தல அஜித் (Ajith) இந்த வருட தீபாவளியை தன்னுடைய குடும்பத்துடன் கொண்டாடி மகிழ்ந்த நிலையில், தற்போது இவர் ரசிகர் ஒருவருடன் வேஷ்டி சட்டையில் எடுத்து கொண்ட புகைப்படம் சமூக வலைத்தளத்தில் தாறுமாறாக வைரலாகி வருகிறது.
தல அஜித்துக்கு கோலிவுட் திரையுலகில் எவ்வளவு வெறித்தனமான ரசிகர்கள் உள்ளனர் என்பது, அனைவருமே அறிந்தது தான். இவரது லேட்டஸ்ட் புகைப்படம் வெளியானால் முதலில் அதனை வைரலாக்கி விட்டு தான் தல ரசிகர்களுக்கு அடுத்த வேலை.
அதிலும் தீபாவளி திருநாளில் அஜித் தன்னுடைய காதல் மனைவி ஷாலினியுடன் எடுத்து கொண்ட புகைப்படம் வெளியானால் சும்மா விடுவார்களா? வேற லெவலுக்கு இந்த புகைப்படத்தை ட்ரெண்ட் செய்து வருகிறார்கள்.
இந்த வருட தீபாவளியை, தமிழர்களின் பாரம்பரிய உடையான... சிவப்பு நிற சட்டை மற்றும் வேஷ்டி அணிந்து தல கொண்டாடியுள்ளார். அதே போல்... அவரது மனைவி ஷாலினி மஞ்சள் நிற சல்வாரில் ஜொலிக்கிறார். தற்போது இவர்கள் இருவரும் தீபாவளி அன்று ரசிகர் ஒருவரின் ஆசையை நிறைவேற்றும் விதமாக எடுத்து கொண்ட புகைப்படம் தான் சமூக வலைத்தளத்தில் இன்று ஹை லைட்டாக பார்க்கப்பட்டு வருகிறது.
அஜித் தாப்ரோது இயக்குனர் எச்.வினோத் இயக்கத்தில், 'நேர்கொண்ட பார்வை' தொடர்ந்து, இரண்டாவது முறையாக, மீண்டும் இயக்குனர் எச்.வினோத் இயக்கத்தில், போனி கபூர் தயாரிப்பில், 'வலிமை' படத்தில் நடித்து முடித்துள்ளார்.
இந்த படத்தின் இறுதிகட்ட படப்பிடிப்பு சமீபத்தில் ரஷ்யாவில் முடிவடைந்த நிலையில், இப்படத்தின் போஸ்ட் புரோடக்சன் பணிகள் தற்போது விறுவிறுப்பாக நடந்து வருகிறது.
தீபாவளியை முன்னிட்டு இப்படம் ரிலீசாகும் என ரசிகர்கள் பலரும் எதிர்பார்த்து காத்திருந்தனர். ஆனால் அடுத்த ஆண்டு பொங்கலுக்கு ரிலீஸ் செய்ய முடிவு செய்துள்ளதாக படக்குழு அதிகாரப்பூர்வமாக தகவலை வெளியிட்டுள்ளது.
கொரோனா பிரச்சினைகளுக்கு இடையிலும், சுமார் இரண்டு வருடங்களாக வலிமை படம் உருவாகி வந்த நிலையில், இந்த படம் குறித்து அடிக்கடி சில அப்டேட்டுகள் வெளியாகி ரசிகர்களை குஷி படுத்தி வருகிறது. குறிப்பாக சமீபத்தில் வெளியான முன்னோட்ட வீடியோ மிகப்பெரிய அளவில் ரசிகர்கள் மத்தியில் வரவேற்பை பெற்றது குறிப்பிடத்தக்கது.