ரீ-ரிலீஸ் படங்களில் அதிக வசூல் செய்த தென்னிந்திய படமாக கில்லி இருந்து வந்த நிலையில், அந்த சாதனையை ராஜமெளலியின் பாகுபலி தி எபிக் ஐந்தே நாளில் முறியடித்து உள்ளது.
தென்னிந்தியாவின் ரெபெல் ஸ்டார் பிரபாஸின் 'பாகுபலி தி எபிக்' சமீபத்தில் மீண்டும் வெளியிடப்பட்டது. இந்த படத்தை திரையரங்குகளில் காண ரசிகர்கள் மத்தியில் மீண்டும் ஆர்வம் ஏற்பட்டுள்ளது. இயக்குநர் எஸ்.எஸ்.ராஜமௌலி தனது இரண்டு படங்களான 'பாகுபலி தி கன்க்ளூஷன்' மற்றும் 'பாகுபலி தி பிகினிங்' ஆகியவற்றை இணைத்து 'பாகுபலி தி எபிக்' என்ற ஒரே படமாக உருவாக்கியுள்ளார். இந்த படத்தின் 5வது நாள் வசூல் விபரம் வெளியாகியுள்ளது. அதன்படி இப்படம் ஐந்தாவது நாளில் ரூ.1.50 கோடி வசூல் செய்துள்ளது.
24
'பாகுபலி தி எபிக்' வசூல் எவ்வளவு?
'பாகுபலி தி எபிக்' படத்தின் பிரீமியர் காட்சி வியாழக்கிழமை நடைபெற்றது. இப்படம் முதல் நாளான வெள்ளிக்கிழமை ரூ.9.65 கோடி வசூலித்தது. இரண்டாம் நாள் ரூ.7.25 கோடியும், மூன்றாம் நாள் ரூ.6.3 கோடியும் வசூலித்தது. வேலை நாட்களில் இதன் வசூல் கணிசமாக குறைந்துள்ளது. நான்காவது நாளில் ரூ.1.75 கோடியும், ஐந்தாவது நாளில் ரூ.1.50 கோடியும் வசூலித்துள்ளது. இப்படம் இந்திய பாக்ஸ் ஆபிஸில் இதுவரை ரூ.27.60 கோடி வசூலித்துள்ளது. உலகளாவிய வசூலைப் பொறுத்தவரை, இது ரூ.41.85 கோடி ஈட்டியுள்ளது.
34
கில்லி சாதனை முறியடிப்பு
படத்தின் மீதான ஆர்வத்தைப் பார்க்கும்போது, வரும் நாட்களில் வசூல் வேகம் எடுக்கலாம் என்று கூறப்படுகிறது. படத்தின் வசூல் குறைந்திருந்தாலும், பல படங்களை இது முந்தியுள்ளது. குறிப்பாக தென்னிந்தியாவில் அதிக ரீ-ரிலீஸ் செய்த படம் என்கிற பெருமையை கடந்த ஆண்டு வெளியான விஜய்யின் கில்லி படம் தக்க வைத்து இருந்தது. அப்படம் ஒட்டுமொத்தமாக ரூ.33.55 கோடி வசூலித்து இருந்தது. அந்த சாதனையை பாகுபலி தி எபிக் முறியடித்து உள்ளது. இப்படத்தில் பிரபாஸுடன் ராணா டகுபதி, அனுஷ்கா ஷெட்டி, தமன்னா பாட்டியா, ரம்யா கிருஷ்ணன், சத்யராஜ், நாசர் ஆகியோர் நடித்துள்ளனர்.
'பாகுபலி தி எபிக்' என்பது 'பாகுபலி: தி பிகினிங்' (2015) மற்றும் 'பாகுபலி 2: தி கன்க்ளூஷன்' (2017) ஆகிய இரண்டு பாகுபலி படங்களின் ஒருங்கிணைந்த பதிப்பாகும். மொத்தத்தில் 5 மணி நேரத்திற்கும் மேலாக இருந்த இந்த படத்தின் நீளம், 3 மணி 44 நிமிடங்களாக குறைக்கப்பட்டுள்ளது. ரீமாஸ்டரிங் செயல்பாட்டின் போது, படத்தின் காட்சிகள் மற்றும் ஒலித்தரம் மேம்படுத்தப்பட்டு, சில பகுதிகள் திருத்தப்பட்டுள்ளன. 2015ல் வெளியான 'பாகுபலி: தி பிகினிங்' ரூ.180 கோடி பட்ஜெட்டில் தயாரிக்கப்பட்டு, ரூ.650.12 கோடி வசூலித்தது. பின்னர் 2017ல் வந்த 'பாகுபலி 2: தி கன்க்ளூஷன்' ரூ.250 கோடி பட்ஜெட்டில் தயாரிக்கப்பட்டு, ரூ.1810.60 கோடி வசூலித்தது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
