'கேப்டன் என்னைப் பார்த்தவுடன் கையைப் பற்றிக் கொண்டார். எளிதில் அடையாளம் கண்டது மகிழ்ச்சியாக உள்ளது என விஜயகாந்தை நேரில் சந்தித்த பிறகு கார்த்தி கூறியுள்ளார்.
இந்தியாவின் பிரபல நடிகரும் அரசியல் தலைவருமான விஜயகாந்த் தனது எழுபதாவது பிறந்தநாளை இன்று கொண்டாடி வருகிறார். இவரது பிறந்த நாளை ஒட்டி பிரமுகர்களும் ரசிகர்களும் வாழ்த்து கூறி வருகின்றனர். அதோடு கட்சி தலைமையகத்தில் தனது தொண்டர்களை சந்தித்து வாழ்த்து பெற்றுக் கொண்டார் விஜயகாந்த். சமீப காலமாக உடல்நிலை குன்றிய நிலையில் இருக்கும் கேப்டனை காண காத்திருந்த ரசிகர்களுக்கும் தொண்டர்களுக்கும் இன்று அவரது தரிசனம் மிகுந்த அசுவாசத்தை கொடுத்துள்ளது.
இந்நிலைகள் நடிகர் கார்த்தி விஜயகாந்தை நேரில் சந்தித்து வாழ்த்து கூறியுள்ளார். இது குறித்து செய்தியாளர்களிடம், 'கேப்டன் என்னைப் பார்த்தவுடன் கையைப் பற்றிக் கொண்டார். எளிதில் அடையாளம் கண்டது மகிழ்ச்சியாக உள்ளது. நடிகர் சங்கம் அவருக்கு கடமைப்பட்டுள்ளது. அந்த ஆசையில் அவரை சந்திக்க வந்தேன் என கூறியுள்ளார்.
மேலும் செய்திகளுக்கு...இன்றைய இளம் நடிகர்கள் செய்ய யோசிக்கும் ரிஸ்குகளை அசால்ட்டாக எடுத்த விஜயகாந்த்..
தற்போது கார்த்திக் பொன்னியின் செல்வன், விருமன் ஆகிய இரு படங்களில் நடித்து முடித்துள்ளார். இதில் விருமன் சமீபத்தில் வெளியாகி நல்ல வரவேற்பு பெற்றது. முத்தையா இயக்கத்தில் வெளியாகி உள்ள இதில் ஷங்கரின் மகள் அதிதி நாயகியாக அறிமுகமாகியுள்ளார். இவர்களுடன் ராஜ்கிரன், பிரகாஷ்ராஜ், கருணாஸ், வடிவுக்கரசி உள்ளிட்ட பலர் நடித்துள்ளனர், மகனுக்கும் தந்தைக்கும் இடையேயான பந்தத்தை மையமாக கொண்டு உருவாகிய இந்த படம் ரசிகர்களின் நேர்மையான விமர்சனங்களை பெற்றுள்ளது.
மேலும் செய்திகளுக்கு..என்னது ஜெயம் ரவி படம் மாதிரி இருக்கா? விஜய் தேவரகொண்டாவின் லைகர் பட விமர்சனம் இதோ !
இதைத்தொடர்ந்து பொன்னியின் செல்வன் வெளியீட்டிற்கு காத்திருக்கிறது. மணிரத்னத்தின் கனவு படமான இதில் கார்த்தி வந்திய தேவனாக நடித்துள்ளார். முன்னதாக இவர் குறித்தான பொன்னியின் நதி பாடல் வெளியாகி வைரலானது. இந்த படம் வருகிற செப்டம்பர் இறுதியில் வெளியாகவுள்ளது.
மேலும் செய்திகளுக்கு...Vijayakanth Birthday: விஜயகாந்த் நடிப்பில் வெளியாகி IMDB பட்டியலில் அதிக ராங்கிங் பெற்ற டாப் 5 படங்கள்..!