Vikram movie : வெளிநாட்டில் இசை வெளியீட்டு விழா.... விக்ரம் படத்துக்காக கமல் போட்ட மாஸ்டர் பிளான்

Vikram movie : லோகேஷ் கனகராஜ் இயக்கியுள்ள விக்ரம் படத்தை மிகப்பெரிய அளவில் புரமோட் செய்ய திட்டமிட்டுள்ள நடிகர் கமல் அதற்கான பணிகளையும் செய்து வருகிறார். 

மாநகரம், மாஸ்டர், கைதி என அடுத்தடுத்து ஹாட்ரிக் ஹிட் படங்களை கொடுத்த இயக்குனர் லோகேஷ் கனகராஜ், அடுத்ததாக கமல் நடிக்கும் விக்ரம் படத்தை இயக்கியுள்ளார். விஜய் சேதுபதி, பகத் பாஸில், நரேன், காளிதாஸ் ஜெயராம் என மிகப் பெரிய நட்சத்திர பட்டாளமே நடித்துள்ள இப்படத்தை கமலின் ராஜ்கமல் பிலிம்ஸ் நிறுவனம் பிரம்மாண்டமாக தயாரித்துள்ளது.

அனிருத் இசையமைத்துள்ள இப்படத்துக்கு கிரிஷ் கங்காதரன் ஒளிப்பதிவு செய்துள்ளார். மேலும் ஸ்டன்ட் இயக்குனர்களாக அன்பறிவு பணியாற்றியுள்ளனர். விக்ரம் படத்தின் படப்பிடிப்பு முடிந்து ரிலீசுக்கு தயாராக உள்ளது. இப்படம் வருகிற ஜூன் மாதம் 3-ம் தேதி திரையரங்குகளில் வெளியாக உள்ளது.

விக்ரம் படத்தின் தமிழக வெளியீட்டு உரிமையை நடிகர் உதயநிதி ஸ்டாலினின் ரெட் ஜெயன்ட் மூவிஸ் நிறுவனம் கைப்பற்றியுள்ளது. விக்ரம் படத்தை மிகப்பெரிய அளவில் புரமோட் செய்ய திட்டமிட்டுள்ள நடிகர் கமல் அதற்கான பணிகளையும் செய்து வருகிறார். இது பான் இந்தியா படமாக வெளியிடப்பட வாய்ப்புள்ளதாகவும் கூறப்படுகிறது.

இந்நிலையில், விக்ரம் படத்தின் இசை வெளியீட்டு விழாவை பிரம்மாண்டமாக நடத்த முடிவு செய்துள்ள நடிகர் கமல்ஹாசன், அதனை துபாயில் நடத்த உள்ளதாக தகவல் வெளியாகியுள்ளது. வருகிற மே மாதம் முதல் வாரத்தில் இந்நிகழ்ச்சியை நடக்க வாய்ப்புள்ளதாக கூறப்படுகிறது. விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

இதையும் படியுங்கள்... SA Chandrasekar :பீஸ்ட் படம் பார்த்து.. நெல்சனை பொளந்துகட்டிய எஸ்.ஏ.சந்திரசேகர்- என்ன சொல்லிருக்கார் தெரியுமா?