கோலாகலமாக நடந்து முடிந்த நடிகை வித்யுலேகா ராமன் திருமணம்..! அழகிய ஜோடிகளின் புகைப்படம் இதோ..!

காமெடி நடிகை வித்யுலேகா ராமனுக்கும், அவரது காதலருக்கு திருமணம் நடந்து முடிந்த நிலையில், அழகிய தம்பதிகளின் புகைப்படம் தற்போது வைரலாக பரவ, ரசிகர்கள் தங்களது வாழ்த்துக்களை தெரிவித்து வருகிறார்கள்.  

கவுதம் மேனன் இயக்கத்தில் நீதானே என் பொன் வசந்தம் படம் மூலம் தமிழ் சினிமாவில் அறிமுகமானவர் வித்யுலேகா ராமன். இந்த படத்தில் சமந்தாவிற்கு தோழியாக நடித்தார். இந்த படத்தின் தெலுங்கு வெர்ஷனிலும் இவர் தான் சமந்தாவின் தோழியாக நடித்தார்.

அடுத்தடுத்து வீரம், ஜில்லா, ப.பாண்டி, தீயா வேலை செய்யனும் குமாரு, வேதாளம் உள்ளிட்ட படங்களில் நடித்த வித்யுலேகா ராமன். சந்தானம், சூரி என பலருடன் சேர்ந்து காமெடியில் கலக்கியுள்ளார். பப்ளியான லுக்கில் தனது காமெடியால் பலரையும் வெகுவாக ஈர்த்தது. இவர் கடந்த 2018 ஆம் ஆண்டு வெளியான பஞ்சு மிட்டாய் என்ற படத்தில் நடித்திருந்தார். அதன் பின்னர் தமிழில் நடிக்கவில்லை, ஆனால் தெலுங்கில் பிசியாக நடித்து வருகிறார். 

இந்நிலையில் வித்யுலேகா ராமன், கடந்த வருடம் ஃபிட்னெஸ் மற்றும் ஊட்டச்சத்து நிபுணர் சஞ்சய் என்பவரை காதலித்து வருவதாகவும், அவருடன் நடந்த நிச்சயதார்த்த புகைப்படங்களையும் பகிர்ந்து ரசிகர்களுக்கு இன்ப அதிர்ச்சி கொடுத்தார். 

இவர்களுக்கு விரைவில் திருமணம் நடைபெற உள்ள நிலையில், தன்னுடைய தோழிகளுடன்... பேச்சிலர் பார்ட்டியை கூட வித்யுலேகா கொண்டாடி மகிழ்ந்தார்.

இந்த புகைப்படங்களும் சோசியல் மீடியாவில் வைரலாகியது, ஆனால் எப்போது திருமணம் என்பது குறித்த தகவலை மற்றும் தொடர்ந்து அவர் வெளியிடாமல் இருந்த நிலையில் தற்போது இவரது திருமண புகைப்படம் சோசியல் மீடியாவில் வைரலாகி வருகிறது. 

இதைத்தொடர்ந்து ரசிகர்கள் பலரும், வித்யுலேகா ராமன் மற்றும் சஞ்சய் ஆகியோருக்கு தங்களது வாழ்த்துக்களை தெரிவித்து வருகிறார்கள்.