லோகேஷ் கனகராஜ் இயக்கத்தில் உருவாகும் லியோ படத்தில் விஜய்க்கு வில்லனாக நடிக்கும் மிஷ்கினுக்கு அடுத்தடுத்து பட வாய்ப்புகள் குவிந்து வருகிறதாம்.
சித்திரம் பேசுதடி படம் மூலம் இயக்குனராக அறிமுகமானவர் மிஷ்கின். இதையடுத்து அஞ்சாதே, யுத்தம் செய், நந்தலாலா, பிசாசு, துப்பறிவாளன் என அடுத்தடுத்து வித்தியாசமான கதையம்சம் கொண்ட படங்களை இயக்கி மக்கள் மத்தியில் பிரபலமானார் மிஷ்கின். இவர் இயக்கத்தில் தற்போது பிசாசு 2 திரைப்படம் தயாராகி உள்ளது. விஜய் சேதுபதி, ஆண்ட்ரியா நடிப்பில் உருவாகி இருக்கும் இப்படம் விரைவில் ரிலீசாக உள்ளது.
இந்நிலையில், தற்போது மிஷ்கின் இயக்குனராக மட்டுமின்றி நடிகராகவும் செம்ம பிஸியாகிவிட்டாராம். இவர் ஏற்கனவே நந்தலாலா, சவரக்கத்தி போன்ற படங்களில் நடித்துள்ள நிலையில், தற்போது வில்லன் வேடங்களில் நடிக்க அவருக்கு அதிகளவில் வாய்ப்புகள் குவிந்து வருகின்றன. அந்த வகையில், முதலாவதாக சிவகார்த்திகேயனின் மாவீரன் திரைப்படத்தில் வில்லனாக நடித்து வருகிறார். மண்டேலா படத்தின் இயக்குனர் மடோன் அஸ்வின் தான் இப்படத்தை இயக்குகிறார்.
இதையும் படியுங்கள்... டாப் கியரில் செல்லும் விஜய்... தடுமாறும் அஜித் - மற்றுமொரு இயக்குனரின் வருகையால் AK 62வில் நீடிக்கும் குழப்பம்
இதையடுத்து இந்த ஆண்டின் மிகவும் எதிர்பார்க்கப்படும் படங்களில் ஒன்றான தளபதி விஜய்யின் லியோ படத்திலும் நடிக்க கமிட் ஆகியுள்ளார் மிஷ்கின். லோகேஷ் கனகராஜ் இயக்கும் இப்படத்தில் விஜய்க்கு வில்லனாக நடித்து வருகிறார் மிஷ்கின். இப்படத்தின் ஷூட்டிங்கும் காஷ்மீரில் நடைபெற்று வருகிறது. இப்படத்தை வருகிற அக்டோபர் மாதம் 19-ந் தேதி ஆயுத பூஜை விடுமுறையில் ரிலீஸ் செய்ய திட்டமிட்டு உள்ளனர்.
இந்நிலையில், லியோ படத்துக்கு பின்னர் மிஷ்கினுக்கு பட வாய்ப்புகள் குவிந்து வருகிறதாம். இதனால் படம் இயக்குவதை ஓரங்கட்டிவிட்டு, முழுநேர நடிகராக களமிறங்கிவிட்டாராம் மிஷ்கின். அதுமட்டுமின்றி தனக்கு உள்ள டிமாண்டை அறிந்துகொண்டு சம்பளத்தை சட்டென உயர்த்திவிட்டாராம் மிஷ்கின். அவரின் கால்ஷீட் கேட்டு வருபவர்களிடம் ஒரு நாளைக்கு ரூ.10 லட்சம் கேட்டு ஷாக் கொடுக்கிறாராம் மிஷ்கின்.
இதையும் படியுங்கள்... ரிலீசுக்கு முன்பே ரூ.246 கோடியா!.. தளபதி விஜய் - லோகேஷ் கனகராஜ் கூட்டணின்னா சும்மாவா.! லியோ செய்த சாதனை!
சேனலை கிளிக் செய்து பின்தொடரவும்