Actor Suriya : பிரபல நடிகர் சூர்யா ஏற்கனவே மெகா ஹிட் ஆன தன்னுடைய படத்தின் இரண்டாம் பாகம் குறித்த முக்கியமான அறிவிப்பினை கங்குவார் திரைப்பட பிரமோஷனில் தெரிவித்துள்ளார்.
தமிழ் சினிமா இதுவரை கண்டிராத ஒரு புதிய கதைகளத்தோடு வருகின்ற நவம்பர் 14ஆம் தேதி உலக அளவில் சுமார் 38 மொழிகளில் திரையரங்குகளில் வெளியாகின்றது கங்குவா திரைப்படம். உண்மையில் கடந்த இரண்டு ஆண்டுகளாக இந்த ஒரே ஒரு திரைப்படத்திற்காக தான் நடிகர் சூர்யா தன்னுடைய அனைத்து பணிகளையும் நிறுத்தி வைத்திருந்தார் என்றால் அது மிகையல்ல. மிக நீண்ட காத்திருப்புக்குப் பிறகு எதிர்வரும் நவம்பர் மாதம் 14ஆம் தேதி உலக அளவில் இந்த திரைப்படம் வெளியாக உள்ள நிலையில் இப்போது இருந்தே இப்படத்திற்கான பிரமோஷன் பணிகளில் நடிகர் சூர்யா மற்றும் படக்குழுவினர் அனைவரும் இணைந்து செயல்பட்டு வருகின்றனர்.
முதல் முறையாக பிரபல இயக்குனர் சிறுத்தை சிவா இயக்கத்தில் நடிகர் சூர்யா, பாலிவுட் நடிகர் பாபி தியால் நடிகை திஷா பட்டாணி உள்ளிட்ட பலரும் இந்த திரைப்படத்தில் நடித்திருக்கும் நிலையில் பிரபல ஸ்டுடியோ கிரீன் நிறுவனத்தின் கே இ ஞானவேல் ராஜா இந்த திரைப்படத்தை தயாரித்திருக்கிறார். உலக அளவில் நிச்சயம் இந்த திரைப்படம் 2000 கோடி ரூபாயாவது வசூல் செய்யும் என்று மிகவும் நம்பிக்கை தெரிவித்து இருக்கும் ஞானவேல், படத்தின் பல காட்சிகள் Goosebumps வரவழைக்கும் காட்சிகளாக அமையும் என்று நம்பிக்கை தெரிவித்து இருக்கிறார். இந்த நிலையில் தொடர்ச்சியாக இந்த திரைப்படத்தின் பிரமோஷனல் ஈடுபட்டு வரும் நடிகர் சூர்யா தன்னுடைய மெகா ஹிட் திரைப்படம் குறித்த முக்கிய அறிவிப்பை வெளியிட்டு இருக்கிறார்.
கடந்த 2005ம் ஆண்டு பிரபல இயக்குனர் ஏ ஆர் முருகதாஸ் இயக்கத்தில் வெளியாகி மெகா ஹிட் ஆன திரைப்படம் தான் கஜினி. சுமார் 8 கோடி ரூபாய் பட்ஜெட்டில், 2005 ஆம் ஆண்டு எடுக்கப்பட்ட இந்த திரைப்படம் உலக அளவில் 50 கோடி ரூபாய் வசூல் செய்து மெகா ஹிட் திரைப்படமாக மாறியது. இத்திரைப்படத்தின் கதை மட்டுமல்லாமல் இப்படத்தில் இடம்பெற்ற அனைத்து பாடல்களும் மக்கள் மத்தியில் வெகுவான வரவேற்பை பெற்றது. நடிகை அசின் மற்றும் நடிகர் சூர்யா நடிப்பில் மக்களை மிகவும் கவர்ந்த திரைப்படங்களில் இதுவும் ஒன்று.
இந்நிலையில் தற்பொழுது கங்குவா திரைப்பட பணிகளுக்கு பிறகு பிரபல நடிகர் மற்றும் இயக்குனர் ஆர் ஜே பாலாஜி இயக்கும் திரைப்படத்தில் ஆண் கடவுளாக நடிகர் சூர்யா நடிக்கவுள்ளார். அந்த திரைப்பட பணிகளை முடித்த பிறகு, கஜினி படத்தின் இரண்டாம் பாகத்தில் அவர் நடிக்க உள்ளதாக சூர்யாவே அந்த தகவலை கொடுத்திருக்கிறார். அது மட்டுமல்லாமல் இந்த திரைப்படம் ஒரே நேரத்தில் தமிழ் மற்றும் ஹிந்தி ஆகிய இரண்டு மொழிகளிலும் உருவாக உள்ளது என்றும், தமிழில் நடிகர் சூர்யாவும் ஹிந்தியில் நடிகர் அமீர் கானும் இந்த இரண்டாம் பாகத்தில் நடிக்க உள்ளதாக கூறப்படுகிறது. அது மட்டுமல்லாமல் அமீர்கான் தமிழிலும், சூர்யா ஹிந்தியிலும்கேமியோ கதாபாத்திரத்தில் நடிக்க உள்ளதாகவும் சில தகவல்கள் பரவி வருகிறது.
குழந்தையோடு தான் ஷாரிக்கை திருமணம் செய்தேன்! கண்ணீரோடு ரியாஸ் கான் மருமகள் கூறிய பகீர் தகவல்!