட்டரில் நடந்த ரெட் கார்பெட் நிகழ்ச்சியிலும் கலந்து கொண்டனர்.

இளையராஜா இசையில் டோரதி

கீர்த்தி சுரேஷ் அழகான பாரம்பரிய உடையில் வந்திருந்தார். இயக்குநர் கார்த்திக் சுப்புராஜ், நடிகர்கள் சனந்த் மற்றும் ரிஷிகாந்த் ஆகியோர் ஒரே மாதிரியான டக்ஸிடோ உடையில் கலந்துகொண்டனர். இந்தப் படத்திற்கு இசைஞானி இளையராஜா இசையமைத்துள்ளார். இது அவருடைய 1,540வது படம் என்பது குறிப்பிடத்தக்கது. ஜியோ ஸ்டுடியோஸ் மற்றும் சிக்‌யா என்டர்டெயின்மென்ட் தயாரித்துள்ள இந்தப் படத்தை ஜோதி தேஷ்பாண்டே, குனீத் மோங்கா கபூர் மற்றும் அச்சின் ஜெயின் ஆகியோர் தம்முடன் ஃபிலிம்ஸ் உடன் இணைந்து தயாரித்துள்ளனர். 'டோரதி' செப்டம்பர் 25 அன்று இந்தியா முழுவதும் திரையரங்குகளில் வெளியாக உள்ளது.