KamalHaasan : பட வாய்ப்பு குவிந்து வருவதன் காரணமாக, நடிகர் கமல் தனது சம்பளத்தை கிடுகிடுவென உயர்த்தி உள்ளதாக தகவல் வெளியாகி உள்ளது.
நடிகர் கமல்ஹாசன் அரசியலில் நுழைந்த பின்னர் படங்களில் நடிப்பதை குறைத்துக்கொண்டார். இதனால் கடந்த 4 ஆண்டுகளாக இவர் நடிப்பில் ஒரு படம் கூட ரிலீஸ் ஆகவில்லை. கடந்த ஆண்டு நடைபெற்ற சட்டமன்ற தேர்தலிலும் வெற்றி கிட்டாததால், மீண்டும் சினிமா பக்கம் திரும்பிய அவர், லோகேஷ் கனகராஜ் இயக்கிய விக்ரம் படத்தில் நடித்தார்.
கடந்த ஜூன் மாதம் வெளியான இப்படம் பிளாக்பஸ்டர் ஹிட் படமாக அமைந்தது. இதுவரை தமிழ்நாட்டில் வெளியான படங்களில் அதிகளவில் வசூல் குவித்த படம் என்கிற சாதனையை இப்படம் படைத்துள்ளது. தமிழ்நாட்டில் மட்டும் ரூ.185 கோடி வசூலித்த இப்படம், மொத்தமாக உலகளவில் ரூ.440 கோடிக்கு மேல் வசூலித்து இருந்தது.
தமிழ்நாட்டில் அதிகம் பேர் பார்த்த திரைப்படமும் விக்ரம் தான் என கமல்ஹாசன் சமீபத்திய பேட்டி ஒன்றில் பெருமிதத்துடன் கூறினார். விக்ரம் படத்துக்கு பின்னர் நடிகர் கமல் தொடர்ந்து படங்களில் கமிட் ஆகி வருகிறார். அந்த வகையில் அடுத்ததாக ஷங்கர் இயக்கும் இந்தியன் 2, மலையாள இயக்குனர் மகேஷ் நாராயணன் இயக்கத்தில் ஒரு படம், பா.இரஞ்சித் இயக்கத்தில் ஒரு படம், லோகேஷ் கனகராஜின் விக்ரம் 3 என படு பிசியாக உள்ளார் கமல்.
இதையும் படியுங்கள்... திருமணத்துக்கு கிரீன் சிக்னல் காட்டிய கீர்த்தி சுரேஷ்... அரசியல்வாதியுடன் விரைவில் டும்டும்டும்?
இவ்வாறு தொடர்ந்து பட வாய்ப்பு குவிந்து வருவதனால், நடிகர் கமல் தனது சம்பளத்தை கிடுகிடுவென உயர்த்தி உள்ளதாக சினிமா பத்திரிக்கை ஒன்றின் லேட்டஸ்ட் ரிப்போர்ட் மூலம் தெரியவந்திருக்கிறது. அதன்படி நடிகர் கமல் தான் அடுத்ததாக நடிக்க உள்ள படத்துக்காக ரூ.130 கோடி சம்பளமாக பெற்று உள்ளதாக கூறப்படுகிறது.
இதன்மூலம் கோலிவுட்டில் அதிக சம்பளம் வாங்கும் நடிகர்கள் பட்டியலில் நடிகர் அஜித்தை பின்னுக்கு தள்ளி உள்ளார் கமல். அஜித் தான் நடிக்க உள்ள ஏ.கே.62 படத்துக்காக ரூ.105 கோடி வாங்கி உள்ளார். தற்போது கமல் அதனை பீட் செய்து, விஜய்க்கு இணையாக சம்பளம் பெறும் நடிகராக உயர்ந்துள்ளார். வாரிசு படத்தில் நடிக்க ரூ.120 கோடி வாங்கிய நடிகர் விஜய், அடுத்ததாக தளபதி 67 படத்துக்காக ரூ.130 கோடி பெற்று உள்ளதாக கூறப்படுகிறது.
இதையும் படியுங்கள்... பிசாசு 2 படத்தில் ஆண்ட்ரியா நிர்வாணமாக நடித்த காட்சியை கத்திரி போட்டு தூக்கிய மிஷ்கின்.... ஏன் தெரியுமா?