தனுஷை காப்பாற்றியதா 'கர'? முதல் நாள் வசூல் விவரம் இதோ!

Kara movie day 1 box office collection: நடிகர் தனுஷ் நடிப்பில், நேற்று வெளியான 'கர' படத்தின் முதல் நாள் வசூல் குறித்த தகவல் தற்போது வெளியாகி உள்ளது.

விக்னேஷ் ராஜா இயக்கத்தில் தனுஷ்:

தமிழ் ரசிகர்களின் ரசனைக்கேற்ற திரைப்படங்களை தேர்தெடுத்து நடிக்க கூடிய நடிகர் தான் தனுஷ். கடைசியாக 'இட்லி கடை' என்கிற படத்தை இயக்கி, தானே ஹீரோவாகவும் நடித்த இவர், தற்போது, போர் தொழில் படத்தின் மூலம் முதல் படத்திலேயே திரையுலகினரால் கவனிக்கப்பட்ட இயக்குனராக மாறிய விக்னேஷ் ராஜா இயக்கத்தில் நடித்த திரைப்படம் தான் 'கர'. ஏப்ரல் 30-ஆம் தேதி (வியாழக்கிழமை) நேற்று வெளியானது.

கலவையான விமர்சனங்களை பெற்று வருகிறது:

படத்தின் ரிலீசுக்கு முன்பே, 'கர' படத்தின் முன்பதிவுக்கு அமோக வரவேற்பு இருந்ததால், வசூல் ரீதியாக இந்த படம் தமிழ் சினிமாவில் பெரிய தாக்கத்தை ஏற்படுத்தும் என எதிர்பார்க்கப்பட்டது. ஆனால் படம் ரிலீஸ் ஆனது முதலே ஒரு தரப்பினர் மத்தியில், பாசிட்டிவ் விமர்சனங்களையும், மற்றொரு தரப்பினர் மத்தியில் நெகடிவ் விமர்சனங்களையும் பெற்று வருவது குறிப்பிடத்தக்கது.

மமிதா பைஜு:

‘கர’ திரைப்படம் 1991 ராமநாதபுரம் பின்னணியில் உருவான திரில்லர் கதைக்களத்தில் உருவாகி உள்ளது. தனுஷ் ஹீரோவாக நடித்துள்ள இந்த படத்தில், மலையாள நடிகை மமிதா பைஜு ஹீரோயினாக நடித்துள்ளார். மேலும் ஜெயராம், கருணாஸ், சுராஜ் போன்ற பலர் முக்கிய கதாபாத்திரத்தில் நடித்துள்ளனர். ஜி.வி. பிரகாஷ் இந்த படத்திற்கு இசையமைத்துள்ளார்.

வசூல் விவரம்:

நேற்று ரிலீஸ் ஆன இந்த திரைப்படம், பாக்ஸ் ஆபீஸ் கணக்கீட்டுப்படி, இந்தியாவில் முதல் நாளில் ரூ. 5.75 கோடி வசூல் செய்துள்ளதாக தகவல் வெளியானது. நாடு முழுவதும் சேர்த்து, மொத்த வசூல் ரூ. 6.64 கோடி என கணக்கிடப்பட்டுள்ளது. வெளிநாட்டில் மட்டும் ரூ. 2.50 கோடி வசூல் செய்துள்ளது.

மற்ற மாநிலங்களின் வசூல் விவரம்

தமிழ் மற்றும் தெலுங்கு என இரு மொழிகளில் வெளியான 'கர' திரைப்படம் தமிழ்நாட்டில் ரூ. 4.75 கோடி வசூல் செய்துள்ளதாக கூறப்படுகிறது. ஆந்திரா மற்றும் தெலங்கானா ஆகிய இடங்களில் ரூ. 1.25 கோடியும், கர்நாடகா ரூ. 0.43 கோடியும், கேரளம் ரூ. 0.15 கோடியும், மற்ற மாநிலங்களில் ரூ. 0.06 கோடி வசூல் செய்துள்ளது.

தொடர்விடுமுறை:

மொத்தத்தில், படத்தின் முதலாவது நாள் வரவேற்பு நன்றாக உள்ளது. இன்று மே 1 தொழிலாளர் தினம் என்பதாலும், தொடர்விடுமுறை நாட்கள் வர உள்ளதாலும் இந்த படத்தின் வசூல் அதிகரிக்கும் என கூறப்படுகிறது.