இரவின் நிழல் வெற்றியால்.. அடுத்த படத்திற்காக மிகப்பெரிய ரிஸ்க் எடுக்க துணிந்த பார்த்திபன் - அது என்ன தெரியுமா?

R Parthiban : ஒத்த செருப்பு, இரவின் நிழல் என தொடர்ந்து வித்தியாசமான முயற்சிகளை மேற்கொண்டு வெற்றிகண்ட இயக்குனர் பார்த்திபனின் அடுத்த படம் குறித்த தகவல் வெளியாகி உள்ளது.

இயக்குனர் பாக்யராஜிடம் உதவி இயக்குனராக பணியாற்றி வந்த பார்த்திபன் கடந்த 1989-ம் ஆண்டு வெளிவந்த புதிய பாதை படம் மூலம் இயக்குனராக அறிமுகமானார். இதன்பின் வித்தியாசமான கதையம்சம் கொண்ட படங்களை அடுத்தடுத்து இயக்கி மக்கள் மனதில் இடம்பிடித்த இவர், சமீப காலமாக எடுக்கும் படங்களெல்லாம் உலகத்தரத்தில் இருக்கின்றன.

அந்த வகையில், கடந்த 2019-ம் ஆண்டு இவர் இயக்கத்தில் வெளியான ஒத்த செருப்பு திரைப்படம் உலக அளவில் கவனம் ஈர்த்தது. ஏனென்றால் இப்படத்தில் அவர் ஒருவர் மட்டுமே நடித்திருந்தார். இப்படத்திற்கு தேசிய விருதும் கிடைத்தது. தற்போது இப்படம் இந்தியில் ரீமேக் ஆகி உள்ளது. அதில் அபிஷேக் பச்சன் நடித்துள்ளார். விரைவில் ஹாலிவுட்டிலும் இப்படத்தை எடுக்க உள்ளார் பார்த்திபன்.

இதையும் படியுங்கள்... வெறித்தனமான ஒர்க் அவுட்... ஆளே அடையாளம் தெரியாமல் ஸ்லிம் பிட்டாக மாறிய விஜய் டிவி ஜாக்குலின்..!

ஒத்த செருப்பு படத்தை மிஞ்சும் வகையில் அவர் அடுத்ததாக எடுத்த படம் தான் இரவின் நிழல். இப்படத்தின் சிறப்பம்சம் என்னவென்றால் இது ஒரே ஷாட்டில் எடுக்கப்பட்ட நான் லீனியர் படமாகும். இப்படம் கடந்த வாரம் திரையரங்குகளில் வெளியாகி அமோக வரவேற்பை பெற்றுவருகிறது. தனது புது முயற்சிக்கு அடுத்தடுத்து வரவேற்பு கிடைத்ததால், தனது அடுத்த படத்திற்காக மிகப்பெரிய ரிஸ்க் எடுக்க உள்ளாராம் பார்த்திபன்.

அதன்படி பார்த்திபன் அடுத்ததாக இயக்க உள்ள படத்தில் மனிதர்கள் யாரும் நடிக்கப்போவதில்லையாம். முழுக்க முழுக்க விலங்குகளை மட்டுமே வைத்து ஒரு படத்தை எடுக்க அவர் திட்டமிட்டு உள்ளதாக கூறப்படுகிறது. ஹாலிவுட்டில் இந்த பாணியில் படங்கள் வந்திருந்தாலும், தமிழில் இதுவரை அத்தகைய படங்கள் எடுக்கப்பட வில்லை. அவரின் இந்த முயற்சிக்கும் வெற்றி கிடைக்குமா என்பதை பொருத்திருந்து தான் பார்க்க வேண்டும்.

இதையும் படியுங்கள்... அரை நிர்வாணமா நடிச்சதுக்கே திட்றாங்க.. இனி நிர்வாணமா நடிக்கவும் தயாரா இருக்கேன் - இரவின் நிழல் பட நடிகை தடாலடி