Jana Nayagan Viral Videos : படம் பார்க்க வந்த த்ரிஷா..கண்ணீர் விட்டு அழுத அமைச்சர்! வீடியோ உள்ளே!

Jana Nayagan Viral Videos : தளபதி விஜய் நடிப்பில் நீண்ட எதிர்பார்ப்புகளுக்குப் பிறகு வெளியாகியுள்ள 'ஜனநாயகன்' திரைப்படம், ரசிகர்களிடையே பெரும் வரவேற்பைப் பெற்றுள்ளதோடு, பிரபலங்கள் இடையேயும் உணர்ச்சிகரமான தாக்கத்தை ஏற்படுத்தியுள்ளது.

Jana nayagan viral videos trisha and minister emotional moments

ரோகிணி திரையரங்கில் நடிகை த்ரிஷா விஜயம் (Viral Visit)

சென்னை கோயம்பேடு பகுதியில் அமைந்துள்ள பிரபல ரோகிணி திரையரங்கில், ஜனநாயகன் படத்தின் முதல் நாளான இன்று, காலை காட்சியைத் கண்டு ரசிப்பதற்காக முன்னணி நடிகை த்ரிஷா தனது தோழிகளுடன் திடீரென வருகை தந்தார். காலை 11 மணியளவில் திரையரங்கிற்குள் அவர் நுழைந்ததை சற்றும் எதிர்பாராத அங்கிருந்த ரசிகர்கள் இன்ப அதிர்ச்சியும் பெரும் உற்சாகமும் அடைந்தனர். தமிழ் திரையுலகின் நட்சத்திர நடிகையான த்ரிஷா, முதல்வர் விஜய்யின் இப்படத்தைக் காண பொதுமக்களுடன் சாதாரண ரசிகராக திரையரங்கிற்கு வருகை தந்தது அங்கிருந்தவர்களிடையே பெரும் ஆச்சரியத்தை ஏற்படுத்தியது. த்ரிஷாவைப் பார்த்த மகிழ்ச்சியில் ரசிகர்கள் கோஷங்களை எழுப்பிய நிலையில், இது தொடர்பான புகைப்படங்களும் வீடியோக்களும் தற்போது சமூக வலைதளங்களில் மிக வேகமாகப் பரவி வைரலாகி வருகின்றன.

Courtesy : thefederal_india Instagram Page 

இதையும் படிங்க : Baahubali : பாகுபலியில் நீங்கள் யார்? உங்க பிறந்த தேதி சொன்னா போதும்!

கண்ணீர் விட்டு அழுத அமைச்சர் பர்வேஸ் (Emotional Outburst)

மறுபுறம், புதுக்கோட்டை விஜய் திரையரங்கில் மாநிலத் தொழிலாளர் நலன் மற்றும் திறன்மேம்பாட்டுத்துறை அமைச்சர் ஜா. முகமது பர்வேஸ் ஜனநாயகன் படத்தின் காலைக் காட்சியைத் தியேட்டரில் அமர்ந்து பார்த்தார். விஜய்யின் தீவிர ரசிகரான அவர், படம் திரையிடப்பட்டு காட்சிக்காகக் காத்திருந்ததிலிருந்து மிகுந்த உற்சாகத்தில் இருந்தார். இருப்பினும், படம் பார்த்துக் கொண்டிருக்கும்போதே பலத்த உணர்ச்சிவசப்பட்ட அமைச்சர் பர்வேஸ், திரையில் விஜய்யைக் கண்டதும் திடீரெனக் கண்ணீர் விட்டு அழுதார். இதுவே தனது கடைசித் படம் என நடிகர் விஜய் ஏற்கனவே அதிகாரப்பூர்வமாக அறிவித்திருந்த நிலையில், தம்மீது நீண்ட காலமாகப் பற்று கொண்டுள்ள ரசிகரான அமைச்சர் பர்வேஸ், விஜய் இனிமேல் திரைப்படங்களில் நடிக்க மாட்டார் என்ற ஏக்கம் மற்றும் உணர்ச்சிப்பெருக்கு காரணமாகவே தியேட்டரிலேயே அழுதுவிட்டதாக தவெக தொண்டர்களும் நிர்வாகிகளும் தெரிவித்துள்ளனர். இந்த நெகிழ்ச்சியான வீடியோவும் இணையத்தில் தற்போது பெரும் வைரலாகி வருகிறது.

Courtesy : galattadotcom Instagram Page