Love Marriage Hit Worthy Movie : விக்ரம் பிரபு நடிப்பில் மிகவும் எளிமையான எதார்த்தமான கதையை மைப்படுத்தி வெளியான லவ் மேரேஜ் படமானது நல்ல விமர்சனங்களை பெற்றது.
Love Marriage Hit Worthy Movie : தமிழ் சினிமாவைப் பொறுத்தவரையில் கதைக்கும், கதாபாத்திரத்திற்கும் அதிக முக்கியத்துவம் கொடுக்கப்படுகிறது. இதில், கதை நன்றாக இருந்தால் அந்தப் படம் ஹிட் படமாக அமையும். இதுவே என்னதான் மாஸ் ஹீரோவாக நடித்திருந்தாலும் கதை இல்லையென்றால் அந்தப் படத்திற்கு போதுமான வரவேற்பு கிடைப்பதில்லை. இன்றைய காலகட்டத்தில் சிறிய பட்ஜெட்டோ, பெரிய பட்ஜெட்டோ கதையைத் தான் ரசிகர்கள் விரும்புகிறார்கள். அப்படிப்பட்ட எல்லா அம்சங்களும் நிறைந்த ஒரு படம் கடந்த ஜூன் 27ஆம் தேதி திரைக்கு வந்தது.
26
லவ் மேரேஜ் பாக்ஸ் ஆபிஸ் வசூல்
ஆனால், ஏற்கனவே தனுஷின் குபேரா படம் திரையரங்குகளில் வெற்றிகரமாக ஓடிக் கொண்டிருந்தது ஒரு பக்கம், விஜய் ஆண்டனியின் மார்கன் படம் ரிலிசானது மறுபக்கம் என்று அந்த படத்திற்கு சிக்கலாக அமைந்துவிட்டது. அப்படி என்ன படம் என்று கேட்கிறீர்களா? அந்தப் படம் தான் விக்ரம் பிரபு நடிப்பில் வெளியான லவ் மேரேஜ் (Love Marriage).
36
மிஷ்கின் பாடிய எடுடா பாட்டில் பாடல்
இயக்குநர் சண்முக பிரியன் இயக்கத்தில் வெளியான லவ் மேரேஜ் படத்தில் விக்ரம் பிரபு, சுஷ்மிதா பட், மீனாக்ஷி தினேஷ், அருள்தாஸ், ரமேஷ் திலக், சத்யராஜ், ரியோ ராஜ் ஆகியோர் பலர் நடித்திருந்தனர். சீன் ரோல்டன் இந்தப் படத்திற்கு இசையமைத்திருந்தார். இந்தப் படத்தில் இடம் பெற்றிருந்த எடுடா பாட்டில் என்ற பாடலை மிஷ்கின் தனது குரலில் பாடியிருந்தார். இந்தப் பாடல் இப்போது யூடியூப்பில் 1 மில்லியனுக்கும் அதிகமான பார்வையாளர்களை கடந்து சாதனை படைத்துள்ளது.
46
இயக்குநர் சண்முக பிரியன் லவ் மேரேஜ்
மிகவும் எளிமையான கதை மற்றும் சிறிய பட்ஜெட் என்று இந்தப் படம் வெளியானது. என்னதான் ரசிகர்களிடையே நல்ல விதமான விமர்சனங்களை பெற்றிருந்தாலும் சாக்னிக்.காம் செய்தியின் படி படம் வெளியாகி 7 நாட்களில் இந்தியளவில் ரூ.1.04 கோடி மட்டுமே வசூல் குவித்திருக்கிறது.
56
விக்ரம் பிரபு லவ் மேரேஜ்
படத்தின் ஹீரோவான விக்ரம் பிரபுவிற்கு வயது அதிகமான நிலையில் திருமணம் நடப்பதில் தாமதமாகும். அப்படி ஒரு பெண் ஓகே ஆகும் போது, அந்த பெண் வேறொரு பையனை காதலிப்பது தெரிந்து நடக்கும் சம்பவங்களும், அந்த பெண்ணின் தங்கையை ஹீரோ திருமணம் செய்து கொள்வதும் இயல்பான எதார்த்தமான காட்சிகள். அப்படி எதார்த்தமான காட்சிகளுடன் இந்தப் படம் வந்திருந்தாலும் காமெடி காட்சிகள், ரொமான்ஸ், பாடல் என்று எல்லா அம்சங்களும் படத்தில் நிரம்பியிருந்தது.
66
லவ் மேரேஜ்
எனினும், படம் இன்னமும் வெற்றிகரமாக ஓடிக் கொண்டிருக்கிறது என்று இயக்குநர் தனது இன்ஸ்டா பக்கத்தில் கூறியிருக்கிறார். லவ் மேரேஜ் படம் ரசிகர்களால் கொண்டாடப்பட வேண்டியது. இன்றைய காலகட்டத்திற்கு ஏற்ற படம். 35 வயதாகியும் இன்னும் திருமணம் நடக்காமல் இருக்கும் இளைஞர்களின் வாழ்க்கையை இந்தப் படம் சித்தரிக்கிறது. அதாவது காலதாமதமாகும் திருமணத்தைப் பற்றிய படம் தான் லவ் மேரேஜ்.
குடும்பஸ்தன், டூரிஸ்ட் பேமிலி ஆகிய படங்களின் வரிசையில் இடம் பெற வேண்டிய படம் தான் லவ் மேரேஜ். ஆனால், குபேரா மற்றும் மார்கன் ஆகிய படங்களால் குறைவான திரையரங்குகள் கிடைக்கப் பெற்றது. இருந்த போதிலும் ஓரளவு டீசண்டான வசூல் தான் பெற்று வருகிறது.
