தனுஷுடன் நடிக்கும் மெகா சான்ஸ்.. கடைசி நேரத்தில் சைத்ரா ஆச்சாருக்கு நேர்ந்த ஏமாற்றம்! காரணம் இதுதானா?

Chaithra J Achar Missed Dhanush Kara Movie: தனுஷின் கரா படத்தில் நடிக்கும் வாய்ப்பு கிடைத்தும் சைத்ரா ஜே ஆச்சரால் நடிக்க முடியாமல் போனதற்கு என்ன காரணம் என்பது பற்றி பார்க்கலாம்.

சைத்ரா ஜே. ஆச்சார்

கன்னடத் திரையுலகின் தற்போதைய 'சென்சேஷன்' சைத்ரா ஜே. ஆச்சார். 'சப்த சாகரதாச்சே எல்லோ' திரைப்படத்தில் 'சுரபி' என்ற கதாபாத்திரத்தில் எதார்த்தமான நடிப்பை வெளிப்படுத்தி, ரசிகர்களின் மனதை ஒட்டுமொத்தமாகக் கொள்ளையடித்தவர். தற்போது கன்னடம் மட்டுமின்றி, பிற மொழித் திரைப்படங்களிலும் தடம் பதிக்கத் தயாராகி வரும் வேளையில், அவருக்கு ஒரு துரதிர்ஷ்டவசமான சம்பவம் நேர்ந்துள்ளது.

தனுஷ் 'கரா' திரைப்படம்

தேசிய விருது வென்ற தனுஷ் படத்தில் நடிக்கும் வாய்ப்பு என்பது தென்னிந்திய நடிகைகள் பலருக்கும் ஒரு கனவு. அந்த வகையில், சைத்ரா ஜே. ஆச்சாருக்கு தனுஷுக்கு ஜோடியாக நடிக்கும் ஒரு 'பம்பர் ஆஃபர்' கிடைத்து, பின்னர் அது கைநழுவிப்போன தகவல் தற்போது வைரலாகி வருகிறது.

இயக்குநர் விக்னேஷ் ராஜா

'போர் தொழில்' எனும் பிளாக்பஸ்டர் ஹிட் த்ரில்லரை இயக்கிய விக்னேஷ் ராஜா, தற்போது தனுஷை வைத்து 'கரா' (Kara) என்ற திரைப்படத்தை இயக்கி வருகிறார். இந்தப் படத்திற்காகத்தான் சைத்ரா ஆச்சாருக்கு அந்தப் பெரிய வாய்ப்பு தேடி வந்தது. ஷூட்டிங் வரை சென்ற அந்தப் பொன்னான வாய்ப்பு கடைசி நேரத்தில் அவரை விட்டுச் சென்றது. சைத்ராவின் திறமைக்குத் தனுஷுடன் அவர் ஜோடி சேர்ந்திருந்தால், அது கோலிவுட்டில் ஒரு பெரிய தாக்கத்தை ஏற்படுத்தியிருக்கும் என்பதில் சந்தேகமில்லை

மமிதா பைஜூ

சைத்ரா ஆச்சார், சீனியர் நடிகர் சசிகுமார் நடித்துள்ள 'மை லார்ட்' படத்தில் நாயகியாக நடித்துள்ளார். தற்செயலாக, 'மை லார்ட்' படத்தில் சைத்ராவின் தோற்றம் (Look) எப்படி இருந்ததோ, அதே போன்ற ஒரு கெட்டப்பைத்தான் 'கரா' படத்திற்காகவும் இயக்குனர் விக்னேஷ் ராஜா திட்டமிட்டிருந்தார். ஒரு நடிகையைத் தமிழ் ரசிகர்களுக்கு அறிமுகப்படுத்தும் போது, அவர் முற்றிலும் புதிய பரிமாணத்தில் தெரிய வேண்டும் என்று விக்னேஷ் ராஜா விரும்பினார். ஏற்கனவே ஒரு படத்தில் பார்த்த அதே தோற்றத்தில் சைத்ரா மீண்டும் தனுஷ் படத்தில் தோன்றினால், ரசிகர்களுக்கு அந்த 'புதுமை' (Freshness) இருக்காது என்று அவர் கருதினார்.

சப்த சாகரதாச்சே எல்லோ

சைத்ரா ஆச்சார் வெளியேறிய அந்தப் பெரிய இடத்திற்குள் தற்போது நுழைந்திருப்பவர், தென்னிந்தியாவின் தற்போதைய 'கிரஷ்' மமிதா பைஜூ! 'பிரேமலு' திரைப்படத்தின் பிரம்மாண்ட வெற்றிக்குப் பிறகு, மமிதா இந்தப் படத்தில் இணைந்திருப்பது எதிர்பார்ப்பை எகிற வைத்துள்ளது. பிரேமலு' போன்ற படங்களில் துறுதுறுப்பான, கலகலப்பான கதாபாத்திரங்களில் நடித்து ரசிகர்களைக் கவர்ந்தவர் மமிதா. ஆனால், விக்னேஷ் ராஜாவின் 'கரா' ஒரு சீரியஸான ஆக்‌ஷன் த்ரில்லர் கதை.

மை லார்ட் திரைப்படம்

மமிதா வழக்கமாகச் செய்யும் ஜாலியான கதாபாத்திரங்களிலிருந்து இது முற்றிலும் மாறுபட்டது என்பதால், இந்தத் த்ரில்லர் கதைக்கு அவர் சம்மதிப்பாரா? என்ற சந்தேகம் இயக்குநர் விக்னேஷ் ராஜாவுக்கு ஆரம்பத்தில் இருந்துள்ளது. ஆனால், கதையைக் கேட்ட அடுத்த நிமிடமே அதன் அழுத்தத்தைப் புரிந்து கொண்ட மமிதா, தயக்கமே இன்றி 'கிரீன் சிக்னல்' கொடுத்துவிட்டாராம். தனுஷ் மற்றும் மமிதா காம்பினேஷனில் உருவாகியுள்ள கரா வரும் ஏப்ரல் 30ஆம் தேதி திரைக்கு வர இருக்கிறது. இந்தப் படத்தில் தனுஷ் உடன் இணைந்து ஜெயராம், கருணாஸ், லால், சூர்ஜ் வெஞ்சரமூடு ஆகியோர் பலரும் நடித்துள்ளனர். ஜிவி பிரகாஷ் இந்தப் படத்திற்கு இசையமைத்துள்ளார்.