நடிகை நித்யா மேனன் கர்ப்பமாக இருப்பது போல், அவரே வெளியிட்டுள்ள புகைப்படங்கள் தற்போது சமூக வலைதளத்தில் வெளியாகி ரசிகர்களை அதிர்ச்சியடைய செய்துள்ளது.
மலையாள பைங்கிளியான நித்யா மேனன், தமிழில் நடிகர் நானி நடித்த 'வெப்பம்' திரைப்படம் மூலம் கோலிவுட் திரை உலகில் அறிமுகமானவர். இதை தொடர்ந்து, இவர் நடித்த 'ஓகே கண்மணி', 'காஞ்சனா 2', '24', 'மெர்சல்' போன்ற படங்களில் முன்னணி நடிகர்களுக்கு ஜோடியாக நடித்து, ரசிகர்கள் மனதில் நீக்காத இடம்பிடித்தார். குறிப்பாக தமிழில் இவர் கடைசியாக, இயக்குனர் மித்ரன் ஆர் ஜவஹர் இயக்கத்தில், தனுஷுக்கு ஜோடியாக நடித்த 'திருச்சிற்றம்பலம்' திரைப்படத்தில், தேன் மொழியாகவே மாறி நடித்திருந்தது விமர்சனம் ரீதியாக பல்வேறு பாராட்டுக்களை குவித்தது.
தற்போது தமிழ், தெலுங்கு, மலையாளம், ஹிந்தி, போன்ற மொழிகளில்... தன்னுடைய நடிப்பு திறமையை வெளிப்படுத்தி... ரசிகர்கள் மனதை கொள்ளை அடித்து வரும் நித்யா மேனன்.. மலையாளத்தில் ஒரு படத்திலும், தமிழில் 'தி அயன் லேடி' என்கிற படத்தில் ஜெயலலிதா கதாபாத்திரத்திலும் நடித்து வருகிறார்.
இந்நிலையில் இவர் தன்னுடைய இன்ஸ்டாகிராம் பக்கத்தில் வெளியிட்டுள்ள புகைப்படம் ரசிகர்களை அதிர்ச்சியடைய வைத்துள்ளது. காரணம் கர்ப்பமாக இருப்பது போன்ற புகைப்படத்தை வெளியிட்டுளளார். இதை பார்த்த ரசிகர்கள் சிலர் திருமணத்திற்கு முன்பே கர்ப்பமா? என ஷாக்கிங் கேள்விகளை ஒரு பக்கம் எழுப்பி வரும் நிலையில், இதற்கான காரணம் என்ன என்பது தெரியவந்துள்ளது.
நித்யா மேனன், தற்போது இன்னும் பெயரிடப்படாத படம் ஒன்றில்... கர்ப்பமாக இருப்பது போன்ற கதாபாத்திரத்தில் நடித்து வருவதாகவும், அந்த படத்தின் படப்பிடிப்பின் போது எடுத்து கொண்ட புகைப்படத்தை இவர் சமூக வலைத்தளத்தில் வெளியிட அதுவே வைரலாகி வருகிறது. எனினும் சில ரசிகர்கள் விரைவில், திருமணம் செய்து கொண்டு ... குழந்தை பெற்றுக்கொள்ள வேண்டும் என தங்களின் வாழ்த்துக்களையும் இவருக்கு தெரிவித்து வருகிறார்கள் என்பது குறிப்பிடத்தக்கது.
Nikki Galrani Pregnant: கர்ப்பமாக இருக்கிறேனா..? உண்மையை போட்டுடைத்த நிக்கி கல்ராணி..!