Pushpa Movie Review: புஷ்பா படம் எப்படி இருக்கு? அரேபிய சினிமா விமர்சகரின் முதல் விமர்சனம்! வைரலாகும் பதிவு!

தெலுங்கு திரையுலகின் முன்னணி நடிகரான அல்லு அர்ஜுன் (Allu Arjun) நடிப்பில், நாளை உலகம் முழுவதும் வெளியாகவுள்ள 'புஷ்பா' படத்தை (Pushpa movie) பார்த்து விட்டு அரேபியா நாட்டை சேர்ந்த திரைப்பட விமர்சகரும் ஓவர்சீஸ் சென்சார் ஆணையத்தின் உறுப்பினருமான உமையர் சந்து போட்டுள்ள பதிவு தற்போது வைரலாகி வருகிறது.  

ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ள திரைப்படங்களில் ஒன்று அல்லு அர்ஜுன் - ராஷ்மிகா நடிப்பில் நாளை வெளியாக உள்ள 'புஷ்பா'  திரைப்படம்.

இந்த படத்தை பிரபல தெலுங்கு இயக்குனர் சுகுமார் (Director Sukumar) இயக்கி உள்ளார். இரண்டு பாகங்களாக... மிகப்பெரிய பொருட்செலவில் இப்படம் முழுக்க முழுக்க செம்மரக்கடத்தலை மையமாக வைத்தும்...  அவர்களுடைய வாழ்க்கையை எடுத்துக் கூறும் வகையிலும் எடுக்கப்பட்டுள்ளது.  

இப்படத்தில் அல்லு அர்ஜுன் லாரி டிரைவராகவும், மரம் கடத்துபவராகவும் இதுவரை நடித்திராத வித்தியாசமான கதாபாத்திரத்தில் நடித்துள்ளார். நடிகை ராஷ்மிகாவும் ஸ்ரீ வள்ளி என்கிற கதாபாத்திரத்தில் கிராமத்து பெண்ணாக இறங்கி நடித்துள்ளார். கவர்ச்சிக்கு குறை வைக்காமல் நடித்துள்ளார் என்பது இந்த படத்தில் இருந்து வெளியான புகைப்படங்கள் மற்றும் லிரிக்கல் பாடல்கள் மூலமே தெரிந்தது.

பிரபல மலையாள நடிகர் ஃபஹத் பாசில் மிரட்டல் வில்லனாக போலீஸ் அதிகாரி வேடத்தில் நடித்துள்ளார். இதுதவிர ஜெகபதி பாபு, பிரகாஷ்ராஜ், ஹரிஷ் உத்தமன், கிஷோர் உள்ளிட்ட பலர் முக்கிய கதாபாத்திரங்களில் நடித்துள்ளனர். தமிழ், தெலுங்கு, மலையாளம், கன்னடம், இந்தி என மொத்தம் ஐந்து மொழிகளில் இப்படம் நாளை பிரமாண்டமாக வெளியாக உள்ளது.

மிகப்பெரிய எதிர்பார்ப்புகளுக்கு மத்தியில் வெளியாக உள்ள இந்த படத்தில் இருந்து, இதுவரை வெளியான அனைத்து பாடல்களுக்கும் வேற லெவலுக்கு ரசிகர்கள் மத்தியில் வரவேற்பு கிடைத்தது. குறிப்பாக சமீபத்தில் சமந்தா ஆடிய ஐட்டம் பாடலான 'ஓ சொல்றியா மாமா' பாடல் சில விமர்சனங்களை பெற்றாலும், ரசிக்க வைத்துள்ளது.

இந்த படத்தை பார்க்க அல்லு அர்ஜுன் ரசிகர்கள் வெறித்தனமாக காத்திருக்கும் நிலையில், தற்போது இப்படத்தின் முதல் விமர்சனம் அரேபியாவில் இருந்து கிடைத்துளளது.

அரேபியா நாட்டை சேர்ந்த, திரைப்பட விமர்சகரும் ஓவர்சீஸ் சென்சார் ஆணையத்தின் உறுப்பினருமான உமையர் சந்து அரேபியாவில் புஷ்பா படத்தை பார்த்து தனது ட்விட்டர் பக்கத்தில் இப்படம் குறித்த விமர்சனந்த்தை பதவித்துள்ளார்.

இவர் ஏற்கனவே... புஷ்பா படத்தை ஃபர்ஸ்ட் ஆஃபை பார்த்து விட்டதாகவும், படம் வேற லெவலில் இருப்பதாகவும், இன்னும் சிறிது நேரத்தில் சென்சார் போர்டுடன் இணைந்து முழுபடத்தை பார்த்து முழு விமர்சனத்தையும் வெளியிடுகிறேன்” என்று கூறிய நிலையில், தற்போது முழு படத்தை பற்றிய கருத்தையும் தெரிவித்துள்ளார்.

இதுகுறித்து அவர் போட்டுள்ள புதிய பதிவில், 'புஷ்பா படத்தில் அல்லு அருஜுன் நடிப்பு வேற லெவலில் இருப்பதாகவும், மிகவும் விறுவிறுப்பான கதை களம், மாஸ் ஆக்ஷன் காட்சிகள், சமந்தாவின் ஐட்டம் பாடல், என அனைத்தும் அருமையாக இருப்பதாக கூறி நான்கு ஸ்டார் இப்படத்திற்கு கொடுத்துள்ளார். இவரது இந்த விமர்சனம் இப்படத்தை பார்க்க வேண்டும் என்கிற எதிர்ப்பார்ப்பை மேலும் அதிகரிக்க செய்துள்ளது.