நெல்சன் திலீப் குமார் இயக்கத்தில், சூப்பர் ஸ்டார் ரஜினிகாந்த் நடித்துள்ள 'ஜெயிலர்' திரைப்படம் ஆகஸ்ட் 10ஆம் தேதி ரிலீசாக உள்ள நிலையில், இந்த படத்தில் முக்கிய கதாபாத்திரத்தில் நடித்த பிரபலங்கள் வாங்கிய சம்பளம் குறித்த தகவல் வெளியாகியுள்ளது.
சூப்பர் ஸ்டார் ரஜினிகாந்த் நடிப்பில், கடந்த சில வருடங்களாக வெளியான படங்கள் எதுவுமே ரசிகர்களின் எதிர்பார்ப்பை பூர்த்தி செய்யாத நிலையில், அடுத்ததாக வெளியாக உள்ள ஜெயிலர் திரைப்படம் இதனை பூர்த்தி செய்யும் என நம்புகின்றனர். ரசிகர்களின் எதிர்பார்ப்பு ஏற்ற போல் நேற்று வெளியான ஜெயிலர் படத்தின் டிரைலர் தொடர்ந்து நல்ல விமர்சனங்களை பெற்றது. இந்நிலையில் இந்த படத்தில் நடித்துள்ள முக்கிய பிரபலங்கள் வாங்கிய சம்பளம் பற்றிய தகவல் பற்றி இந்த தொகுப்பில் பார்க்கலாம்.
சூப்பர் ஸ்டார் ரஜினிகாந்த்:
பொதுவாக ரஜினிகாந்த் தன்னுடைய படத்திற்கு 100 கோடி முதல் 120 கோடி ரூபாய் வரை சம்பளமாக வாங்கும் நிலையில், அடுத்தடுத்து தோல்வி படங்களை கொடுத்து வருவதால், இந்த முறை 75 லட்சம் ரூபாய் மட்டுமே சம்பளமாக பெற்றுள்ளதாக கூறப்படுகிறது.
மோகன் லால்:
மலையாளத்தில் ஒரு படத்திற்கு 18 கோடி முதல் 20 கோடி ரூபாய் வரை சம்பளமாக பெறும் மோகன் லால், 'ஜெயிலர்' படத்தில் நடிக்க சுமார் 8 கோடி ரூபாய் வரை சம்பளமாக பெற்றுள்ளதாக கூறப்படுகிறது.
ஜாக்கி ஷெரிஃப்:
பாலிவுட் திரை உலகில் பல படங்களில் குணசித்திர நடிகராக நடித்து அசத்தி வரும் ஜாக்கி ஷெரிஃப், ஹிந்தியில் 15 கோடி ரூபாய் முதல் 20 கோடி ரூபாய் வரை ஒரு படத்திற்கு சம்பளமாக பெற்று வருகிறார். ஜெயிலர் படத்தில், சூப்பர் ஸ்டாருடன் நடிக்க வெறும் நான்கு கோடி ரூபாய் மட்டுமே சம்பளமாக வாங்கியுள்ளதாக தெரிகிறது.
20 வருஷ பகையை மறந்து... பிரபலத்தின் சிகிச்சைக்கு உதவிய விக்ரம்! குவியும் பாராட்டு..!
ரம்யா கிருஷ்ணன்:
சூப்பர் ஸ்டார் ரஜினிகாந்துடன் பல வருடங்களுக்குப் பிறகு ஒன்றாக இணைந்து நடித்துள்ளார் ரம்யா கிருஷ்ணன். பாகுபலி படத்திற்கு பின்னர் தான் நடிக்கும் படங்களுக்கு ஒரு கோடி ரூபாய் சம்பளம் வாங்கி வந்த இவர், ஜெயிலர் படத்திற்காக 80 லட்சம் ரூபாய் மட்டுமே சம்பளமாக பெற்றுள்ளதாக கூறப்படுகிறது.
தமன்னா
தமன்னா ஒரு படத்தில் ஹீரோயினாக நடிக்கவே மூன்று கோடி ரூபாய் முதல் ஐந்து கோடி ரூபாய் வரை மட்டுமே சம்பளமாக வாங்கி வரும் நிலையில், ஜெயிலர் படத்திற்காக மூன்று கோடி ரூபாய் வரை சம்பளமாக பெற்றுள்ளார்.
சிவராஜ் குமார்:
கன்னட சூப்பர் ஸ்டாரான சிவராஜ்குமார், கன்னடத்தில் தான் நடிக்கும் படங்களுக்கு 10 கோடி முதல் 15 கோடி ரூபாய் வரை சம்பளமாக பெற்று வருகிறார். ஆனால் ஜெயிலர் படத்தில் நடித்த 4 கோடி ரூபாய் மட்டுமே சம்பளமாக பெற்றுக்கொண்டாராம்.
வசந்த் ரவி:
தரமணி படத்தின் மூலம் தன்னுடைய தரமான நடிப்பை வெளிப்படுத்தி மிகக் குறுகிய நாட்களிலேயே ரசிகர்கள் மத்தியில் பிரபலமாக அறியப்பட்ட வசந்த் ரவி, ஜெயிலர் படத்தில் நடிக்க 20 லட்சம் முதல் 30 லட்சம் வரை மட்டுமே சம்பளமாக பெற்றதாக கூறப்படுகிறது.
திருமணமான ஒரே வருடத்தில்... பாரதி கண்ணம்மா சீரியல் நடிகையின் கணவர் அதிர்ச்சி மரணம்!
யோகிபாபு:
படு பிஸியான காமெடி நடிகராக வலம் வந்துகொண்டிருக்கும் இவர், 'ஜெயிலர் படத்தில் நடிக்க 1 கோடி ரூபாய் சம்பளமாக பெற்றுள்ளதாக கூறப்படுகிறது.
சேனலை கிளிக் செய்து பின்தொடரவும்