எந்திரன் முதல் குட் பேட் அக்லி வரை; 200 கோடி கிளப்பில் இணைந்த தமிழ் படங்களின் பட்டியல் இதோ

அஜித் நடித்துள்ள குட் பேட் அக்லி திரைப்படம் 200 கோடி கிளப்பில் இணைந்துள்ள நிலையில், இதற்கு முன் அந்த சாதனையை படைத்த படங்களின் பட்டியலை பார்க்கலாம்.

200 Crore Collected Tamil Movies : தமிழ் சினிமாவின் முன்னணி நடிகர்களில் ஒருவரான அஜித் குமார், தனது படங்களின் விளம்பரங்களில் கலந்து கொள்வதில்லை, சமூக ஊடகப் பக்கங்களும் கிடையாது. ஆனாலும், ரசிகர்களின் ஆதரவு அவருக்கு எப்போதும் உண்டு. சமீபகாலமாக அவரது படங்களின் வசூல் எதிர்பார்த்த அளவுக்கு இல்லை. ஆனால், அவரது சமீபத்திய படமான ‘குட் பேட் அக்லி’ அவரது திரைப்பயணத்தின் மிகப்பெரிய வெற்றிப் படமாக அமைந்து, அவரை முதல் முறையாக 200 கோடி கிளப்பில் இணைத்துள்ளது.

Good Bad Ugly Box Office

200 கோடி கிளப்பில் இணைந்த Good Bad Ugly

தமிழ் சினிமாவில் 200 கோடி வசூல் என்பது தற்போது சாதாரணமாகிவிட்டது. 'குட் பேட் அக்லி' இந்த 200 கோடி கிளப்பில் இணையும் 21-வது படமாகும். அஜித் தற்போது தான் முதன் முறையாக இந்த 200 கோடி கிளப்பில் இணைந்தாலும், விஜய் மற்றும் ரஜினிகாந்த் பல முறை இந்த வ்சூல் சாதனையை நிகழ்த்தி இருக்கிறார்கள். அதேபோல் சிவகார்த்திகேயன், கமல்ஹாசன், சியான் விக்ரம் ஆகியோரும் இந்த 200 கோடி கிளப்பில் ஏற்கனவே இணைந்த நிலையில், தற்போது லேட்டஸ்டாக அஜித் அதில் இணைந்துள்ளார்.

இதையும் படியுங்கள்... குட் பேட் அக்லியிடம் சரண்டர் ஆன சச்சின் - ரீ-ரிலீஸ் வசூல் இவ்வளவுதானா?

200 Crore Movies in Tamil

Kollywood-ன் 200 கோடி வசூல் படங்கள்

சினிடிராக் தகவலின்படி, ரஜினிகாந்தின் 7 படங்கள் உலகளவில் 200 கோடிக்கு மேல் வசூலித்துள்ளன. அதேபோல் தமிழ் சினிமாவில் அதிக 200 கோடி வசூல் படங்களை கொடுத்தவர் தளபதி விஜய் தான். அவரின் 8 படங்கள் இந்த சாதனையைப் படைத்துள்ளன. ரஜினியின் எந்திரன், கபாலி, 2.0, பேட்ட, தர்பார், ஜெயிலர், வேட்டையன் ஆகிய படங்களும், விஜய்யின் மெர்சல், சர்கார், பிகில், மாஸ்டர், பீஸ்ட், வாரிசு, லியோ, கோட் ஆகிய படங்களும் 200 கோடி கிளப்பில் உள்ளன.

Ajith Kumar in 'Good Bad Ugly'

சாதனை படத்தை அஜித்தின் Good Bad Ugly

அஜித்தைத் தவிர, சியான் விக்ரம் நடித்த ஐ, கமல்ஹாசனின் விக்ரம், சிவகார்த்திகேயன் நடித்த அமரன் ஆகிய படங்கள் மூலம் அவர்களும் தலா ஒரு முறை 200 கோடி கிளப்பில் இடம் பிடித்துள்ளனர். மணிரத்னத்தின் பொன்னியின் செல்வன் 2 பாகங்களும் இந்த சாதனையைப் படைத்துள்ளன. குட் பேட் அக்லி மூலம் முதன்முறையாக 200 கோடி கிளப்பில் இணைந்துள்ளார் அஜித். அவரின் கெரியரில் அதிக வசூல் செய்த படமும் இதுதான். அதேபோல் தமிழ்நாட்டிலும் இப்படம் அஜித் நடித்த படங்களில் அதிக வசூல் செய்த படமாக மாறி உள்ளது. இந்த ஆண்டில் 200 கோடிக்கு மேல் வசூலித்த முதல் தமிழ் படம் என்கிற பெருமையையும் குட் பேட் அக்லி பெற்றுள்ளது.

இதையும் படியுங்கள்...  தமிழ்நாடு பாக்ஸ் ஆபிஸில் புது வரலாறு படைத்த அஜித்தின் குட் பேட் அக்லி!