samantha : நாக சைதன்யாவுடன் தொடர்பில் இருந்த மேனேஜர்... விஷயம் தெரிஞ்சதும் வேலையை விட்டு தூக்கிய சமந்தா

samantha : நாக சைதன்யாவுடனான பிரிவுக்கு பின் அவரை விட்டு விலகியே இருக்கே முடிவு செய்துள்ள சமந்தா, அதனால் தான் மேனேஜரையும் மாற்றி உள்ளதாக டோலிவுட் வட்டாரத்தில் பேச்சு அடிபடுகிறது.

நடிகர் நாகசைதன்யாவை விவாகரத்து செய்த பின் சினிமாவில் கவனம் செலுத்தி வரும் நடிகை சமந்தா தற்போது தமிழ், தெலுங்கு, இந்தி என பல்வேறு மொழிகளில் பிசியான நடிகையாக வலம் வருகிறார். 

தமிழில் இவர் கைவசம் காத்துவாக்குல ரெண்டு காதல் திரைப்படம் உள்ளது. விக்னேஷ் சிவன் இயக்கியுள்ள இப்படத்தில் விஜய் சேதுபதிக்கு ஜோடியாக நடித்துள்ளார் சமந்தா. இப்படம் வருகிற ஏப்ரல் 28-ந் தேதி ரிலீசாக உள்ளது.

இதுதவிர தெலுங்கில் யசோதா, சகுந்தலம் ஆகிய படங்களில் நடித்து வரும் சமந்தா, இந்தியிலும் ராஜ் மற்றும் டீகே இயக்கத்தில் உருவாகும் ஒரு வெப் தொடர்களில் நடிக்க ஒப்பந்தமாகி உள்ளார்.

மேலும் இந்தியில் அடுத்தடுத்து பட வாய்ப்புகளும் குவிந்து வருவதால், மும்பையில் சொந்தமாக ஒரு ஆடம்பர பங்களா ஒன்றையும் வாங்கி உள்ளாராம் சமந்தா. அதன் விலை பல கோடி இருக்கும் என கூறப்படுகிறது.

பாலிவுட்டில் தொடர்ந்து வாய்ப்புகள் வருவதால், அதற்காக புது மேனேஜர் ஒருவரை சமந்தா நியமித்துள்ளாராம். ஆரம்பத்தில் பாலிவுட் படங்களை மட்டும் கவனித்து வந்த அவரிடம் தென்னிந்திய மொழி படங்களையும் கவனிக்கும் வாய்ப்பை வழங்கி உள்ளாராம் சமந்தா.

இதற்கு முன்னர் நடிகை சமந்தாவிடம் மகேந்திரா என்பவர் மேனேஜராக இருந்து வந்தார். அவர் சமந்தாவைப் போல் நாக சைதன்யாவிடமும் மேனேஜராக பணியாற்றி வந்துள்ளார்.

நாக சைதன்யாவுடனான பிரிவுக்கு பின் அவரை விட்டு விலகியே இருக்கே முடிவு செய்துள்ள சமந்தா, அதனால் தான் மேனேஜரையும் மாற்றி உள்ளதாக டோலிவுட் வட்டாரத்தில் பேச்சு அடிபடுகிறது.

இதையும் படியுங்கள்... Prabhas : காலில் காயம்... ஆபரேஷன் செய்ய அமெரிக்கா விரையும் பிரபாஸ் - பாதியில் நிற்கும் பிரம்மாண்ட படங்கள்