ஜெயிலர் படத்தின் பிரம்மாண்ட வெற்றிக்கு பின்னர் இயக்குனர் நெல்சனுக்கு சன் பிக்சர்ஸ் தரப்பில் இருந்து பிரம்மாண்ட பரிசு வழங்கப்பட உள்ளதாக கூறப்படுகிறது.
ரஜினிகாந்த் நடிப்பில் கடந்த ஆகஸ்ட் 10-ந் தேதி திரைக்கு வந்த திரைப்படம் ஜெயிலர். நெல்சன் இயக்கிய இப்படத்தை சன் பிக்சர்ஸ் சார்பில் கலாநிதி மாறன் தயாரித்திருந்தார். சுமார் 200 கோடி பட்ஜெட்டில் எடுக்கப்பட்ட இப்படத்தில் ரஜினியுடன் ஷிவ ராஜ்குமார், மோகன்லால், தமன்னா, விநாயகன், ரம்யாகிருஷ்ணன், மிர்ணா, விடிவி கணேஷ் என மிகப்பெரிய நட்சத்திர பட்டாளமே நடித்திருந்தது. ராக்ஸ்டார் அனிருத் தான் இப்படத்திற்கு இசையமைத்து இருந்தார்.
ஜெயிலர் திரைப்படம் ரிலீஸ் ஆன முதல் நாளில் இருந்தே அமோக வரவேற்பை பெற்று பாக்ஸ் ஆபிஸில் பட்டைய கிளப்பி வருகிறது. இப்படம் வெளியான ஒரே வாரத்தில் ரூ.400 கோடிக்கு மேல் வசூலித்து மாஸ் காட்டி உள்ளது. ஜெயிலர் படத்திற்கு உலகளவில் பிரம்மாண்ட வரவேற்பு கிடைத்து வருவதால் படக்குழுவும் செம்ம ஹாப்பியாக உள்ளது. திரையிட்ட இடங்களில் எல்லாம் ஜெயிலர் லாபம் ஈட்ட தொடங்கி இருப்பதால் விநியோகஸ்தர்களும், திரையரங்க உரிமையாளர்களும் மிகவும் மகிழ்ச்சியாக உள்ளனர்.
இதையும் படியுங்கள்... திரையில் பிரம்மாண்டம்... நிஜத்தில் எளிமை! ‘ஜென்டில்மேன்’ இயக்குனர் ஷங்கரின் சொத்து மதிப்பு இத்தனை கோடியா?
பொதுவாகவே ஒரு படம் வெளியாகி சுமாரான வெற்றியை பெற்றாலே அப்படத்தின் இயக்குனருக்கு தயாரிப்பாளர் பரிசளிப்பது சமீபகால டிரெண்டாக உள்ளது. அதன்படி விக்ரம் படம் ரிலீஸ் ஆகி வெற்றி பெற்ற பின்னர் இயக்குனர் லோகேஷ் கனகராஜுக்கு லெக்சஸ் என்கிற சொகுசு காரை பரிசாக வழங்கினார் கமல். அதுமட்டுமின்றி அப்படத்தில் கேமியோ ரோலில் நடித்த சூர்யாவுக்கு ரூ.40 லட்சம் மதிப்புள்ள ரோலெக்ஸ் வாட்ச்சையும் பரிசளித்தார்.
தற்போது ஜெயிலர் படத்தின் பிரம்மாண்ட வெற்றியையும் இதே பாணியில் கொண்டாட முடிவு செய்துள்ளாராம் தயாரிப்பாளர் கலாநிதி மாறன். அதன்படி விரைவில் அவர் இயக்குனர் நெல்சனுக்கு பிரம்மாண்ட பரிசு ஒன்றை வழங்க உள்ளாராம். அது என்னவென்றால் சொகுசு கார் தானாம். அந்த காரின் மதிப்பு கோடிக்கணக்கில் இருக்கும் எனவும் கூறப்படுகிறது. விரைவில் நெல்சனுக்கு இந்த சொகுசு காரை பரிசாக வழங்க உள்ளார்களாம்.
இதையும் படியுங்கள்... பயத்துடன் சென்ற எனக்கு இன்ப அதிர்ச்சி கொடுத்தார் ரஜினி; ஜெயிலர் பட அனுபவங்களை பகிர்ந்த சீனு - Exclusive பேட்டி
சேனலை கிளிக் செய்து பின்தொடரவும்