தமிழ் சினிமாவில் முன்னணி நடிகராக வலம் வருபவர் சூர்யா. அவர் நடிப்பில் தற்போது கங்குவா திரைப்படம் உருவாகி உள்ளது. சிறுத்தை சிவா இயக்கும் இப்படத்தில் சூர்யாவுக்கு ஜோடியாக பாலிவுட் நடிகை திஷா பதானி நடிக்கிறார். மேலும் வில்லனாக நட்டி நட்ராஜ் நடித்து வருகிறார். கங்குவா திரைப்படத்தை ஸ்டூடியோ கிரீன் நிறுவனம் மிகப்பெரிய பொருட்செலவில் பிரம்மாண்டமாக தயாரித்து வருகிறது. தேவி ஸ்ரீ பிரசாத் தான் இப்படத்திற்கு இசையமைக்கிறார்.
24
கங்குவா திரைப்படத்தின் படப்பிடிப்பு தற்போது இறுதிக்கட்டத்தை எட்டி உள்ளது. பேண்டஸி கதையம்சம் கொண்ட இப்படத்தில் நடிகர் சூர்யா வித்தியாசமான தோற்றத்தில் நடித்துள்ளார். கடந்த மாதம் நடிகர் சூர்யாவின் பிறந்தநாளன்று கங்குவா திரைப்படத்தின் கிளிம்ப்ஸ் வீடியோ வெளியாகி வேறலெவலில் வைரல் ஆனது. அந்த கிளிம்ப்ஸ் வீடியோ படத்தின் மீதான எதிர்பார்ப்பை எகிறச் செய்யும் வகையில் அமைந்திருந்தது.
கங்குவா படத்திற்காக தீவிரமாக உடற்பயிற்சி செய்து உடலை செம்ம பிட்டாக வைத்திருக்கும் நடிகர் சூர்யா, சிக்ஸ் பேக் உடற்கட்டை காட்டியபடி போஸ் கொடுத்த புகைப்படம் வெளியாகி உள்ளது. ஜிம்மில் வெறித்தனமாக ஒர்க் அவுட் செய்தபோது சூர்யா எடுத்த அந்த புகைப்படத்தை பார்த்த ரசிகர்கள் இதென்ன பழனி படிக்கட்டு மாதிரி இருக்கு என சூர்யாவின் சிக்ஸ்பேக்கை வர்ணித்து வருகின்றனர். 48 வயதிலும் இவ்வளவு பிட்டாக இருக்கும் சூர்யாவை பார்த்து ரசிகர்கள் பிரம்மித்துப் போய் உள்ளனர்.
44
நடிகர் சூர்யா கடந்த 2008-ம் ஆண்டு வாரணம் ஆயிரம் படத்திற்காக முதன்முதலில் சிக்ஸ் பேக் வைத்தார். அப்போதிலிருந்து சுமார் 15 ஆண்டுகளாக அதே உடற்கட்டை அவர் மெயிண்டேன் செய்து வருவது பலரையும் வியப்பில் ஆழ்த்தி உள்ளது. கங்குவா திரைப்படத்தில் நடித்து முடித்ததும் சுதா கொங்கரா இயக்கும் படத்தில் நடிக்க உள்ளார் சூர்யா. அப்படத்தை முடித்த பின்னர் வெற்றிமாறனின் வாடிவாசல் மற்றும் லோகேஷ் கனகராஜ் இயக்கும் ரோலெக்ஸ் ஆகிய படங்களில் நடிக்க இருக்கிறார் சூர்யா.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
