Hi Movie First Review : கவின் - நயன் ஜோடி பாஸ் ஆனதா? ஃபெயில் ஆனதா? ஹாய் படத்தின் முதல் விமர்சனம் இதோ

Hi Movie : விஷ்ணு எடவன் இயக்கத்தில் கவின், நயன்தாரா ஜோடியாக நடித்துள்ள ஹாய் திரைப்படம் ஆகஸ்ட் 28ந் தேதி ரிலீஸ் ஆக உள்ள நிலையில், அதன் முதல் விமர்சனம் வெளியாகி உள்ளது.

Hi Movie First Review

நயன்தாரா மற்றும் இளம் நடிகர் கவின் இணைந்து நடித்துள்ள புதிய திரைப்படம் ‘ஹாய்’. நயன்தாராவை விட கவின் சுமார் 5 வயது இளையவர் என்பதால், இருவரின் காம்பினேஷன் படம் தொடங்கிய நாள் முதலே ரசிகர்கள் மத்தியில் கவனம் பெற்றுள்ளது. காமெடி, காதல் மற்றும் உணர்வுகளை மையமாகக் கொண்ட ஃபீல் குட் ரொமான்டிக் டிராமாவாக இப்படம் உருவாகியுள்ளது. இந்தப் படத்தை இயக்குநர் விஷ்ணு எடவன் இயக்கியுள்ளார். இப்படம் ரவுடி பிக்சர்ஸ், செவன் ஸ்கிரீன் ஸ்டுடியோ மற்றும் ஜீ ஸ்டுடியோஸ் நிறுவனங்களின் தயாரிப்பில் உருவாகியுள்ளது.

சென்சார் பணிகள் நிறைவு

‘ஹாய்’ படத்தின் பணிகள் முடிவடைந்து தற்போது ரிலீஸுக்கு தயாராகியுள்ளது. படத்தைப் பார்த்த மத்திய திரைப்படத் தணிக்கை வாரியம், UA 13+ சான்றிதழ் வழங்கியுள்ளதாக கூறப்படுகிறது. குடும்பப் பின்னணியுடன் கூடிய நவீன காதல் கதையாக படம் உருவாகியிருப்பதாகவும், ஆட்சேபனைக்குரிய காட்சிகள் எதுவும் இடம்பெறவில்லை என்றும் தெரிவிக்கப்பட்டுள்ளது. சுமார் 2 மணி நேரம் 24 நிமிடங்கள், அதாவது 144 நிமிடங்கள் படத்தின் மொத்த ரன்னிங் டைமாக உள்ளது. திரைக்கதை வேகமாக நகரும் வகையில் உருவாக்கப்பட்டுள்ளதாகவும், காதல் மற்றும் உணர்வுகளை மையமாகக் கொண்ட காட்சிகள் ரசிகர்களை கவரும் வகையில் அமைந்துள்ளதாகவும் எதிர்பார்க்கப்படுகிறது.

ஹாய் பட கதை என்ன?

சென்னையில் உள்ள ஒரே குடியிருப்பு வளாகத்தில் வசிக்கும் இரு வெவ்வேறு வாழ்க்கை பின்னணியைக் கொண்டவர்களாக நயன்தாராவும் கவினும் நடித்துள்ளனர். ஒருபுறம் சாதாரண வாழ்க்கையை வாழும் பெண்ணாக நயன்தாரா இருக்க, மறுபுறம் நல்ல வேலையில் இருக்கும் இளம் சாஃப்ட்வேர் ஊழியராக கவின் கதாபாத்திரம் அமைந்துள்ளது. இருவருக்கும் இடையே ஏற்படும் அறிமுகம் நாளடைவில் நெருக்கமாக மாறுகிறது.

நயன்தாரா மீது காதல் கொள்ளும் கவின், அவரை திருமணம் செய்து கொள்ள வேண்டும் என்ற ஆசையுடன் இருக்கிறார். ஆனால் இந்தக் காதல் அவருக்கு எந்த மாதிரியான சிக்கல்களை ஏற்படுத்துகிறது, தனது மனதில் இருப்பதை நயன்தாராவிடம் அவர் வெளிப்படுத்துகிறாரா, இறுதியில் இருவரும் இணைகிறார்களா என்பதுதான் படத்தின் முக்கியக் கதைக்களம்.

கெமிஸ்ட்ரி எப்படி இருக்கும்?

‘ஹாய்’ படத்தின் முக்கிய எதிர்பார்ப்புகளில் ஒன்றாக நயன்தாரா–கவின் ஜோடியின் கெமிஸ்ட்ரி பார்க்கப்படுகிறது. இருவருக்கும் இடையிலான காதல் காட்சிகளுடன், நகைச்சுவை மற்றும் எமோஷனல் தருணங்களுக்கும் படத்தில் முக்கியத்துவம் கொடுக்கப்பட்டுள்ளதாக கூறப்படுகிறது. நயன்தாராவின் நடிப்பு மற்றும் ஸ்கிரீன் பிரசன்ஸ் படத்திற்கு கூடுதல் பலமாக இருக்கும். அதேபோல் கவினின் இளமைத் தோற்றமும் கதாபாத்திரத்திற்கான நடிப்பும் படத்தின் காதல் அம்சத்தை வலுப்படுத்தும் என தெரிகிறது.

தொழில்நுட்பக் குழு

கவின் - நயன்தாரா மட்டுமின்றி, ராதிகா சரத்குமார், பிரபு, கே.பாக்யராஜ், விடிவி கணேஷ் உள்ளிட்ட அனுபவம் வாய்ந்த நடிகர்கள் இடம்பெற்றிருப்பது படத்தின் மீதான எதிர்பார்ப்பை அதிகரித்துள்ளது. படத்திற்கு ஜென் மார்ட்டின் இசையமைத்துள்ளார். ராஜேஷ் சுக்லா ஒளிப்பதிவை கவனிக்க, ஃபிலோமின் ராஜ் படத்தொகுப்பு பணிகளை மேற்கொண்டுள்ளார். காதல், நகைச்சுவை மற்றும் குடும்ப உணர்வுகளை கலந்து உருவாகியுள்ள ‘ஹாய்’ திரைப்படம் வரும் ஆகஸ்ட் 28-ம் தேதி உலகம் முழுவதும் திரையரங்குகளில் வெளியாகிறது.