தங்கமான மனுஷன்.... சிம்புவை புகழ்ந்து பிரபல நடிகை சொன்ன நச் பதில்!!

தமிழ் திரையுலகில் முன்னணி நடிகராக வலம் வரும் சிம்புவை (Simbu) தங்கமான மனுஷன் என புகழ்ந்து பிரபல நடிகை டுவிட்டரில் பதிவிட்டு உள்ளார்.

திரையுலகில் நிலையான இடத்தை பிடிக்க பல நடிகைகள் போராடி வரும் நிலையில், தன்னுடைய ஒரு சில படங்களிலேயே ரசிகர்கள் மனதில் நீங்கா இடம்பிடித்து கோயில் கட்டும் வரை பிரபலமானவர் நிதி அகர்வால் (nidhi agarwal).

இவர் சுசீந்திரன் இயக்கத்தில் இந்தாண்டு பொங்கலுக்கு வெளியான ஈஸ்வரன் படத்தில் சிம்புவுக்கு ஜோடியாக நடித்ததன் மூலம் தமிழ் சினிமாவில் ஹீரோயினாக அறிமுகமானார். அவர் ஜெயம் ரவிக்கு ஜோடியாக நடித்த 'பூமி' திரைப்படம் அதே நாளில் வெளியாகி கூடுதல் பலம் சேர்த்தது.

முன்னணி நடிகர்களின் படம் மூலம் கோலிவுட்டில் எண்ட்ரி கொடுத்த நிதி அகர்வால், தற்போது இயக்குனர் மகிழ் திருமேனி இயக்கத்தில், உதயநிதி ஸ்டாலின் நடிக்கும் படத்தில் ஹீரோயினாக நடித்து வருகிறார்.

தமிழ் சினிமாவிற்கு புது வரவாக இருந்தாலும், முன்னணி ஹீரோக்களுடன் தான் ஜோடி போட வேண்டும் என்பதில் தீர்க்கமாக உள்ளார் என்பது இவர் தேர்வு செய்யும் படங்களில் இருந்தே தெரிகிறது.

மேலும் ரசிகர்களை கவரும் விதமாக கவர்ச்சிக்கு பஞ்சம் இல்லாமல் புகைப்படம் வெளியிட்டு வாய்ப்பு தேடுவதை வழக்கமாக வைத்துள்ள நிதி அகர்வால், சமீபத்தில் டுவிட்டர் வாயிலாக ரசிகர்களுடன் கலந்துரையாடினார்.

அப்போது ரசிகர் ஒருவர், சிம்பு குறித்து ஒரு வார்த்தையில் சொல்லுமாறு கேட்டார். இதற்கு ‘தங்கமான மனிதர்’ என நிதி அகர்வால் பதிலளித்திருந்தார். நிதி அகர்வாலின் இந்த பதிவுக்கு சிம்பு ரசிகர்கள் லைக்குகளை அள்ளிக் குவித்து வருகிறார்கள்.