காஸ்ட்லி கிஃப்ட் கொடுத்து ஷாலினியின் பிறந்தநாளை ஸ்பெஷலாக்கிய அஜித்!
First Published | Nov 21, 2024, 7:53 AM ISTநடிகை ஷாலினி நேற்று தனது 44வது பிறந்தநாளை கொண்டாடிய நிலையில், அவருக்கு அஜித்குமார் காஸ்ட்லி கிஃப்ட் ஒன்றை கொடுத்து இருக்கிறார்.
☰
Shalini Ajith
தமிழ் திரையுலகில் தோல்வியே சந்திக்காத நடிகை என்றால் அது ஷாலினி தான். இவர் தமிழில் நடித்தது வெறும் 5 படங்கள் தான். அந்த 5 படங்களுமே வெற்றிப்படங்களாக அமைந்ததால், ஜீரோ பிளாப் நாயகியாக வலம் வருகிறார் ஷாலினி. அதுமட்டுமின்றி 5 படங்களில் தொடர் வெற்றியை கொடுத்த ஷாலினி, முன்னணி நாயகியாக இருக்கும்போதே நடிகர் அஜித்குமாரை காதலித்து திருமணம் செய்துகொண்டு, சினிமாவை விட்டு ஒட்டுமொத்தமாக விலகினார்.
Ajith Wife Shalini
கடந்த 22 ஆண்டுகளாக ஷாலினி ஒரு படத்தில் கூட தலைகாட்டவில்லை. இருந்தாலும் அவரின் படங்கள் இன்றளவும் மக்கள் மனதில் நீங்கா இடம் பிடித்து உள்ளன. அந்த அளவுக்கு குறுகிய காலத்திலேயே மிகப்பெரிய தாக்கத்தை ஏற்படுத்தி இருந்தார் ஷாலினி. பின்னர் நடிகர் அஜித்துடன் அமர்க்களம் படத்தில் நடித்தபோது அவர் மீது காதல் வயப்பட்ட ஷாலினி, கடந்த 2000-ம் ஆண்டு அவரை குடும்பத்தினர் சம்மதத்துடன் கரம்பிடித்தார். இந்த ஜோடிக்கு அனோஷ்கா என்கிற மகளும், ஆத்விக் என்கிற மகனும் உள்ளனர்.
இதையும் படியுங்கள்... கோலிவுட் ‘லவ் பேர்ட்ஸ்’ அஜித் - ஷாலினி ஜோடியின் வயது வித்தியாசம் தெரிஞ்சா ஷாக் ஆகிடுவீங்க!
Latest Videos
Shalini Ajith Kumar
அஜித் - ஷாலினி ஜோடிக்கு திருமணமாகி கிட்டத்தட்ட 25 ஆண்டுகள் ஆனாலும் அவர்கள் இன்றளவும் அதே காதலோடு தான் இருக்கின்றனர். இதனிடையே நடிகை ஷாலினி நேற்று தனது 44-வது பிறந்தநாளை கொண்டாடினார். அவருக்கு சமூக வலைதளங்கள் வாயிலாக ரசிகர்களும், திரையுலக பிரபலங்களும் வாழ்த்துக்களை தெரிவித்து வந்தனர். இந்த நிலையில், நடிகை ஷாலினியின் பிறந்தநாள் கொண்டாட்ட புகைப்படங்கள் இணையத்தில் படு வைரலாகி வருகிறது.
Ajith gifted Car For Shalini Birthday
அதன்படி ஷாலினி தன்னுடைய பிறந்தநாளை தனது தங்கை ஷாமிலி, தம்பி ரிச்சர்டு, மகன் ஆத்விக் மற்றும் மகள் அனோஷ்கா ஆகியோருடன் கொண்டாடி உள்ளார். நடிகர் அஜித் வெளிநாட்டில் இருப்பதால் அவரால் ஷாலினியின் பிறந்தநாள் கொண்டாட்டத்தில் கலந்துகொள்ள முடியவில்லை. இருந்தாலும் தன் மனைவிக்கு சர்ப்ரைஸாக ஒரு காஸ்ட்லி கிஃப்ட் ஒன்றை கொடுத்திருக்கிறார் அஜித். அது வேறெதுவுமில்லை தனக்கு பிடித்த லெக்சஸ் காரை மனைவி ஷாலினிக்கு பரிசாக கொடுத்துள்ளார் அஜித்.
Shalini Birthday Celebration
கணவர் கொடுத்த காஸ்ட்லி கிஃப்டை தொடர்ந்து ஷாலினியின் பிறந்தநாளுக்கு அவரது மகன், மகள், தங்கை, தம்பி ஆகியோர் சேர்ந்து கேக் வெட்டி உள்ளனர். அதுவும் ஒன்றல்ல ஆளுக்கு தலா ஒரு கேக் வீதம் மொத்தம் நான்கு விதமான கேக்குகளை வெட்டி பிறந்தநாளை கொண்டாடி உள்ளார் ஷாலினி. அப்போது எடுக்கப்பட்ட புகைப்படம் இணையத்தில் படு வைரல் ஆகி வருகிறது.
இதையும் படியுங்கள்... நயன்தாராவின் காதல் கல்யாண காட்சிக்கு நெட்பிளிக்ஸ் எத்தனை கோடி கொடுத்துருக்கு தெரியுமா?
சேனலை கிளிக் செய்து பின்தொடரவும்click me!