பொங்கல் ரேஸில் முதல் ஆளாக குதித்த வணங்கான் - போட்டிக்கு வரப்போவது யார்; யார்?

பாலா இயக்கத்தில் அருண் விஜய் ஹீரோவாக நடித்துள்ள வணங்கான் திரைப்படத்தின் அதிகாரப்பூர்வ ரிலீஸ் தேதியை படக்குழு அறிவித்து உள்ளது.

Vanangaan Arun Vijay

தமிழ் திரையுலகில் வித்தியாசமான கதையம்சம் கொண்ட படங்களை இயக்குபவர் பாலா. விக்ரம் நடித்த சேது படம் மூலம் இயக்குனராக அறிமுகமான பாலா, அடுத்தடுத்து நந்தா, பிதாமகன், நான் கடவுள், அவன் இவன் என தொடர்ந்து பல்வேறு மாஸ்டர் பீஸ் படங்களை கொடுத்து தமிழ் சினிமாவின் தவிர்க்க முடியாத இயக்குனராக உருவெடுத்தார். இருப்பினும் கடந்த சில ஆண்டுகளாக இவர் இயக்கத்தில் ஒரு படம் கூட ரிலீஸ் ஆகாமல் இருந்த நிலையில், கடந்த 2021ம் வணங்கான் படத்தை அறிவித்தார்.

vanangaan first look

வணங்கான் படத்தில் சூர்யா நாயகான நடிக்க உள்ளதாக அறிவிப்பு வெளியாகி அப்படத்தின் ஷூட்டிங்கும் ஒரு மாதம் கன்னியாகுமரியில் நடைபெற்றது. அதன் பின் அப்படத்தின் கதையில் திருப்தி அளிக்காததால் நடிகர் சூர்யா விலகிவிட்டார். சூர்யாவின் கைவிட்ட வணங்கான் படத்தை கையிலெடுத்த பாலா, அப்படத்தை சுரேஷ் காமாட்சி உடன் சேர்ந்து தானே தயாரிக்க உள்ளதாக அறிவித்ததோடு அதில் அருண் விஜயை ஹீரோவாக நடிக்க வைத்தார்.

இதையும் படியுங்கள்... காத்துவாங்கும் கங்குவா; அதற்குள் 600 கோடி பட்ஜெட்டில் அடுத்த வரலாற்று படத்துக்கு ரெடியாகும் சூர்யா?

Vanangaan

அருண் விஜய் நடிப்பில் வணங்கான் திரைப்படம் தற்போது முழுவதுமாக முடிந்து ரிலீசுக்கும் தயாராகி வருகிறது. இந்நிலையில் வணங்கான் படத்தின் அதிகாரப்பூர்வ ரிலீஸ் தேதியை படக்குழு அறிவித்துள்ளது. அதன்படி வருகிற 2025-ம் ஆண்டு பொங்கல் பண்டிகைக்கு வணங்கான் திரைப்படம் ரிலீஸ் ஆகும் என அறிவித்துள்ளனர். இதுவரை எந்த தமிழ்படமும் பொங்கல் ரேஸில் களமிறங்காத நிலையில், முதல் ஆளாக வணங்கான் படம் களமிறங்கி இருக்கிறது.

Vanangaan Pongal Release

வணங்கான் படத்துக்கு போட்டியாக பொங்கலுக்கு சில படங்கள் விரைவில் களமிறங்க உள்ளன. அதன்படி நடிகர் அஜித் நடிப்பில் உருவாகி இருக்கும் விடாமுயற்சி திரைப்படம் பொங்கல் பண்டிகைக்கு தான் ரிலீஸ் ஆக உள்ளது. இதுதவிர ஷங்கர் இயக்கத்தில் ராம்சரண் நடித்துள்ள கேம் சேஞ்சர் படமும் பொங்கல் பண்டிகைக்கு தான் திரைக்கு வர உள்ளது. இதுதவிர மேலும் சில படங்களும் பொங்கள் ரேஸில் இணைய வாய்ப்பு இருப்பதாக கூறப்படுகிறது.

இதையும் படியுங்கள்... 'கங்குவா' படத்தில் சூர்யாவுடன் நடித்துள்ள எதிர்நீச்சல் சீரியல் நடிகை? வைரலாகும் புகைப்படம்!