பிரபல ஒளிப்பதிவாளர் ரவி கே சந்திரனின் மகன் சந்தன கிருஷ்ணனின் திருமணத்தில் ஏராளமான திரையுலக பிரபலங்கள் கலந்துகொண்டு மணமக்களை வாழ்த்தினர்.
விஜயகாந்த் நடித்த ஹானஸ்ட் ராஜ் திரைப்படத்தின் மூலம் தமிழ் திரையுலகில் ஒளிப்பதிவாளராக அறிமுகமானவர் ரவி கே சந்திரன். அதன்பின் ராஜீவ் மேனன், ஷங்கர், ஏ.ஆர்.முருகதாஸ், மணிரத்னம் போன்ற முன்னணி இயக்குனர்களின் படங்களுக்கு ஒளிப்பதிவு செய்து பிரபலமானார். இவரது மகன் சந்தன கிருஷ்ணனின் திருமணம் இன்று நடைபெற்றது. இதில் ஏராளமான திரையுலக பிரபலங்கள் கலந்துகொண்டு வாழ்த்தினர்.
ராஜீவ் மேனன் இயக்கிய மின்சார கனவு மற்றும் கண்டுகொண்டேன் கண்டுகொண்டேன் ஆகிய திரைப்படங்களுக்கு ஒளிப்பதிவு செய்தவர் ரவி கே சந்திரன் தான். ராஜீவ் மேனன் சந்தன கிருஷ்ணன் திருமணத்தில் கலந்துகொண்டபோது எடுத்த புகைப்படம் தான் இது.
அதேபோல் ஷங்கர் இயக்கத்தில் 2003-ம் ஆண்டு வெளிவந்த பாய்ஸ் படத்திற்கும் ரவி கே சந்திரன் தான் ஒளிப்பதிவு செய்திருந்தார். அப்போது ஏற்பட்ட நட்பின் காரணமாக இயக்குனர் ஷங்கரும் திருமணத்தில் கலந்துகொண்டார்.
இயக்குனர் மணிரத்னம் தனது மனைவி சுகாசினி உடன் வந்து ரவி கே சந்திரன் மகன் திருமணத்தில் கலந்துகொண்டனர். மணிரத்னம் இயக்கிய ஆயுத எழுத்து, கன்னத்தில் முத்தமிட்டால் ஆகிய படங்களுக்கு ஒளிப்பதிவு செய்தது ரவி கே சந்திரன் தான்.
இயக்குனர் ஏ.ஆர்.முருகதாஸ் நேரில் வந்து மணமக்களை வாழ்த்தினார். ஏ.ஆர்.முருகதாஸ் இயக்கிய ஏழாம் அறிவு மற்றும் இந்தியில் அமீர்கானை வைத்து அவர் இயக்கிய கஜினி ஆகிய படங்களுக்கு ரவி கே சந்திரன் தான் ஒளிப்பதிவு செய்திருந்தார்.
நடிகர் ஜீவாவும் ரவி கே சந்திரன் மகன் திருமணத்தில் தன் மனைவியுடன் வந்து கலந்துகொண்டார். தமிழில் ரவி கே சந்திரன் இயக்கிய ஒரே திரைப்படமான யான் படத்தில் ஜீவா தான் நாயகனாக நடித்திருந்தார்.
இதையும் படியுங்கள்... என் அம்மா முன்னாடியே அட்ஜஸ்ட்மென்ட் பற்றி அசிங்கமா கேட்டாங்க! குமுறும் ஜீ தமிழ் சீரியல் ஹீரோயின் ஸ்வாதி ஷர்மா!
நடிகர் கார்த்தி இந்த திருமண விழாவில் கலந்துகொண்டு வாழ்த்தினர். ரவி கே சந்திரன் ஒளிப்பதிவாளராக பணியாற்றிய ஆயுத எழுத்து திரைப்படத்தில் கார்த்தி உதவி இயக்குனராக பணியாற்றினார்.
மலையாள இயக்குனர் பிரியதர்ஷனும் ரவி கே சந்திரனும் நெருங்கிய நண்பர்கள் ஆவர். அவர் தன் மகளும் நடிகையுமான கல்யாணி பிரியதர்ஷன் உடன் வந்து இந்த திருமணத்தில் கலந்துகொண்டார்.
ரவி கே சந்திரனிடம் உதவி ஒளிப்பதிவாளராக பணியாற்றி தற்போது இந்திய சினிமாவில் முன்னணி ஒளிப்பதிவாளராக உயர்ந்திருக்கும் ரவி வர்மனும் சந்தன கிருஷ்ணனின் திருமணத்தில் கலந்து கொண்டார்.
தயாரிப்பாளர்கள் கலைப்புலி தாணு, சத்யஜோதி பிலிம்ஸ் தியாகராஜன் மற்றும் நடிகர் சிவகுமார் ஆகியோரும் ரவி கே சந்திரன் மகனின் திருமணத்தில் கலந்துகொண்டனர்.
இதையும் படியுங்கள்... அஜித்தின் மச்சினிச்சியா இது? இணையத்தை கலக்கும் ஷாமிலியின் செம்ம ஹாட் போட்டோஸ்
சேனலை கிளிக் செய்து பின்தொடரவும்