cannes 2022 : கேன்ஸ் பட விழாவில் நடிகையின் ஆடை திடீரென கழன்று விழுந்ததால் பரபரப்பு - தீயாய் பரவும் போட்டோஸ்

cannes 2022 : பிரான்ஸில் நடைபெற்று வரும் கேன்ஸ் திரைப்பட விழாவின் சிவப்பு கம்பள வரவேற்பில் நடந்து வந்த நடிகையின் ஆடை திடீரென கழன்று விழுந்ததால் பரபரப்பு நிலவியது.

உலகப்புகழ் பெற்ற கேன்ஸ் திரைப்பட விழா பிரான்ஸில் நடைபெற்று வருகிறது. கடந்த மே 17-ந் தேதி தொடங்கிய இவ்விழா மே 28-ந் தேதி வரை நடைபெற உள்ளது. இந்த விழாவில் சிவப்பு கம்பள வரவேற்பில் பங்கேற்பதை நடிகர், நடிகைகள் கவுரமாக கருதுவர். அந்த வகையில் இந்த ஆண்டு நடைபெற்று வரும் கேன்ஸ் திரைப்பட விழாவில் ஏராளமான பிரபலங்கள் கலந்துகொண்டுள்ளனர்.

இந்தியா சார்பில் நடிகைகள் தமன்னா, பூஜா ஹெக்டே, ஐஸ்வர்யா ராய் ஆகியோர் பங்கேற்றனர். அதேபோல் நடிகர்கள் மாதவன், கமல்ஹாசன், நவாசுதீன் சித்திக் ஆகியோரும் இந்தாண்டு கேன்ஸ் விழாவில் கலந்துகொண்டு சிறப்பித்தனர். அவர்கள் விதவிதமான உடையில் சிவப்பு கம்பள வரவேற்பில் நடந்து வந்த புகைப்படங்கள் வெளியாகி வைரலாகின.

இந்நிலையில், அமெரிக்காவை சேர்ந்த ஷேரோன் ஸ்டோன் என்கிற நடிகை சிவப்பு கம்பள வரவேற்பில் பிரத்யேகமாக வடிவமைக்கப்பட்ட விலையுயர்ந்த மாடர்ன் உடை ஒன்றை அணிந்து வந்திருந்தார். அப்போது அவர் நடந்து வந்து ரசிகர்களை பார்த்து கையசைத்துக் கொண்டிருந்த வேலையில் அந்த உடையின் ஒரு பகுதி தனியாக கழன்று விழுந்தது.

இதையடுத்து அவரது உதவியாளர்கள் உடனடியாக வந்து கழன்று விழுந்த ஆடையை சரிசெய்தனர். இச்சம்பவம் பரபரப்பை ஏற்படுத்தியது. அப்போது எடுத்த புகைப்படங்கள் சமூக வலைதளங்களில் வெளியாகி வைரலாகி வருகின்றன.

இதையும் படியுங்கள்...  நடிகை பிரியங்கா மோகனை கவர்ச்சியாக போட்டோஷூட் எடுத்தது இந்த நடிகர் தானா... வீடியோ பார்த்து ஷாக் ஆன ரசிகர்கள்