National Awards For Dhanush : தனுஷுக்கு இரண்டு தேசிய விருதுகள் வழங்கப்பட்டு உள்ளன. அதில் இயக்குநராக ராயன் படத்திற்கும், நடிகராக கேப்டன் மில்லர் படத்திற்கும் அவர் விருது பெற்றிருக்கிறார்.
72வது தேசிய திரைப்பட விருது விழாவில் நடிகர் தனுஷுக்கு இரட்டை சந்தோஷம் கிடைத்துள்ளது. கேமராவுக்கு முன்னாலும் பின்னாலும் அவர் காட்டிய திறமைக்காக இந்த விருதுகள் அவரை தேடி வந்துள்ளன. குஜராத்தின் ஏக்தா நகரில் செவ்வாய்க்கிழமை நடந்த விழாவில், நடிகர், தயாரிப்பாளர் மற்றும் இயக்குநரான தனுஷுக்கு இரண்டு தேசிய விருதுகள் வழங்கப்பட்டன. டெல்லிக்கு வெளியே முதல்முறையாக நடந்த இந்த விழாவில், குடியரசுத் தலைவர் திரௌபதி முர்மு இந்த விருதுகளை வழங்கினார்.
தனுஷ் இயக்கி, அவரே ஹீரோவாக நடித்த 'ராயன்' படத்துக்கு சிறந்த தமிழ் படத்துக்கான தேசிய விருது கிடைத்துள்ளது. இயக்குநராக தனுஷ் வாங்கும் முதல் தேசிய விருது இதுதான். 2024-ல் ரிலீசான இந்த படம், தன் குடும்பத்தை காப்பாற்ற நினைக்கும் ஒரு சாதாரண மனிதன், எப்படி குற்றப் பின்னணி மற்றும் பழிவாங்கும் உலகத்துக்குள் தள்ளப்படுகிறான் என்பதை விறுவிறுப்பாக சொல்கிறது. அதேபோல, அருண் மாதேஸ்வரன் இயக்கத்தில் வெளியான 'கேப்டன் மில்லர்' படத்தில் மிரட்டலாக நடித்ததற்காக தனுஷுக்கு 'ஸ்பெஷல் மென்ஷன்' (Special Mention) விருதும் கிடைத்துள்ளது.
34
குவியும் வாழ்த்து
சுதந்திரத்துக்கு முந்தைய காலக்கட்டத்தில் நடக்கும் கதையான இந்த படம், தேசிய, சமூக மற்றும் சுற்றுச்சூழல் மதிப்புகளை ஊக்குவிக்கும் சிறந்த திரைப்படத்துக்கான தேசிய விருதையும் தட்டிச் சென்றது. தனுஷை பொறுத்தவரை, 'கேப்டன் மில்லர்' படத்தில் நடிகராகவும், 'ராயன்' படத்தில் இயக்குநராகவும் என இரண்டு வெவ்வேறு ரோல்களுக்கு இந்த விருதுகள் கிடைத்துள்ளன.
தனுஷ் இயக்கிய இரண்டாவது படமான 'ராயன்'-ல் எஸ்.ஜே.சூர்யா, சந்தீப் கிஷன், காளிதாஸ் ஜெயராம் உள்ளிட்ட பலர் நடித்துள்ளனர். அடுத்தடுத்து நடக்கும் வன்முறை சம்பவங்களுக்குப் பிறகு, தன் குடும்பத்தின் பொறுப்பை ஏற்கும் ஒருவனின் கதையை இந்த படம் பேசுகிறது.
இன்னொரு பக்கம், 'கேப்டன் மில்லர்' படத்தில் அனலீசன் என்ற கேரக்டரில் தனுஷ் நடித்துள்ளார். சுதந்திரத்துக்கு முந்தைய காலத்தில் அடக்குமுறைக்கு எதிராக போராடும் ஒரு முன்னாள் ராணுவ வீரரின் கதை இது. தனுஷ், வழக்கம் போல வெள்ளை வேட்டி, அரைக்கை சட்டை என பக்கா பாரம்பரிய உடையில் வந்து விருதினை பெற்றுக் கொண்டார். முன்னதாக அசுரன், ஆடுகளம் போன்ற படங்களுக்காக தேசிய விருதை வென்றிருக்கிறார் தனுஷ். அவர் ஒரு இயக்குநராக இவ்விருதை பெறுவது இதுவே முதன்முறை என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
