Pisasu 2 : பிசாசு 2 படத்திற்காக முதலில் நடிக்க மறுத்ததாகவும், பின்னர் கதையின் முக்கியத்துவம் கருதியே நடிக்க சம்மதித்ததாகவும் ஆண்ட்ரியா ஒரு பேட்டியில் கூறி இருந்தார்.
மிஷ்கின் இயக்கத்தில் கடந்த 2014-ம் ஆண்டு வெளியாகி பிளாக்பஸ்டர் ஹிட்டான படம் பிசாசு. வழக்கமான பேய் படங்களைப் போல் இல்லாமல் இதனை வித்தியாசமாக கையாண்டிருந்தார் மிஷ்கின். அதனால் இப்படம் மக்கள் மத்தியில் பிரபலமடைந்தது. பிசாசு படத்துக்கு கிடைத்த வரவேற்பை அடுத்து, தற்போது 8 ஆண்டுகளுக்கு பின் அதன் இரண்டாம் பாகத்தை எடுத்துள்ளார் மிஷ்கின்.
பிசாசு 2 படத்தில் நடிகை ஆண்ட்ரியா ஹீரோயினாக நடித்துள்ளார். இதுதவிர சந்தோஷ் பிரதாப், பூர்ணா, அஜ்மல், நமீதா கிருஷ்ணமூர்த்தி என மிகப்பெரிய நட்சத்திர பட்டாளமே இப்படத்தில் நடித்துள்ளது. இதுதவிர நடிகர் விஜய் சேதுபதியும் இப்படத்தில் கெஸ்ட் ரோல் ஒன்றில் நடித்துள்ளார். இப்படத்தின் ஷூட்டிங் முடிந்து ரிலீசுக்கு தயாராகி வருகிறது.
இதையும் படியுங்கள்... அனுபவ இயக்குனர்கள் சொதப்பியதால் அப்செட் ஆன அண்ணாச்சி... அடுத்த பட வாய்ப்பு யாருக்கு கொடுக்க போகிறார் தெரியுமா?
ராக்ஃபோர்ட் எண்டர்டெயின்மெண்ட் நிறுவனம் தயாரித்துள்ள இப்படத்திற்கு கார்த்திக் ராஜா இசையமைத்துள்ளார். பிசாசு 2 படம் தமிழ், தெலுங்கு, மலையாளம் ஆகிய மூன்று மொழிகளில் வெளியிடப்பட உள்ளது. இப்படத்தில் நடிகை ஆண்ட்ரியா 15 நிமிட காட்சி ஒன்றில் நிர்வாணமாக நடித்திருந்ததாக கூறப்பட்டது. முதலில் அவ்வாறு நடிக்க மறுத்ததாகவும், பின்னர் கதையின் முக்கியத்துவம் கருதியே நடிக்க சம்மதித்ததாகவும் ஆண்ட்ரியா ஒரு பேட்டியில் கூறி இருந்தார்.
இந்நிலையில், ஆண்ட்ரியா நிர்வாணமாக நடித்த காட்சியை இயக்குனர் மிஷ்கின் கத்திரி போட்டு தூக்கிவிட்டாராம். அந்த காட்சியால் இப்படத்தை குழந்தைகள் பார்க்க முடியாத சூழல் இருந்தது. இப்படம் குழந்தைகளுக்காகவும் எடுக்கப்பட்ட படம் என்பதனால் அதனை கருத்தில் கொண்டு ஆண்ட்ரியா நடித்த நிர்வாண காட்சியை படத்தில் இருந்து நீக்க முடிவு செய்துள்ளதாக மிஷ்கின் சமீபத்திய பேட்டியில் தெரிவித்துள்ளார்.
இதையும் படியுங்கள்... தனுஷ் பட நடிகையா இது?... நீச்சல் உடையில் கவர்ச்சி குளியல் போட்ட எல்லி அவரம் - கிக்கான கிளாமர் போட்டோஸ் இதோ