நடிகை அனுஷ்கா ஷெட்டியின் பிறந்தநாளை முன்னிட்டு, அவர் நடிப்பில் உருவாகி உள்ள 'Ghaati' படத்தின் ஃபர்ஸ்ட் லுக், தற்போது வெளியாகி இந்த படத்தின் மீதான எதிர்பார்ப்பை அதிகரிக்கச் செய்துள்ளது.
தமிழ் - தெலுங்கு என இரு மொழிகளிலும், விஜய், அஜித், விக்ரம், பிரபாஸ், நாகர்ஜுனா, சிரஞ்சீவி போன்ற முன்னணி நடிகர்களுக்கு ஜோடியாக நடித்து பல இளம் ரசிகர்களின் கனவு கன்னியாக வலம் வந்தவர் அனுஷ்கா ஷெட்டி. 35 வயதை கடந்த பின்னரும், இன்னும் திருமணம் செய்து கொள்ளாமல் இருக்கும் அனுஷ்கா ஷெட்டி, தன்னுடைய மனதிற்கு பிடித்த கதாபாத்திரங்களை மட்டுமே தேர்வு செய்து நடித்து வருகிறார்.
அந்த வகையில் இவர் நடிப்பில் கடைசியாக 'மிஸ் ஷெட்டி மிஸ்டர் பொலி ஷெட்டி' என்கிற திரைப்படம் வெளியாகி, விமர்சன ரீதியாகவும்... வசூல் ரீதியாகவும் நல்ல வரவேற்பை பெற்றது. இந்த படத்தில் அனுஷ்கா ஷெட்டி, ஹீரோவை விட வயதில் மூத்த பெண்ணாக நடித்திருந்தார். மேலும் ஒரு சமையல் கலைஞராக நடித்திருந்தார் என்பது குறிப்பிடத்தக்கது.
தனுஷ் - அக்ஷயா திருமணத்தில்.. தன் கல்யாண ஆசையை வெளிப்படுத்திய நெப்போலியனின் 2-ஆவது மகன் குணால்!
இதை தொடர்ந்து 'Ghaati' என்கிற படத்தில் நடித்து வருகிறார். இப்படம் தமிழ், தெலுங்கு, ஹிந்தி, மலையாளம், கன்னடம், என ஐந்து மொழிகளில் பான் இந்தியா படமாக உருவாகி வருகிறது. இந்த படத்தை இயக்குனர் கிரிஷ் ஜகர்லமுடி இயக்குகிறார். யு வி கிரியேஷன்ஸ் வழங்க, ராஜு ரெட்டி மற்றும் சாய் பாபு ஜகர்லாமுடி ஆகியோர் இந்த படத்தை தயாரித்து வருகின்றனர்.
இந்நிலையில் இன்று நடிகை அனுஷ்காவின் பிறந்தநாளை முன்னிட்டு, 'Ghaati' படத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது. இதில் அனுஷ்கா ஆளே அடையாளம் தெரியாமல் மாறி இருக்கிறார். கழுத்தில் தாலி, கையில் சுருட்டு, முகத்தில் ரத்தம் என மிகவும் வித்தியாசமான லுக்கில்... பார்வையிலேயே ரசிகர்களை மிரள வைத்துள்ளார்.
பிக்பாஸ் டைட்டில் வின்னர் இவர்களின் ஒருவர் தான்? தர்ஷா குப்தா பகிர்ந்த தகவல்!
இப்படம் ஒரு ஸ்கிப்பிங் ஆக்சன் திரில்லராக உருவாக்கி வரும் நிலையில், இப்படத்தில் அனுஷ்கா முதல் முறையாக அதிரடி ஆக்சன் நாயகியாக நடித்து வருகிறார். இந்த படத்தின் இறுதிக் கட்ட பணிகள் தற்போது விறுவிறுப்பாக நடந்து வரும் நிலையில், கூடிய விரைவில் ரிலீஸ் தேதி குறித்த அறிவிப்பு வெளியாகும் என தெரிகிறது. இந்த படத்தின் ஃபர்ஸ்ட் லுக்கை பார்த்து ரசிகர்கள் பலர் இது உண்மையிலேயே அனுஷ்கா தானா? என அதிர்ச்சியுடன் கேள்வி எழுப்பி வருகின்றனர்.
சேனலை கிளிக் செய்து பின்தொடரவும்