Thalapathy 66 : தளபதி 66 படம் குறித்து ஷாக்கிங் அப்டேட்டை வெளியிட்ட விஜய்... அப்போ அதெல்லாம் பொய்யா?

Thalapathy 66 : விஜய் நடிக்கும் தளபதி 66 திரைப்படம் தமிழ் மற்றும் தெலுங்கு ஆகிய மொழிகளில் தயாராக உள்ளதாகவும், இப்படத்தின் மூலம் நடிகர் விஜய் தெலுங்கில் அறிமுகமாக உள்ளதாக கூறப்பட்டு வந்தது. 

பீஸ்ட் படத்தின் ரிலீசுக்கு பின் விஜய் நடிப்பில் உருவாக உள்ள படம் தளபதி 66. வம்சி இயக்க உள்ள இப்படத்தில் நடிகர் விஜய்க்கு ஜோடியாக ராஷ்மிகா மந்தனா நடிக்க உள்ளார். தில் ராஜு தயாரிக்க உள்ள இப்படத்தின் பூஜை அண்மையில் சென்னையில் நடைபெற்றது. இப்படத்தில் நடிகர் சரத்குமாரும் முக்கிய கதாபாத்திரத்தில் நடிக்க உள்ளார். அவர் நடிகர் விஜய்யுடன் நடிக்க உள்ள முதல் படம் இதுவாகும்.

இப்படத்திற்கு தமன் இசையமைக்க உள்ளார். மேலும் பாடலாசிரியர் விவேக், இப்படத்திற்கான திரைக்கதை மற்றும் வசனகர்த்தாவாக பணியாற்ற உள்ளார். இப்படத்திற்காக சென்னையில் பிரம்மாண்ட செட் அமைக்கும் பணிகள் விறுவிறுப்பாக நடைபெற்று வருகிறது. விரைவில் இப்படத்தின் ஷூட்டிங் தொடங்க உள்ளது. 

விஜய் நடிக்கும் தளபதி 66 திரைப்படம் தமிழ் மற்றும் தெலுங்கு ஆகிய மொழிகளில் தயாராக உள்ளதாகவும், இப்படத்தின் மூலம் நடிகர் விஜய் தெலுங்கில் அறிமுகமாக உள்ளதாக கூறப்பட்டு வந்தது. பீஸ்ட் படத்தின் இயக்குனர் நெல்சன் நடிகர் விஜய்யுடன் நடத்திய நேர்காணலில் தளபதி 66 படம் குறித்தும் கேள்வி எழுப்பினார்.

அதன்படி தளபதி 66 படம் தமிழ் மற்றும் தெலுங்கில் உருவாக உள்ளதாக சொல்கிறார்களே உண்மையா எனக் கேட்டார். இதற்கு பதிலளித்த “விஜய், தளபதி 66 படம் தமிழில் மட்டும் தான் உருவாக உள்ளது. இது முழுக்க முழுக்க தமிழ் படம் தான். தெலுங்கில் டப்பிங் செய்து தான் வெளியிட உள்ளனர்” எனக் கூறினார். இப்படம் மூலம் நடிகர் விஜய் தெலுங்கில் அறிமுகமாக உள்ளதாக பரவி வந்த தகவல் உண்மையில்லை என்பது உறுதியாகி உள்ளது.

இதையும் படியுங்கள்... Vijay Interview : விஜய்யின் லேட்டஸ்ட் ‘குட்டி ஸ்டோரி’ கேட்டு மெர்சலான ரசிகர்கள்... அதுல இவ்ளோ விஷயம் இருக்கா?