Swetha Lakshman : படம் பிடிக்கலைனா நடுரோட்ல மொட்டை அடிச்சுக்கிறேன்: ரசிகர்களிடம் நடிகை ஓபன் சேலஞ்ச்

Swetha Lakshman Challenge : தனது படம் ரசிகர்களுக்குப் பிடிக்கவில்லை என்றால், நடுரோட்டில் மொட்டை அடித்துக் கொள்வதாக இளம் நடிகை ஸ்வேதா லக்‌ஷ்மன் சவால் விடுத்துள்ளார்.

மொட்டை அடிப்பதாக சவால்விட்ட நடிகை

ஒரு சினிமா ஜெயிக்கிறதுக்கு பெரிய ஸ்டார்ஸ், கோடி கோடியா பட்ஜெட், இல்லனா கிளாமர் பாட்டுதான் வேணும்னு அவசியம் இல்லை. கதையும், கண்டென்ட்டும் நல்லா இருந்தா போதும், சின்ன படங்களும் ரசிகர்களோட மனசை அள்ளிடும். இப்போ இதே நம்பிக்கையோட, ஒரு இளம் நடிகை தன்னோட படத்தைப் பத்தி ரொம்பவே கான்ஃபிடன்டா பேசியிருக்காங்க. அதுமட்டுமில்லாம, 'படம் பார்த்துட்டு உங்களுக்கு ஏமாற்றமா இருந்தா, நான் நடுரோட்ல நின்னு மொட்டை அடிச்சுக்கிறேன்'னு சொல்லி எல்லாரையும் ஆச்சரியப்பட வச்சிருக்காங்க.

யார் அந்த நடிகை?

அந்த நடிகையின் பெயர் ஸ்வேதா லக்‌ஷ்மன். செப்டம்பர் 4-ஆம் தேதி ரிலீஸாக இருக்கும் படங்களில் 'சஹ: லைஃப் ஆஃப் சஞ்சு' படமும் ஒன்று. சமீபத்தில் ஹைதராபாத்தில் இந்த படத்தின் ட்ரெய்லர் வெளியீட்டு விழா பிரம்மாண்டமாக நடந்தது. இதில் தயாரிப்பாளர் பன்னிவாஸ் உட்பட படக்குழுவினர் பலரும் கலந்துக்கிட்டாங்க. இந்த விழாவில் ஸ்வேதா லக்‌ஷ்மன் பேசினதுதான் எல்லாரோட கவனத்தையும் ஈர்த்தது. விழாவுக்கு வந்திருந்த விருந்தினர்கள், மீடியா, குடும்பத்தினர் மற்றும் படக்குழுவுக்கு நன்றி சொன்ன அவர், வம்சி நந்திபாட்டி, பன்னிவாஸ் மாதிரி படத்துக்கு ஆதரவு கொடுத்த எல்லாருக்கும் நன்றி தெரிவித்தார். தயாரிப்பாளர் தேஜா வெல்புச்செர்லா, டைரக்டர் நிஷாந்த் தோத்தி, ஹீரோ குமார் காசரம்னு மொத்த டீமோட உழைப்பையும் அவர் நினைவு கூர்ந்தார்.

'பெரிய பட்ஜெட் இல்ல... ஆனா கதை மேல நம்பிக்கை இருக்கு'

தன்னோட படத்தைப் பற்றி பேசிய ஸ்வேதா லக்‌ஷ்மன், 'சஹ' படத்துக்கு பெரிய பட்ஜெட்டோ, பெரிய ஸ்டார் காஸ்டிங்கோ இல்லாம இருக்கலாம். ஆனா, எங்ககிட்ட இருக்கிற பெரிய பலமே கதை மேல இருக்கிற நம்பிக்கைதான்'. 'இது வெறும் சாதாரண லவ் ஸ்டோரி கிடையாது. நம்ம வாழ்க்கையில நடக்கிற, நடந்த, இனிமே நடக்கப்போற, நடக்கவே கூடாதுன்னு நாம நினைக்கிற பல உணர்வுகளை இந்தப் படம் காட்டும்'னு சொல்லியிருக்கிறார்.

'காதல்னா வெறும் ரொமான்டிக் பாட்டும், மான்டேஜ் ஷாட்ஸும் மட்டும் இல்ல. அதுக்குப் பின்னாடி வலி, தியாகம், ஆழமான உணர்வுகள்னு நெறைய இருக்கு. நாம எடுக்கிற ஒரு சின்ன முடிவு, சில சமயம் நம்ம மொத்த வாழ்க்கையையும் மாத்திடும். இந்த மாதிரி உணர்வுகளை படத்துல ரொம்ப அழகா காட்டியிருக்கோம்'னு ஸ்வேதா லக்‌ஷ்மன் பேசினார்.

'நான் கெஞ்சல... சேலஞ்ச் பண்றேன்!'

தன்னோட பேச்சிலேயே படத்தின் மீதான நம்பிக்கையை காட்டிய ஸ்வேதா, 'நான் உங்ககிட்ட படம் பாருங்கன்னு கெஞ்சல, சேலஞ்ச் பண்றேன்'. 'இந்தப் படத்தைப் பார்த்ததுக்கு அப்புறம், என்ன ஒரு நல்ல படம் எடுத்திருக்காங்கன்னு நீங்களே சொல்வீங்க. தியேட்டரை விட்டு வெளியே வரும்போது யாருமே ஏமாற்றமடைய மாட்டீங்க.'

'ஒருவேளை நீங்க ஏமாந்துட்டா, ஞாபகம் வச்சுக்கோங்க... நான் நடுரோட்ல நின்னு மொட்டை அடிச்சுக்கிறேன். அந்த அளவுக்கு ஒரு வலுவான கண்டென்ட் எங்க படத்துல இருக்கு'னு ஸ்வேதா லக்‌ஷ்மன் சவால் விடுத்துள்ளார். ஹீரோயினோட இந்த பேச்சு, ட்ரெய்லர் லான்ச்ல பெரிய பரபரப்பை ஏற்படுத்தினதோட, இப்போ சோஷியல் மீடியாலயும் விவாதப் பொருளாக மாறியிருக்கு.

'சஹ' ஒரு படம் மட்டுமல்ல... 50-60 பேரோட கனவு!

தெலுங்கு ரசிகர்கள் நல்ல படங்களை மனசார ஏத்துக்குவாங்கன்னு நம்பிக்கை இருக்குன்னு சொன்ன ஸ்வேதா, அதனாலதான் ஒரு நல்ல கண்டென்ட்டோட வர்றோம். நல்ல தியேட்டர்களில், குறைவான விலையில் படத்தைக் கொண்டு சேர்க்க முயற்சி செஞ்சிருக்கோம். 'சஹ: லைஃப் ஆஃப் சஞ்சு' ஒரு படம் மட்டும் இல்ல. இதுக்குப் பின்னாடி வேலை செஞ்ச சுமார் 50-ல இருந்து 60 புது திறமைகளோட வாழ்க்கை, கடின உழைப்பு, அர்ப்பணிப்பு, பேஷன் மற்றும் கனவுகள் இருக்கு. இது எல்லாம் சேர்ந்துதான் 'சஹ' படமா உருவாகியிருக்கு'னு ஸ்வேதா லக்‌ஷ்மன் கூறி உள்ளார்.

நிஷாந்த் தோத்தி இயக்கியுள்ள இந்தப் படத்துக்கு ஷேகர் சந்திரா இசையமைத்துள்ளார். குமார் காசரம், ஸ்வேதா லக்‌ஷ்மன், ப்ரக்ஞா பாண்டியா உட்பட பலர் நடித்துள்ளனர். சுமைரா ஸ்டுடியோஸ் பேனரில் தேஜா வெல்புச்செர்லா தயாரித்துள்ள 'சஹ: லைஃப் ஆஃப் சஞ்சு' செப்டம்பர் 4-ஆம் தேதி தியேட்டர்களில் வெளியாக உள்ளது.