தனுஷ் நடித்த புதிய படம் குபேரா. தனுஷுடன் தெலுங்கு சூப்பர் ஸ்டார் நாகர்ஜுனாவும் முக்கிய வேடத்தில் நடித்துள்ள இந்தப் படத்தில் நாயகியாக ராஷ்மிகா மந்தனா நடித்திருக்கிறார். பிரம்மாண்டமான கேன்வாஸில் தயாரிக்கப்பட்ட இந்தப் படம், பார்வையாளர்களை ஆரம்பம் முதல் இறுதி வரை பரபரப்பூட்டும் வகையில் கதை சொல்கிறது. ஆக்ஷன் டிராமா, பழிவாங்கல், உணர்ச்சிமிக்க தருணங்கள் என அனைத்தையும் உள்ளடக்கிய இந்தப் படம், தீவிரமான கதைக்களத்தின் வழியாகப் பயணிக்கிறது. இதில் தனுஷ் ஒரு பிச்சைக்காரராக நடித்துள்ளார்.
24
தனுஷின் குபேரா
தேவா என்ற மையக் கதாபாத்திரத்தில் அற்புதமான நடிப்பை வெளிப்படுத்திய தனுஷ் தான் படத்தின் சிறப்பம்சம். அவரது திரைப்பட வாழ்க்கையில் மிகச் சிறந்த நடிப்பை இதில் தனுஷ் வெளிப்படுத்தியுள்ளார். தீபக்காக நாகர்ஜுனா, சமீராவாக ரராஷ்மிகா, நீரஜ் என்ற வில்லன் வேடத்தில் ஜிம் சர்ப் ஆகியோரும் சிறப்பான நடிப்பை வெளிப்படுத்தியுள்ளனர். ஹரீஷ் பேரடி, தலிப் தாஹில் ஆகியோரும் படத்தில் நடித்துள்ளனர். பான் இந்தியா படமாக தமிழ், தெலுங்கு, இந்தி, மலையாளம், கன்னடம் ஆகிய மொழிகளில் படம் வெளியிடப்பட்டது. சுனில் நாரங், புஷ்கர் ராம் மோகன் ராவ் ஆகியோர் இணைந்து ஸ்ரீ வெங்கடேஸ்வரா சினிமாஸ் எல்எல்பி, அமிகோஸ் கிரியேஷன்ஸ் பிரைவேட் லிமிடெட் ஆகியவற்றின் பேனரில் தயாரித்துள்ளனர்.
34
வசூல் சாதனை படைத்த குபேரா
சூப்பர் ஹிட் தெலுங்கு இயக்குநரும் தேசிய விருது வென்றவருமான சேகர் கம்முலா இயக்கிய பெரிய பட்ஜெட் பான் இந்தியா படமான "குபேரா"வுக்கு நல்ல வசூல் கிடைத்துள்ளது. உலகளாவிய வசூல் 126 கோடி ரூபாயை எட்டிய நிலையில், இந்தியாவில் மட்டும் இதுவரை 96 கோடி ரூபாய் வசூலித்துள்ளது குபேராவின் சாதனையைச் சுட்டிக்காட்டுகிறது. இன்னும் நான்கு கோடி ரூபாய் வசூலானால், இந்திய வசூல் மட்டும் 100 கோடி என்ற இமாலய இலக்கை எட்டும். மிகப்பெரிய ரசிகர்களின் வரவேற்பைப் பெற்ற இந்தப் படத்துக்கு விமர்சகர்களும் பாராட்டு தெரிவித்துள்ளனர்.
தனுஷின் திரைப்பட வாழ்க்கையில் இதுவரை இல்லாத அளவுக்கு அதிக வசூலைப் படம் முதல் நாளில் பெற்றது. முதல் நாளில் உலகளவில் 30 கோடி ரூபாய் வசூலித்த இந்தப் படம், இரண்டாம் நாளில் 50 கோடி ரூபாய் வசூல் சாதனையையும் படைத்தது. தமிழ் மற்றும் தெலுங்கில் தயாரிக்கப்பட்ட இந்தப் படம், இந்தியாவைத் தவிர வெளிநாடுகளிலும் பெரும் வரவேற்பைப் பெற்றுள்ளது. வட அமெரிக்காவில் தனுஷின் திரைப்பட வாழ்க்கையில் இதுவரை இல்லாத அளவுக்கு அதிக வசூலைப் பெற்ற படமாக "குபேரா" மாறியுள்ளதாக அறிக்கைகள் தெரிவிக்கின்றன. இருப்பினும் இப்படம் தமிழ்நாட்டில் படுதோல்வியை சந்தித்துள்ளது. தமிழைத் தவிர மற்ற மொழிகளில் குபேரா படத்திற்கு பாசிடிவ் ரெஸ்பான்ஸ் கிடைத்துள்ளது குறிப்பிடத்தக்கது.
